ସୁକମା/ମାଲକାନଗିରି,୬।୫(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲା ସୀମା ଛତିଶଗଡ ସୁକୁମା ଜିଲାରେ ମାଓବାଦୀ ମାନେ ବର୍ବର କାଣ୍ଡ ଭିଆଇଛନ୍ତି। ସୁକୁମା ଜିଲାର ତାର୍ଲବେଡା ନାଏବ ସରପଂଚଙ୍କୁ ଗଳାକାଟି ହତ୍ୟା କରିଛନ୍ତି। ମିଳିଥିବା ସୂଚନା ଅନୁଯାୟୀ ସୋମବାର ମଧ୍ୟ ରାତ୍ରରେ କେତେଜଣ ସଶସ୍ତ୍ର ମାଓବାଦୀ ତାରାଲାବେଡା ଗ୍ରାମକୁ ଯାଇ ତାରାଲାବେଡା ନାଏବ ସରପଂଚ ମୁଚାକି ରାମାଙ୍କ ଘରେ ପସି ରାମାଙ୍କୁ ଘରୁ ଉଠାଇ ନେଇଥିଲୋ ପରେ ନିକଟସ୍ଥ ଜଙ୍ଗଲରେ ତାଙ୍କ ଗଳା କାଟି ନିର୍ମମ ଭାବେ ହତ୍ୟା କରିଛନ୍ତି। ଏଥିସହ ନାଏବ ସରପଂଚ ମୁଚାକି ରାମା ପୋଲିସ ସୁଚନା ଦାତା ବା ପୋଲିସ ଇନଫର୍ମର ସନ୍ଦେହ କରି ତାଙ୍କୁ ଗଳା କାଟି ହତ୍ୟା କରିଥିବା ମାଓବାଦୀ ମାନେ ସୁଚନା ଦେଇଛନ୍ତି। ପରେ ସେମାବେ ମୁଚାକିଙ୍କ ମୃତଦେହକୁ ଗ୍ରାମ ପ୍ରବେଶ ଦ୍ୱାରରେ ଫୋପାଡି ପଳାଇ ଯାଇଥିଲୋ ଘଟଣା ସମ୍ପର୍କରେ ସୁକୁମା ପୋଲିସ ଜାଣି ଘଟଣା ସ୍ଥଳରେ ପହଂଚି ମୁଚାକିଙ୍କ ମୃତଦେହକୁ ଜବତ କରିବା ସହ ଉକ୍ତ ଅଂଚଳରେ କୁମ୍ବିଂ ଅପରେସନକୁ ଜୋରସୋର କରିଥିବା ପୋଲିସ ସୁତ୍ରରୁ ପ୍ରକାଶ।
