ବାରହାଟିପୁରାରେ ମକର ମେଳା: ଲାଗିଛି ଭକ୍ତଙ୍କ ଭିଡ଼
3:19 pmJanuary 14, 2023January 14, 2023 / 05

କେନ୍ଦୁଝର,୧୪ା୧(ସ୍ବ.ପ୍ର.): ମକର ସଂକ୍ରାନ୍ତି ଉପଲକ୍ଷେ କେନ୍ଦୁଝର ଜିଲା ଘଟଗାଁ ବ୍ଲକ ବାରହାଟିପୁରାରେ ପାହାଡ଼ ଉପରେ ପୂଜା ପାଇ ଆସୁଥିବା ନୀଳକଣ୍ଠେଶର ମହାଦେବଙ୍କ ମନ୍ଦିରରେ ପ୍ରବଳ ଭକ୍ତଙ୍କ ଭିଡ଼ ଲାଗିଛି। ଶନିବାର ସକାଳୁ ଶହ ଶହ ସଂଖ୍ୟାରେ ଭକ୍ତ ଆସି ମହାଦେବଙ୍କଠାରେ ମକର ଚାଉଳ ପୂଜା କରି ସାନ୍ନିଧ୍ୟ ଲାଭ କରିଛନ୍ତି। ଏଠାରେ ଦୀର୍ଘ ୧୦ ଦିନ ଧରି ମକର ମେଳା ବସେ। ବିଭିନ୍ନ ଅଞ୍ଚଳରୁ ଭକ୍ତମାନେ ଆସି ପୂଜା କରିବା ସହ ମେଳାର ମଜା ନେଇଥାନ୍ତି। ବିଭିନ୍ନ ପ୍ରକାରର ଦୋକାନ, ମୀନା ବଜାର, ଅପେରା,ନୃତ୍ୟଗୀତ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ମୁତୟନ ହୋଇଛନ୍ତି।