କାବୁଲ,୧୯।୩ : ଆଫଗାନିସ୍ତାନରେ ତାଲିବାନ ସରକାର ଆସିବା ପରଠାରୁ ମହିଳାମାନଙ୍କ ଉପରେ ଅତ୍ୟାଚାର ବଢ଼ିବା ସହିତ ଗଣମାଧ୍ୟମର ସ୍ବାଧୀନତାକୁ ଛଡ଼ାଇବା ପାଇଁ ମଧ୍ୟ ପଦକ୍ଷେପ ନିଆଯାଉଛି। ଗଣମାଧ୍ୟମ ପ୍ରତିନିଧିଙ୍କ ସହ ମିଡିଆ ଅନୁଷ୍ଠାନର ଅବସ୍ଥା ଖରାପ ହେବାରେ ଲାଗିଛି। ଏହି କାରଣରୁ ଆଫଗାନିସ୍ତାନ ଗଣମାଧ୍ୟମର ଅର୍ଦ୍ଧେକ ଗଣମାଧ୍ୟମ ପ୍ରତିନିଧ ଚାକିରି ହରାଇଛନ୍ତି। ଏପରିକି କେତେକ ଦେଶ ଛାଡିବାକୁ ବାଧ୍ୟ ହୋଇଛନ୍ତି।
ଆଫଗାନିସ୍ତାନ ନ୍ୟାଶନାଲ ଗଣମାଧ୍ୟମ ପ୍ରତିନିଧି ସଂଘକୁ ଦର୍ଶାଇ ଟୋଲୋ ନ୍ୟୁଜ ରିପୋର୍ଟ ପ୍ରକାଶ କରିଛି। କୁହାଯାଇଛି ଯେ ବର୍ତ୍ତମାନ ପର୍ଯ୍ୟନ୍ତ ୫୩ ପ୍ରତିଶତ ଗଣମାଧ୍ୟମ ପ୍ରତିନିଧି ଚାକିରି ହରାଇଛନ୍ତି। ଏଥି ସହିତ ଆଫଗାନିସ୍ତାନରେ ଜାତୀୟ ଗଣମାଧ୍ୟମ ପ୍ରତିନିଧି ଦିବସ ଅବସରରେ କୁହାଯାଇଥିଲା ଯେ ତାଲିବାନ ଶାସନ ଆସିବା ପରଠାରୁ ବିଭିନ୍ନ କାରଣରୁ ୫୦ ପ୍ରତିଶତ ଗଣମାଧ୍ୟମ ବନ୍ଦ ରହିଛି।
ତାଲିବାନର ସୂଚନା ଓ ସଂସ୍କୃତି ମନ୍ତ୍ରଣାଳୟ କହିଛି ଯେ ସେମାନେ ଗଣମାଧ୍ୟମ ପ୍ରତିନିଧିଙ୍କ ଅଧିକାରକୁ ସମର୍ଥନ କରିବାକୁ ପ୍ରତିଶ୍ରୁତିବଦ୍ଧ ଏବଂ ସେମାନଙ୍କ ପାଇଁ ଉପଲବ୍ଧ ସୁବିଧା ବୃଦ୍ଧି ପାଇଁ ଉଦ୍ୟମ କରାଯାଉଛି। ମିଳିତ ଜାତିସଂଘର ୨୦୨୨ ରିପୋର୍ଟ ଅନୁଯାୟୀ, ଆଫଗାନିସ୍ତାନରେ ଗଣମାଧ୍ୟମ ପ୍ରତିନିଧିଙ୍କ ବିରୋଧରେ ପ୍ରାୟ ୨୦୦ ମାମଲା ପଞ୍ଜିକୃତ ହୋଇଛି। ସେମାନଙ୍କୁ ମନଇଚ୍ଛା ଗିରଫ, ଅସଦାଚରଣ,ନିର୍ଯାତନା, ଭୟଭୀତ କରାଯାଉଛି।
