Posted inଜାତୀୟ

ଧ୍ୱଜାବତରଣରେ ମହାତ୍ମାଙ୍କ ପସନ୍ଦକୁ ହଟାଗଲା…

ନୂଆଦିଲ୍ଲୀ, ୨୨।୧ : ମହାତ୍ମା ଗାନ୍ଧୀଙ୍କ ପ୍ରିୟ ଭଜନ ଆବାଇଡ୍‌ ଓ୍ବିଥ୍‌ ମି (ମୋ ସହିତ ରୁହ)ର ଧୁନ୍‌କୁ ଚଳିତ ଥର ଧ୍ୱଜାବତରଣ (ବିଟିଙ୍ଗ ରିଟ୍ରିଟ ) ଉତ୍ସବରେ ଆଉ ଶୁଣାଯିବ ନାହିଁ। ମାହାତ୍ମାଙ୍କ ଏହି ଭଜନର ଧୁନ୍‌କୁ ଅନ୍ତର୍ଭୁକ୍ତ ନକରି ବିଟିଙ୍ଗ ରିଟ୍ରିଟ ପାଇଁ ୨୬ ଟି ଧୁନ୍‌ର ଏକ ତାଲିକା ପ୍ରସ୍ତୁତ କରାଯାଇଛି। ମହାତ୍ମା ଗାନ୍ଧୀଙ୍କ ମୃତ୍ୟୁ ବାର୍ଷିକୀର ଗୋଟିଏ ଦିନ ପୂର୍ବରୁ ଜାନୁଆରୀ ୨୯ରେ ବିଟିଙ୍ଗ ରିଟ୍ରିଟ ସମାରୋହର ଶେଷରେ ଏହା ବଜା ଯାଉଥିଲା।

୧୯୫୦ ଠାରୁ ବିଟିଙ୍ଗ ରିଟ୍ରିଟରେ ଏହି ଧୁନ୍‌ ବଜାଯାଇ ଆସୁଥିଲା। କିନ୍ତୁ ୨୦୨୦ ରେ ପ୍ରଥମ ଥର ପାଇଁ ଏହାକୁ ବାଦ୍‌ ଦିଆଯାଇଥିଲା। ଏହାକୁ ନେଇ ଅନେକ ବିବାଦ ପରେ, ଏହାକୁ ୨୦୨୧ରେ ପୁନର୍ବାର ଏହି ସମାରୋହରେ ଅନ୍ତର୍ଭୁକ୍ତ କରାଯାଇଥିଲା।

ଏହାକୁ ଦ୍ୱିତୀୟ ଥର ପାଇଁ ପୁଣି ବିଟିଙ୍ଗ ରିଟ୍ରିଟ ଧୁନ୍‌ରୁ ହଟାଇ ଦିଆ ଯାଇଛି। ସମଗ୍ର କାର୍ଯ୍ୟକ୍ରମର ବିବରଣୀ ଶନିବାର ଭାରତୀୟ ସେନା ଦ୍ୱାରା ପ୍ରକାଶ ପାଇଛି। ଏଥିରେ ମହାତ୍ମାଙ୍କ ପସନ୍ଦର ଧୁନ୍‌ ସମ୍ପର୍କରେ ଉଲ୍ଲେଖ କରାଯାଇ ନାହିଁ।

୧୮୪୭ ରେ ସ୍କଟଲ୍ୟାଣ୍ଡର କବି ହେନେରୀ ଫ୍ରାନ୍ସିସ ଲାଇଟ ଙ୍କ ଦ୍ୱାରା ଏହି ଭଜନଟି ଲେଖା ହୋଇଥିଲା। ପ୍ରଥମ ବିଶ୍ୱଯୁଦ୍ଧରେ ଏହାର ଧୁନ୍‌ ବହୁତ ଲୋକପ୍ରିୟ ହୋଇଥିଲା। ବେଲଜିୟମରୁ ପଳାୟନ କରୁଥିବା ବ୍ରିଟିଶ ସୈନିକମାନଙ୍କୁ ସାହାଯ୍ୟ କରୁଥିବା ବ୍ରିଟିଶ ନର୍ସ ଏଡିଥ କାଭେଲ ଜର୍ମାନ ସୈନିକମାନଙ୍କ ହାତରେ ହତ୍ୟା କରାଯିବା ପୂର୍ବରୁ ଏହି ଗୀତ ଗାଇଥିଲେ।

