ନୂଆଦିଲ୍ଲୀ/ଓ୍ବାଶିଂଟନ,୨୬।୧୨ : ଟୁଇଟର ୟୁଜରଙ୍କ ଉପରେ ଏକ ବଡ ହ୍ୟାକିଂ ଆକ୍ରମଣ ହୋଇଛି। ଖବର ଅନୁଯାୟୀ, ଏହି ହ୍ୟାକିଂ ଆକ୍ରମଣରେ ସାରା ବିଶ୍ୱରେ ପ୍ରାୟ ୪୦ କୋଟି ୟୁଜରଙ୍କ ତଥ୍ୟ ଚୋରି ହୋଇଛି। ହ୍ୟାକରମାନେ ଏହି ତଥ୍ୟକୁ ଡାର୍କ ୱେବରେ ବିକ୍ରୟ ପାଇଁ ଉପଲବ୍ଧ କରାଇଛନ୍ତି।
ଚୋରି ହୋଇଥିବା ତଥ୍ୟରେ ୟୁଜରଙ୍କ ନାମ ବ୍ୟତୀତ ଇମେଲ ଆଇଡି, ଫଲୋଅର୍ସ ଏବଂ ଫୋନ ନମ୍ବର ସୂଚନା ଅନ୍ତର୍ଭୁକ୍ତ। ଆଶ୍ଚର୍ଯ୍ୟଜନକ କଥା ହେଉଛି ଏହି ତଥ୍ୟ ଲିକରେ ନାସା ସହିତ ଭାରତୀୟ ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ତଥ୍ୟ ମଧ୍ୟ ଚୋରି ହୋଇଛି। ଏହା ବ୍ୟତୀତ ହ୍ୟାକରମାନେ ସଲମାନ ଖାନ, ସୁନ୍ଦର ପିଚାଇ, ବିଶ୍ୱସ୍ବାସ୍ଥ୍ୟ ସଂଗଠନର ସୋସିଆଲ ମିଡିଆ, ସ୍ପେସ ଏକ୍ସ ଏବଂ ଡୋନାଲ୍ଡ ଟ୍ରମ୍ପ ଜୁନିୟର ଆଦି ଆକାଉଣ୍ଟ ହ୍ୟାକ୍ କରିଛନ୍ତି।
