ମୁମ୍ବାଇ: କିଛିଦିନର ବିରତି ପରେ ଏବେ ପୁଣିଥରେ ବଡ ପରଦାକୁ ଫେରିଛନ୍ତି ବଲିଉଡ ବୋଲ୍ଡ କୁଇନ ମଲ୍ଲିକା ଶେରାୱତ । ଫିଲ୍ମ ‘ଆରକେ’ରେ ତାଙ୍କୁ ଦେଖିବାକୁ ମିଳିବ । ଏହି ଫିଲ୍ମ ଜଣେ ଚିନ୍ତିତ ନିର୍ଦ୍ଦେଶକ(ଆରକେ)ଙ୍କ କାହାଣୀ ଉପରେ ପର୍ଯ୍ୟବେଶିତ । ଆଉ ଏହି ଫିଲ୍ମ ଜରିଆରେ ମଲ୍ଲିକା ଶେରାୱତଙ୍କ ସହ ରଜତ କପୁର କାମ କରୁଛନ୍ତି । ଏସବୁ ଭିତରେ ଏବେ ଫିଲ୍ମର ରିଲିଜ୍ ଡେଟ ବି ଘୋଷଣା ହୋଇଯାଇଛି ।
ଫିଲ୍ମର କାହାଣୀ ଆରକେ ନାମକ ନିର୍ଦ୍ଦେଶକଙ୍କ ଉପରେ ଆଧାରିତ, ଯିଏ ନିଜର ନୂଆ ଫିଲ୍ମ ଶୁଟିଂ ଶେଷ କରୁଛନ୍ତି । ହେଲେ ଏଡିଟ ଟେବଲରେ ତାଙ୍କୁ ସବୁକଥା ଠିକ୍ ଲାଗୁ ନ ଥିଲା । ଆରକେଙ୍କ ମନରରେ କିଛି ଭୁଲଭାଲ କଥା ଆସୁଥିଲା । ଯାହା ତାଙ୍କୁ ଡରାଉଥିଲା । ଆଉ ତାଙ୍କ ଖରାପ ସ୍ୱପ୍ନ ସତ ବି ହୋଇଗଲା । ସୂଚନାଯୋଗ୍ୟ, ଏଡିଟ ରୁମରେ ତାଙ୍କୁ ଏକ ଫୋନ ଆସୁଛି । ଆଉ ଏଥିରେ କୁହାଯାଉଛି କି ଫିଲ୍ମର ହିରୋ ପ୍ରୋଜକ୍ଟରୁ ବାହାରି ଯାଇଛନ୍ତି । ଏହି ଫୋନକଲ ତାଙ୍କୁ ଚିନ୍ତାରେ ପକାଇ ଦେଇଛି ।
ଏହି ଫିଲ୍ମ ୨୨ ଜୁଲାଇ ୨୦୨୨ରେ ରିଲିଜ୍ ହେବ । ଏହା ରିଲିଜ ପୂର୍ବରୁ କିଛି ଅନ୍ତରାଷ୍ଟ୍ରୀୟ ଫିଲ୍ମ ଫେଷ୍ଟିକଭାଲରେ ପ୍ରଦର୍ଶିତ ହୋଇ ସାରିଛି । ସେଥିରେ ରହିଛି ସାଂଘାଇ ଇଣ୍ଟରନ୍ୟାଶନାଲ ଫିଲ୍ମ ଫେଷ୍ଟିଭାଲ, ଫ୍ଲୋରେନ୍ସରେ ରିଭର ଟୁ ରିଭର ଫେଷ୍ଟିଭାଲ, ବୁକିୟନ ଇଣ୍ଟରନ୍ୟାଶନାଲ ଫାଣ୍ଟାଷ୍ଟିକ ଫିଲ୍ମ ଫେଷ୍ଟିଭାଲ ଆଦିରେ ଏହାର ପ୍ରିମିୟର ହୋଇ ସାରିଛି ।
