Posted inଜାତୀୟ

ମହାପଞ୍ଚାୟତରୁ ମହାସଂଗ୍ରାମ

ନୂଆଦିଲ୍ଲୀ,୭ା୨: ଅନଶନରେ ବସିବି। ଗାଁରୁ ପାଣି ନ ଆସିବା ଯାଏ ଜଳ ସ୍ପର୍ଶ କରିିବି ନାହିଁ। ଜାନୁୟାରୀ ୨୮ରେ ଗାଜିପୁର ସୀମାରେ କୃଷକ ନେତା ରାକେଶ ଟିକାଏତ୍‌ ଦେଇଥିବା ଏହି ଆବେଗପୂର୍ଣ୍ଣ ଆହ୍ବାନ ପରେ ଚାରିଆଡ଼ୁ ପାଣିର ସୁଅ ଛୁଟିଥିଲା ଆନ୍ଦୋଳନସ୍ଥଳକୁ। କେନ୍ଦ୍ରର ୩ ବିବାଦୀୟ କୃଷି ଆଇନ ପ୍ରତ୍ୟାହାର ଦାବିରେ ୭୭ ଦିନ ଧରି ପ୍ରାୟ ୪୦ ସଙ୍ଗଠନ ଉଦ୍ୟମ ଚଳାଇଥିଲେ ହେଁ ଏହି ଆନ୍ଦୋଳନର ସବୁଠୁ ବଡ଼ ଚେହେରା ଭାବେ ସାମ୍ନାକୁ ଆସିଛନ୍ତି ଭାରତୀୟ କିଷାନ ୟୁନିୟନ (ବିକେୟୁ) ମୁଖପାତ୍ର ରାକେଶ ଟିକାଏତ୍‌। କୃଷି ଆଇନ ନ ହଟିବା ଯାଏ ଘରକୁ ଫେରିବା ନାହିଁ ବୋଲି ମହାପଞ୍ଚାୟତଗୁଡ଼ିକରେ ରାକେଶଙ୍କ ହୁଙ୍କାର କୃଷକ ଆନ୍ଦୋଳନକୁ ନୂଆ ରୂପ ଦେଇଛି। ମୋଟାମୋଟି ଭାବେ ଦେଖିଲେ ମହାପଞ୍ଚାୟତ କୃଷି ଆଇନ ବିରୋଧରେ ମହାସଂଗ୍ରାମର ଡାକରା ଦେଇଛି।
ପ୍ରତିଷ୍ଠାତା ମହେନ୍ଦ୍ର ଟିକାଏତ୍‌ଙ୍କ ସାନପୁଅ ରାକେଶ ଟିକାଏତ୍‌ ଗତ ୨୯ ତାରିଖରେ ଉତ୍ତରପ୍ରଦେଶର ମୁଜାଫରନଗରରେ ମହାପଞ୍ଚାୟତର ଆୟୋଜନ କରିଥିଲେ। ଏହି ମହାପଞ୍ଚାୟତରେ ହୋଇଥିବା ଅଭୂତପୂର୍ବ ଜନସମାଗମ କେନ୍ଦ୍ର ସରକାରଙ୍କ କୃଷି ଆଇନ ବିରୋଧରେ କୃଷକଙ୍କ ଶକ୍ତି ପ୍ରଦର୍ଶନ କରିଥିଲା। ସେବେଠୁ ସପ୍ତାହେ ଧରି ପଶ୍ଚିମ ଉତ୍ତରପ୍ରଦେଶ, ହରିୟାଣା, ପଞ୍ଜାବ ଓ ରାଜସ୍ଥାନର ବିଭିନ୍ନ ସ୍ଥାନରେ ମହାପଞ୍ଚାୟତର ଆୟୋଜନ କରାଯାଉଛି। ବିଶେଷକରି ଶାମ୍‌ଲି, ମିରଟ, ବିଜ୍‌ନୋର, ବାଗ୍‌ପତ, ଦଉସା ଓ ଜିନ୍ଦ୍‌ର ମହାପଞ୍ଚାୟତ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।
ସହ ସ୍ବରାଜ ଇଣ୍ଡିଆ ମୁଖ୍ୟ ଯୋଗେନ୍ଦ୍ର ଯାଦବ ଓ କୃଷକ ନେତା ଗୁର୍‌ନାମ ସିଂ ଚାରୁନି ରବିବାର ହରିୟାଣା-ରାଜସ୍ଥାନ ସୀମାର ନୁହରେ ଏକ ବିଶାଳ କିଷାନ ମହାପଞ୍ଚାୟତକୁ ସମ୍ବୋଧିତ କରିବେ। କୃଷି ଆଇନ ପ୍ରତ୍ୟାହାର ଲାଗି ଭବିଷ୍ୟତ କାର୍ଯ୍ୟପନ୍ଥା ଓ ରଣନୀତି ଏଇଠୁ ସ୍ଥିର ହେବ ବୋଲି କୁହାଯାଉଛି। ମହାପଞ୍ଚାୟତଗୁଡ଼ିକରେ
ଏବେ ବିରୋଧୀ ଦଳଗୁଡ଼ିକର ନେତାଙ୍କ ଉପସ୍ଥିତି ଭବିଷ୍ୟତ ରାଜନୀତି ପାଇଁ ଭିନ୍ନ ସଙ୍କେତ ଦେଉଛି। ୨୦୨୨ରେ ହେବାକୁ ଥିବା ଉତ୍ତରପ୍ରଦେଶ ବିଧାନସଭା ନିର୍ବାଚନରେ ମଧ୍ୟ ମହାପଞ୍ଚାୟତର ବଡ଼ ପ୍ରାସଙ୍ଗିକତା ରହିବା ନେଇ ବିବେଚନା କରାଯାଉଛି।

