ମନ୍ଦିର ଏବଂ ତୀର୍ଥସ୍ଥାନର ଦେଶ ଭାବରେ ଭାରତ ବେଶ୍ ଜଣାଶୁଣା। ଆମ ଦେଶରେ ହଜାର ହଜାର ସଂଖ୍ୟାରେ ମନ୍ଦିର ରହିଛି। ଯେଉଁଠାକୁ ପ୍ରତିବର୍ଷ ବହୁ ସଂଖ୍ୟାରେ ଭକ୍ତ ବିଶ୍ୱାସ ନେଇ ଦେବଦେବୀଙ୍କୁ ଦର୍ଶନ କରିବାକୁ ଦୂରଦୂରାନ୍ତରୁ ଛୁଟି ଆସିଥାନ୍ତି। ଖାଲି ଯେ, ଭକ୍ତମାନେ ମନ୍ଦିର ଆସନ୍ତି ତା’ ନୁହେଁ, ମନ୍ଦିରକୁ ଅନେକ ଦାନ ଧର୍ମ ବି କରନ୍ତି। ଦେଶରେ ଥିବା ପ୍ରତ୍ୟେକ ମନ୍ଦିରର ନିଜସ୍ବ ଗୁରୁତ୍ୱ ଏବଂ ବିଶେଷତା ରହିଛି। ତେବେ କରୋନା ଯୋଗୁ ଏବେ ପ୍ରାୟ ସମସ୍ତ ମନ୍ଦିର ବନ୍ଦ ରହିଛି।
ଏଭଳି ପରିସ୍ଥିତିରେ ଭାରତର ଏପରି କିଛି ମନ୍ଦିର ବିଷୟରେ ଜଣାଇବୁ ଯାହା ଦେଶର ସବୁଠାରୁ ଧନୀ ମନ୍ଦିର ଅଟେ। ଏହି ମନ୍ଦିରଗୁଡ଼ିକର ରୋଜଗାର ବିଷୟରେ ଜାଣିଲେ ଆଶ୍ଚର୍ଯ୍ୟ ହେବେ। ବର୍ଷକୁ ଏଠାରୁ କୋଟି କୋଟି ଅର୍ଥ ରୋଜଗାର ହୋଇଥାଏ।
ଆନ୍ଧ୍ରପ୍ରଦେଶର ତିରୁମାଲାରେ ଅବସ୍ଥିତ ତିରୁପତି ବାଲାଜୀ ମନ୍ଦିର ହେଉଛି ଦେଶର ଅନ୍ୟତମ ସମୃଦ୍ଧ ମନ୍ଦିର। ଏଠାକୁ ପ୍ରାୟ ୬୦ ହଜାର ଭକ୍ତ ପରିଦର୍ଶନ କରିବାକୁ ଆସନ୍ତି। ବର୍ତ୍ତମାନ କରୋନା ମହାମାରୀ ଯୋଗୁ ଏହି ମନ୍ଦିରରେ ପ୍ରବେଶ ପ୍ରତିବନ୍ଧକ ରହିଛି। କିନ୍ତୁ ପ୍ରତିବର୍ଷ ଏହି ମନ୍ଦିରରୁ ୬୫୦ କୋଟିରୁ ଅଧିକ ଟଙ୍କା ରୋଜଗାର ହୋଇଥାଏ।
ସେହିପରି ଥିରୁଭାନନ୍ତପୁରମ୍ରେ ଥିବା ପଦ୍ମନାଭ ମନ୍ଦିର, ଶିରିଡ଼ିସ୍ଥିତ ସାଇ ମନ୍ଦିର, ବୈଷ୍ଣୋ ଦେବୀ ମନ୍ଦିର ଏବଂ ମୁମ୍ବାଇରେ ଥିବା ସିଦ୍ଧି ବିନାୟକ ମନ୍ଦିରରୁ ବର୍ଷକୁ ବହୁ କୋଟି ଟଙ୍କା ରୋଜଗାର ହୋଇଥାଏ।
