ନୂଆଦିଲ୍ଲୀ,୧୬।୪: ମେଟା ଏକ ଆଣ୍ଟିଟ୍ରଷ୍ଟ ମାମଲା ସାମ୍ନା କରୁଛି। ଏହି ପରୀକ୍ଷଣ ଯୋଗୁ କମ୍ପାନୀ Instagram ଏବଂ WhatsApp ହରାଇପାରେ। ମେଟା ବିରୋଧରେ ଅନେକ ଅଭିଯୋଗ ଆସିଛି। ଏହି ମାମଲା ୨୦୨୦ ମସିହାରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କାର୍ଯ୍ୟକାଳ ସମୟରେ ଆରମ୍ଭ ହୋଇଥିଲା। ସେହି ସମୟରେ, ଫେଡେରାଲ ଟ୍ରେଡ କମିଶନ (FTC) ମେଟା ଉପରେ ଇନଷ୍ଟାଗ୍ରାମ ଏବଂ ହ୍ବାଟ୍ସଆପ ମଧ୍ୟରେ ପ୍ରତିଯୋଗିତାକୁ ଦୂର କରିବା ଏବଂ ସୋସିଆଲ ମିଡିଆ ପ୍ଲାଟଫର୍ମକୁ ନିଜ ଏକାଧିକାର ଅଧୀନରେ ରଖିବା ଉଦ୍ଦେଶ୍ୟରେ ପ୍ରସ୍ତୁତ କରିଥିବା ଅଭିଯୋଗ କରିଥିଲା।
ଏପରି ପରିସ୍ଥିତିରେ ଫେସବୁକ ଏବଂ ଇନଷ୍ଟାଗ୍ରାମ ବନ୍ଦ ହେବାର ସମ୍ଭାବନା ସୃଷ୍ଟି ହୋଇଛି। ଯଦି Instagram ଏବଂ WhatsApp ଅଲଗା ହୁଅନ୍ତି, ତେବେ ଏହାର ସେବା ମଧ୍ୟ ପ୍ରଭାବିତ ହୋଇପାରେ। ମେଟା ୧୦ ବର୍ଷ ପୂର୍ବେ ଇନଷ୍ଟାଗ୍ରାମ ଏବଂ ଫେସବୁକ ଷ୍ଟାର୍ଟଅପ କିଣିଥିଲା। ଯାହା ପରେ ମାର୍କଙ୍କ ଏହି ପ୍ଲାଟଫର୍ମଗୁଡ଼ିକ ଏକ ବଡ଼ ବ୍ୟବସାୟ ସ୍ତମ୍ଭ ଭାବରେ ଉଭା ହୋଇଛନ୍ତି।
ଯଦି କୋର୍ଟ ମେଟା ବିରୋଧରେ ରାୟ ଦିଅନ୍ତି, ତେବେ କମ୍ପାନୀକୁ Instagram ଏବଂ WhatsAppକୁ ପୃଥକ କରିବାକୁ ପଡ଼ିପାରେ। ଯେଉଁଥିଲାଗି ମେଟାର ରୋଜଗାର ପ୍ରଭାବିତ ହେବ। ରିପୋର୍ଟ ଅନୁଯାୟୀ ୨୦୨୫ ସୁଦ୍ଧା ଆମେରିକାରେ କେବଳ ଇନଷ୍ଟାଗ୍ରାମ ମେଟାର ବିଜ୍ଞାପନ ରାଜସ୍ବର ୫୦.୫ ପ୍ରତିଶତର ଉତ୍ସ ହେବ।
ଆଜିର ସମୟରେ ସୋସିଆଲ ମିଡିଆ ମାର୍କେଟରେ TikTok, Snapchat, YouTube ଭଳି ଅନେକ ବଡ଼ ପ୍ଲାଟଫର୍ମ ଉପଲବ୍ଧ। ଯାହା ଫଳରେ ମେଟାର ଏକାଧିକାର ପ୍ରମାଣ କରିବା FTC ପାଇଁ ଚ୍ୟାଲେଞ୍ଜିଂ ହେବ। ଏହି ମାମଲା କେବଳ ମେଟା ପାଇଁ ନୁହେଁ ବରଂ ସମଗ୍ର ଟେକ ଶିଳ୍ପ ପାଇଁ ଏକ ବଡ଼ ପଦକ୍ଷେପ ପ୍ରମାଣିତ ହୋଇପାରେ। ମେଟା ବ୍ୟତୀତ, ଗୁଗୁଲ ଏବଂ ଆମାଜନ ମଧ୍ୟ ଆଣ୍ଟିଟ୍ରଷ୍ଟ ମାମଲା ସାମ୍ନା କରୁଛନ୍ତି।
FTC ଅନୁଯାୟୀ, ମାର୍କ ଜୁକରବର୍ଗଙ୍କ ଯୋଜନା ହେଉଛି ଯେ ସେ ପ୍ରତିଯୋଗିତାକୁ ଦୂର କରିବା ପାଇଁ କିଣିବାକୁ ପସନ୍ଦ କରନ୍ତି। ଏହି ମାନସିକତା ସହିତ ମାର୍କ ସେହି କମ୍ପାନୀଗୁଡ଼ିକୁ କିଣିଲେ ଯାହା ତାଙ୍କ ପାଇଁ ବିପଦ ସୃଷ୍ଟି କରିପାରିଥାନ୍ତା। ଏହି ଯୋଜନା ସହିତ ପ୍ରଥମେ Instagram ଏବଂ ତା’ପରେ WhatsApp କିଣାଯାଇଥିଲା।
FTC ଅନୁଯାୟୀ, ଫେସବୁକ ନୂଆ କମ୍ପାନୀଗୁଡ଼ିକୁ କିଣିଛି ଯାହା ଭବିଷ୍ୟତରେ ଏହାର ପ୍ରତିଯୋଗୀ ହୋଇଥାନ୍ତା। ତେବେ ଦେଖିବାକୁ ଗଲେ Instagram, WhatsApp, Facebook ମିଳିତ ଭାବରେ TikTok, YouTube, iMessage ଏବଂ X ଭଳି ପ୍ଲାଟଫର୍ମଗୁଡ଼ିକୁ କଠିନ ପ୍ରତିଯୋଗିତା ଦେଉଛନ୍ତି।
