କୋଲକାତା,୧୦ ।୧୧: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସାଂପ୍ରଦାୟିକ ଦଙ୍ଗା କରିବାକୁ କରାଯାଉଥିବା ଷଡଯନ୍ତ୍ରକୁ ନେଇ ଅଧିକାରୀମାନଙ୍କୁ ସୂଚନା ଦେଇଛନ୍ତି । ଏହାସହ ସୀମା ଆରପାରିରୁ ଅସ୍ତ୍ରଶସ୍ତ୍ର ଚୋରାଚାଲାଣ କରିବା କଥା ଉଠାଇଛନ୍ତି । ମମତା ବାନାର୍ଜୀ ଗୁରୁବାର ଅର୍ଥାତ୍ ନଭେମ୍ବର ୧୦ରେ ରାଣାଘାଟରେ କହିଛନ୍ତି, ଉତ୍ତର ବଙ୍ଗାଲକୁ ଅଲଗା କରିବାକୁ ସୀମା ଆରପଟରୁ ଅସ୍ତ୍ରଶସ୍ତ୍ରର ଚୋରାଚାଲାଣ କରାଯାଉଛି । ଅଧିକାରୀମାନଙ୍କୁ ଏହା ଉପରେ ନଜର ରଖିବାକୁ ମୁଖ୍ୟମନ୍ତ୍ରୀ କହିଛନ୍ତି । ଏଥିରେ କୁହାଯାଇଛି କି ନଜରରଖି ଥାଆନ୍ତୁ କାରଣ ଡିସେମ୍ବରରେ କେତେଜଣ ଲୋକେ ପଶ୍ଚିମବଙ୍ଗରେ ସାଂପ୍ରଦାୟିକ ହିଂସା କରିବାକୁ ଉସକାଉଛନ୍ତି ।
ଟିଏମସି ସୁପ୍ରିମୋ ମମତା ବାନାର୍ଜୀ ଏହାପୂର୍ବରୁ ବୁଧବାର ଭାରତୀୟ ଜନତା ପାର୍ଟି(ଭାଜପା) ଉପରେ ବି ଅଭିଯୋଗ ଆଣିଥିଲେ । ସେ କହିଥିଲେ ଭାଜପା ଗୁଜରାଟ ଓ ହିମାଚଳ ପ୍ରଦେଶ ନିର୍ବାଚନ ପୂର୍ବରୁ ନିର୍ବାଚନି ବ୍ୟାଣ୍ଡ ଜରିଆରେ କୋଟି କୋଟି ଟଙ୍କା ହାତେଇଛନ୍ତି । ସେ ଆହୁରି ମଧ୍ୟ କହିଛନ୍ତି ଭାଜପା ଶାସନ କ୍ଷମତାକୁ ଫେରି ପାରିବ ନାହିଁ । କାରଣ ୨୦୧୯ରେ ହୋଇଥିବା ପୂର୍ବ ଲୋକ ସଭା ନିର୍ବାଚନ ପରେ ଦେଶରେ ରାଜନୈତିକ ସମିକରଣ ବଦଳି ଯାଇଛି ।