ମହାତ୍ମା ଗାନ୍ଧୀ ଏହାକୁ ଅନେକ ସ୍ଥାନରେ ବଜାଇଥିଲେ। ଫଳରେ ଭାରତରେ ଏହା ବେଶ୍‌ ସୁନାମ ଅର୍ଜନ କରିଥିଲା। ମହାତ୍ମା ପ୍ରଥମେ ସାବରମତି ଆଶ୍ରମରେ ଏହି ଧୁନ୍‌ ଶୁଣିଥିଲେ। ସେଠାରେ ମହୀଶୁର ପ୍ୟାଲେସ ବ୍ୟାଣ୍ଡ ଏହାକୁ ବଜାଉଥିଲେ। ସେବେଠାରୁ ଏହା ’ବୈଷ୍ଣବ ଜନ ତୋ’, ’ରଘୁପତି ରାଘବ ରାଜାରାମ’ ଏବଂ ’ଲିଡ କାଇଣ୍ଡଲି ଲାଇଟ୍‌’ ସହିତ ଆଶ୍ରମର ଭଜନରେ ଅନ୍ତର୍ଭୁକ୍ତ କରାଯାଇଥିଲା।

ଚଳିତ ବର୍ଷ ଏହି ଉତ୍ସବ ଏକ ଫନ୍‌ ଫେୟାର ଗୀତରୁ ଆରମ୍ଭ ହେବ । ଏହା ପରେ ମାସ ବ୍ୟାଣ୍ଡ ବୀର ସୈନିକ ଗୀତ ଏବଂ ପାଇପ ଏବଂ ଡ୍ରମ୍ସ ବ୍ୟାଣ୍ଡ ଦ୍ୱାରା ୬ ଟି ଧୁନ ବଜାଯିବ। କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀର ବ୍ୟାଣ୍ଡ ତିନିଟି ଧୁନ୍‌ ବଜାଇବେ । ଏହା ପରେ ଏୟାରଫୋର୍ସର ବ୍ୟାଣ୍ଡ ୪ ଟି ଧୁନ୍‌ ବଜାଇବେ। ଏଥିରେ ଫ୍ଲାଇଟ ଲ୍ୟୁଟନାଟ୍‌ ଏଲ.ଏସ ରୁପାଚନ୍ଦ୍ରନଙ୍କ ଏକ ସ୍ବନ୍ତ୍ର ଯୁଦ୍ଧ ଧୁନ୍‌ ମଧ୍ୟ ଅନ୍ତର୍ଭୁକ୍ତ ହେବ।

ଏହା ପରେ ନୌସେନା ବ୍ୟାଣ୍ଡ ୪ ଟି ଧୁନ୍‌, ଆର୍ମି ମିଲିଟାରୀ ବ୍ୟାଣ୍ଡ – କେରଳ ସିକି ଏ ମୋଲ ଏବଂ ହିନ୍ଦ କି ସେନା ୩ ଟି ଧୁନ୍‌, ମାସ ବ୍ୟାଣ୍ଡ ୩ଟ ଏବଂ କଦମ କଦମ ବଢ଼ାଏ ଯା,ଡ୍ରାମର୍ସ କଲ ଏବଂ ଏ ମେରେ ତନ କେ ଲୋଗୋଁ ଧୁନ୍‌ ବଜାଇବେ।
ସମାରୋହ ଶେଷରେ ’ସାରେ ଜାହାଁ ସେ ଆଛା’ ବଜା ଯିବ। ସମାରୋହରେ ୪୪ ବିଗୁଲର୍‌, ୧୬ ତୂରୀ ବାଦ୍ୟକାର ଏବଂ ୭୫ ଜଣ ଡ଼୍ରମର୍‌ ଯୋଗଦେବେ।


Enter your email to get our daily news in your inbox.

All Right Reserved By Dharitri.Com

ଇଡି ମୋ ସ୍ବାମୀଙ୍କୁ ହଇରାଣ କରୁଛନ୍ତି, ସେ ବହୁତ ଅସୁସ୍ଥ ଅଛନ୍ତି:ସୁନୀତା

ନୂଆଦିଲ୍ଲୀ,୨୮।୩: ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଗୁରୁବାର କୋର୍ଟରୁ ଆଶ୍ୱସ୍ତି ପାଇନାହାଁନ୍ତି ଏବଂ ତାଙ୍କୁ ଏପ୍ରିଲ ୧ ପର୍ଯ୍ୟନ୍ତ ଇଡି ରିମାଣ୍ଡରେ...

