ଗୋଟିଏ ପଟେ ଭାରତୀୟ ଦଳ ଫେବୃୟାରୀ ୫ରୁ ଆରମ୍ଭ ହେବାକୁ ଥିବା ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ୍ ପାଇଁ ପ୍ରସ୍ତୁତି ଚଳାଇଥିବା ବେଳେ ଅନ୍ୟପଟେ ଦଳର ଦ୍ରୁତ ବୋଲର ମହମ୍ମଦ ଶାମି କ୍ରିକେଟ ଛାଡି ନିଜର ନୂତନ ବ୍ୟବସାୟ ଉପରେ ଧ୍ୟାନ ଦେଉଛନ୍ତି। ହଁ, ହାତରେ ଆଘାତ ଯୋଗୁ ଭାରତ-ଇଂଲଣ୍ଡ ସିରିଜ୍ର ପ୍ରଥମ ୨ଟି ମ୍ୟାଚ୍ରେ ଶାମି ଦଳର ଅଂଶ ହୋଇ ନାହାନ୍ତି। ଏହି ସମୟରେ ଖାଲିରେ ବସିବା ପରିବର୍ତ୍ତେ ପିିତ୍ତଳ ଶୋ’ପିସ୍ର ବ୍ୟବସାୟ କରୁଛନ୍ତି। ହାତରେ ପଟ୍ଟୀ ବାନ୍ଧି ନିଜ ଜିନିଷର ପ୍ରମୋଶନ କରୁଥିବାର ଦେଖିବାକୁ ମିଳୁଛି। ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଶାମି ନିଜର ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଏହିସବୁ ଫଟୋ ଶେୟାର କରି ସେ ପିତ୍ତଳର ବ୍ୟବସାୟ ଆରମ୍ଭ କରିଥିବା କହିଛନ୍ତି। ଏଥିସହ ସେ ଲେଖିଛନ୍ତି, ଅର୍ଡର ପାଇଁ ପିତ୍ତଳର ନୂଆ ପ୍ରଡକ୍ଟ ଆସିଯାଇଛି। ଏଥିପାଇଁ ଆପଣ shami୧୧୯୪@icloud.com ରେ ମେଲ୍ କରିପାରିବେ ବୋଲି ସେ ଲେଖିଛନ୍ତି। ଶାମିଙ୍କ ଏହି ଫଟୋ ଦେଖିବା ପରେ କିଛି ୟୁଜର ତାଙ୍କୁ ଟ୍ରୋଲ କରିବା ମଧ୍ୟ ଆରମ୍ଭ କରିଦେଇଛନ୍ତି। ଜଣେ ୟୁଜର ଲେଖିଛନ୍ତି, ଆପଣ ଏ କି ବ୍ୟବସାୟ ଆରମ୍ଭ କରିଛନ୍ତି। ସେହିପରି ଆଉ କିଛି ୟୁଜର ତାଙ୍କ ହାତ ବିଷୟରେ ପଚାରି ବୁଝିଛନ୍ତି।
