ଭୁବନେଶ୍ବର, ୧୦।୨: ଭୁବନେଶ୍ୱରରୁ ଛାତ୍ରୀ ନିଖୋଜ ଘଟଣାରେ ପୋଲିସକୁ ସଫଳତା । ୫ ଘଣ୍ଟା ପରେ କ୍ୟାପିଟାଲ ହସ୍ପିଟାଲରୁ ଉଦ୍ଧାର ହେଲେ ଛାତ୍ରୀ ।
ସୂଚନା ଅନୁସାରେ, ସୋମବାର ଦିନ ୧ଟା୩୦ ସମୟରେ ସ୍କୁଲ ଛୁଟି ପରେ ଘରକୁ ଫେରିନଥିଲେ । ଏନେଇ ପରିବାର ଲୋକେ ଚିନ୍ତିତ ହୋଇ ବହୁ ଖୋଜାଖୋଜି କରିଥିଲେ । ତଥାପି ନମିଳିବାରୁ ଭରତପୁର ଥାନାରେ ଅଭିଯୋଗ କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିଲା ।
ତେବେ ରାତି ପ୍ରାୟ ୧୦ଟା ପରେ ଛାତ୍ରୀ ଜଣକ କ୍ୟାପିଟାଲ ହସ୍ପିଟାଲରେ ଠିଆ ହୋଇଥିବା ଦେଖିଥିଲେ ହସ୍ପିଟାଲ ଗାର୍ । ଏହାପରେ ସେ ୧୧୨କୁ କଲ କରି ଶିଶୁ ବିଭାଗକୁ ପଠାଇ ଦେଇଥିଲେ । ଖବର ପାଇ ଭରତପୁର ଥାନା ପୋଲିସ କ୍ୟାପିଟାଲ ହସ୍ପିଟାଲରେ ପହଞ୍ଚି ଛାତ୍ରୀଙ୍କୁ ଉଦ୍ଧାର କରି ପଚରାଉଚରା ଆରମ୍ଭ କରିଛି । ତେବେ କିଏ ତାଙ୍କୁ କ୍ୟାପିଟାଲ ହସ୍ପିଟାଲରେ ଛାଡ଼ିଲା ନା ଛାତ୍ରୀଜଣକ କାହିଁକି ହସ୍ପିଟାଲ ଯାଇଥିଲେ, ସେନେଇ କୌଣସି ସୂଚନା ମିଳିପାରି ନାହିଁ ।