ଅନ୍ୟକୁ ଡରାଇବା ଧମକାଇବା କଂଗ୍ରେସର ସଂସ୍କୃତି…ଓକିଲଙ୍କ ଚିଠିକୁ ନେଇ ଏମିତି କହିଲେ ମୋଦି

ନୂଆଦିଲ୍ଲୀ,୨୮।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଅନ୍ୟମାନଙ୍କୁ ଭୟଭୀତ କରିବା ହେଉଛି କଂଗ୍ରେସର ପୁରୁଣା ସଂସ୍କୃତି। ମାତ୍ର ୫ଦଶନ୍ଧି ପୂର୍ବରୁ ସେ ଏକ ‘ପ୍ରତିବଦ୍ଧ...

ଭାଜପାରେ ମିଶିଲେ ଭାରତର ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ

ନୂଆଦିଲ୍ଲୀ,୨୮।୩: ଆଗାମୀ ସାଧାରଣ ନିର୍ବାଚନ ପୂର୍ବରୁ ଭାରତର ସବୁଠାରୁ ଧନୀ ମହିଳା ତଥା ହରିୟାଣାର ପୂର୍ବ ମନ୍ତ୍ରୀ ସାବିତ୍ରୀ ଜିନ୍ଦଲ(୮୪) ଭାଜପାରେ ସାମିଲ ହୋଇଛନ୍ତି। କିଛି...

ଅଗ୍ନିବୀର ଯୋଜନାକୁ ନେଇ ସରକାର ନେବେ ବଡ ନିଷ୍ପତ୍ତି? ରାଜନାଥ ଦେଲେ ସୂଚନା

ନୂଆଦିଲ୍ଲୀ,୨୮।୩: ଅଗ୍ନିବୀର ଯୋଜନା ସମ୍ପର୍କରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ଯଦି ଆବଶ୍ୟକତା ପଡେ ତେବେ...

ଛିଣ୍ଡିଲା କଥା! ମହାମେଣ୍ଟରେ ସମାଧାନ ହେଲା ସିଟ ଶେୟାରିଂ ପ୍ରସଙ୍ଗ, କାଲି ଘୋଷଣା

ପାଟନା,୨୮।୩: ବିହାରରୁ ଏକ ବଡ ଖବର ଆସିଛି, ଯେଉଁଠାରେ ଗ୍ରାଣ୍ଡ ଆଲାଇନ୍ସରେ ସିଟ ବଣ୍ଟନ ବିଷୟରେ ଆଲୋଚନା ହୋଇଛି। ଆସନ୍ତାକାଲି ଅର୍ଥାତ୍‌ ଶୁକ୍ରବାର ଏହି ବିଷୟରେ...

ଜିତିବାକୁ ନୁହେଁ ଏହି ବ୍ୟକ୍ତିଙ୍କୁ ପସନ୍ଦ ନିର୍ବାଚନରେ ହାରିବାକୁ

ମେଟ୍ଟୁରା,୨୮।୩: ବିଶ୍ୱର ଯେକୌଣସି ବ୍ୟକ୍ତି କେବଳ ଜିତିବା ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି, କିନ୍ତୁ ତାମିଲନାଡୁରେ ଜଣେ ବ୍ୟକ୍ତି ଅଛନ୍ତି ଯିଏ ନିର୍ବାଚନରେ କେବଳ ହାରିବା...

ମୁଁ ଇଡିକୁ ଧନ୍ୟବାଦ ଦେବାକୁ ଚାହୁଁଛି… କୋର୍ଟରେ କାହିଁକି ସିସୋଡିଆଙ୍କ କଥା ଉଠାଇଲେ କେଜରିଓ୍ବାଲ

ନୂଆଦିଲ୍ଲୀ,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଗୁରୁବାର ରାଉଜ ଆଭେନ୍ୟୁ କୋର୍ଟରେ ହାଜର କରାଯାଇଥିଲା। ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ର ତାଙ୍କର ୬ ଦିନିଆ ଅଟକ...

ଶିବସେନାରେ ସାମିଲ ହେଲେ ଗୋବିନ୍ଦା, ଏହି ଆସନରୁ ଲଢିବେ ନିର୍ବାଚନ

ମୁମ୍ବାଇ,୨୮।୩: ଶିବସେନାରେ ସାମିଲ ହେଲେ ଅଭିନେତା ଗୋବିନ୍ଦା। ଗୁରୁବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଉପସ୍ଥିତିରେ ସେ ଶିବସେନାରେ ଯୋଗ ଦେଇଛନ୍ତି। ଶିନ୍ଦେଙ୍କ ଦଳ ତାଙ୍କୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri