ହଂକଂ, ୨୭।୨: ନିଖୋଜ ଥିବା ହଂକଂ ମଡେଲ ତଥା ସୋସିଆଲ ମିଡିଆ ଇନ୍ଫ୍ଲୁଏନ୍ସର ଆବୀ ଚୋଇଙ୍କ କଟା ଗୋଡ଼ ରୁରାଲ ଟାଇ ପୋ’ରେ ଥିବା ଘର ଫ୍ରିଜ୍ରୁ ରବିବାର ପୋଲିସ ଜବତ କରିଛି। ମଡେଲଙ୍କୁ ହତ୍ୟା କରାଯାଇଥିବା ଅଭିଯୋଗରେ ପୋଲିସ ୪ ଜଣଙ୍କୁ ଗିରଫ କରିଥିବାବେଳେ ୩ ଜଣଙ୍କ ନଁାରେ ମାମଲା ରୁଜୁ କରିଛି। ୨୮ ବର୍ଷୀୟା ଆବୀଙ୍କ ହତ୍ୟାରେ ପୂର୍ବତନ ସ୍ବାମୀ ଆଲେକ୍ସ କଓ୍ବୋଙ୍ଗ ଓ ଶାଶୁଙ୍କ ସମ୍ପୃକ୍ତି ନେଇ ପୋଲିସ ଗିରଫ କରିଛି। ଶରୀରର କଟା ଅଙ୍ଗ ସାଙ୍ଗକୁ ଏଥିରେ ବ୍ୟବହାର ହୋଇଥିବା ଉପକରଣ ସବୁକୁ ପୋଲିସ ଜବତ କରିଥିବା କହିଛି। ଡ୍ରୋନ୍ ସାହାଯ୍ୟରେ ଆବୀଙ୍କ ମୁଣ୍ଡ ଓ ଅନ୍ୟ ଅଙ୍ଗ ପୋଲିସ ଖୋଜିବା ଆରମ୍ଭ କରିଛି। ଏଲ୍’ ଅଫିସିଆଲ ମୋନାକୋ ଫ୍ୟାଶନ୍ ମାଗାଜିନ୍ର ଡିଜିଟାଲ କରଭରେ ଆବୀଙ୍କୁ ନିକଟରେ ଦେଖାଯାଇଥିଲା। ମଙ୍ଗଳବାର ତାଙ୍କୁ ଶେଷଥର ପାଇଁ ଟାଇ ପୋ’ରେ ଦେଖାଯାଇଥିବା ପୋଲିସ କହିଛି।
