ଦାରିଙ୍ଗବାଡ଼ି,୨୦ା୪(ଡି.ଏନ୍.ଏ.): ପୁଅବୋହୂଙ୍କ ଆକ୍ରମଣରେ ବୃଦ୍ଧା ମା’ଙ୍କ ମୃତ୍ୟୁ ଘଟଣାରେ କନ୍ଧମାଳ ଜିଲା ଦାରିଙ୍ଗବାଡ଼ି ପୋଲିସ ଗୁରୁବାର ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ବ୍ୟକ୍ତି ହେଲେ ମୃତ ବୃଦ୍ଧା ପୁଷ୍ପାଞ୍ଜଳି ପରିଚ୍ଛାଙ୍କ ପୁଅ ସୁନାମ ପରିଛା। ତାଙ୍କ ନାମରେ ହତ୍ୟା ଅଭିଯୋଗ କରିଥିଲେ ସୁନାମଙ୍କ ବାପା ଲକପତି ପରିଚ୍ଛା।
ପ୍ରକାଶ ଯେ, ଲକପତିଙ୍କ ଅଭିଯୋଗ ଅନୁଯାୟୀ ତାଙ୍କ ଶାଶୁଙ୍କ ଶୁଦ୍ଧିକ୍ରିୟା ପାଇଁ ସେମାନେ ପାଙ୍ଗାଲି ଗ୍ରାମକୁ ଆସିଥିଲେ ସେଠାରେ ଶନିବାର ସନ୍ଧ୍ୟାରେ କୌଣସି କଥାକୁ ନେଇ ବଚସା ଓ ପରେ ବାଡ଼ିଆପିଟା ହୋଇ ଥିଲା ପୁଷ୍ପାଞ୍ଜଳିଙ୍କ ପୁଅ, ବୋହୂ ଏବଂ ତାଙ୍କ ସହଯୋଗୀମାନେ ଚୁଟି ଧରି ଘୋଷାଡ଼ା ଘୋଷଡ଼ି ସହ କୁଆଡ଼େ ପୁଷ୍ପାଞ୍ଜଳିଙ୍କ ନାଭି ତଳ ପେଟକୁ ଗୋଇଠା ମାରି ଆକ୍ରମଣ କରିଥିବା ଅଭିଯୋଗ ହୋଇଥିଲା। ପୁଷ୍ପାଞ୍ଜଳି ଆକ୍ରମଣରେ ତଳେ ପଡ଼ିଯିବାରୁ ତାଙ୍କ ମୁଣ୍ଡରେ ମଧ୍ୟ ଶକ୍ତ ଆଘାତ ଲାଗିଥିଲା। ପୁଷ୍ପାଞ୍ଜଳିଙ୍କୁ ଆକ୍ରମଣ କରାଯିବାରୁ ସେ ଯନ୍ତ୍ରଣାରେ ଛଟପଟ ହେଉଥିଲେ ପରେ ତାଙ୍କୁ ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଘଟଣାଟି ଶନିବାର ସନ୍ଧ୍ୟାରେ ହୋଇଥିବା ମୃତ ପୁଷ୍ପାଞ୍ଜଳିଙ୍କ ସ୍ବାମୀ ରବିବାର ଥାନାରେ ଲିଖିତ ଅଭିଯୋଗ କରିଥିଲେ ପୋଲିସ ଅଭିଯୋଗ ପାଇ ଏକ ହତ୍ୟା ମାମଲା (୬୬/୨୩) ରୁଜୁ କରି ସୁନାମଙ୍କୁ ଅଟକ ରଖି ପଚରାଉଚରା କରୁଥିଲା। ତେବେ ଗୁରୁବାର ତାଙ୍କୁ ଗିରଫ କରିଥିବା ନେଇ ପୋଲିସ କହିଛି।