ମହାପଞ୍ଚାୟତ କ’ଣ

ପଶ୍ଚିମ ଉତ୍ତରପ୍ରଦେଶ ଓ ହରିୟାଣାରେ ମହାପଞ୍ଚାୟତଗୁଡ଼ିକୁ ପବିତ୍ର ଓ ଅଲଂଘନୀୟ ବିବେଚନା କରାଯାଏ। ଏହି ଦୁଇ ରାଜ୍ୟର ରାଜନୀତିକୁ ମଧ୍ୟ ମହାପଞ୍ଚାୟତ ବହୁଳ ଭାବେ ପ୍ରଭାବିତ କରିଥାଏ। ପଞ୍ଚାୟତ ହେଉଛି ୫ ଗ୍ରାମର ବୟୋଜ୍ୟେଷ୍ଠ ନେତାଙ୍କୁ ନେଇ ବସୁଥିବା ବୈଠକ, ଯେଉଁଠି କୃଷି, ସାମାଜିକ ଓ ନିର୍ବାଚନୀ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଥାଏ। ସେହିପରି ମହାପଞ୍ଚାୟତ କହିଲେ ୧୦-୧୨ ଗ୍ରାମର ଲୋକଙ୍କ ସମ୍ମିଳନୀକୁ ବୁଝାଏ। ଖାପ୍‌ ପଞ୍ଚାୟତଗୁଡ଼ିକ ପକ୍ଷରୁ ମହାପଞ୍ଚାୟତର ବୈଠକ ଆୟୋଜନ ହୋଇଥାଏ। ଖାପ୍‌ ପଞ୍ଚାୟତର କଠୋର ନିୟମକୁ ନେଇ ସୁପ୍ରିମକୋର୍ଟ ଏହାକୁ ବେଆଇନ ଘୋଷଣା କରିଥିବାବେଳେ କୃଷି ଆଇନ ବିରୋଧୀ ଆନ୍ଦୋଳନ ନୂଆ ପରିଚୟ ଦେଇଛି। ୨୦୧୩ ମୁଜାଫରନଗର ସାମ୍ପ୍ରଦାୟିକ ଦଙ୍ଗା ବେଳେ ମଧ୍ୟ ଖାପ୍‌ ପଞ୍ଚାୟତ ସକାରାମତ୍କ ଭୂମିକା ନେଇଥିଲା। ଖାପ୍‌ ଯାହା ନିଷ୍ପତ୍ତି ନେଇଥାଏ ଆମ ଲୋକେ ତାକୁ ସମ୍ମାନର ସହ ମାନିନିଅନ୍ତି ବୋଲି ବିକେୟୁ ନେତା ବୀରେନ୍ଦ୍ର ଡଗର କହିଛନ୍ତି।

ସମାଗମରୁ ସମର୍ଥନ

କିଷାନ ଶକ୍ତି ସଂଘ ନେତା ପୁଷ୍ପେନ୍ଦ୍ର ଚୌଧରୀଙ୍କ ମତରେ ମହାପଞ୍ଚାୟତ କୃଷକମାନଙ୍କୁ ଏକତ୍ରିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଉଛି। ଚାଷୀଙ୍କୁ ଦିଲ୍ଲୀ ଯିବାକୁ ଦିଆଯାଉ ନ ଥିବାରୁ ଆଞ୍ଚଳିକ ସ୍ତରରେ ଆୟୋଜିତ ମହାପଞ୍ଚାୟତଗୁଡ଼ିକ କୃଷି ଆଇନ ବିରୋଧରେ ସମର୍ଥନ ଯୋଗାଡ଼ କରିବାରେ ସହାୟକ ହେଉଛି। ପ୍ରତି ମହାପଞ୍ଚାୟତରେ ଲକ୍ଷାଧିକ ଜନସମାଗମ ହେଉଥିବା ପୁଷ୍ପେନ୍ଦ୍ର ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀ ସୀମାପୁରୀ ଅଞ୍ଚଳରୁ ଏକ ସନ୍ଦିଗ୍ଧ ବ୍ୟାଗ ଜବତ

ନୂଆଦିଲ୍ଲୀ,୧୭।୨: ରାଜଧାନୀ ଦିଲ୍ଲୀ ସ୍ଥିତ ପୁରୁଣା ସୀମାପୁରୀ ଅଞ୍ଚଳରୁ ଗୁରୁବାର ମଧ୍ୟାହ୍ନରେ ସନ୍ଦେହଜନକ ଏକ ବ୍ୟାଗ ଜବତ ହୋଇଛି। ଉକ୍ତ ବ୍ୟାଗରେ ଆଇଇଡି ବିସ୍ଫୋରକ ସାମଗ୍ରୀ...

କୋଲକାତାରେ ହେବ ରାବଣ ପୋଡ଼ି

କୋଲକାତା,୨୧ା୧୦: ଚଳିତବର୍ଷ କରୋନା ମହାମାରୀ ଯୋଗୁ ଦଶହରା ମହୋତ୍ସବ ଫିକା ପଡ଼ିବ। ମାତ୍ର ସମସ୍ତ ରୀତି ନୀତି ଅନୁଯାୟୀ ପୂଜା ପାଇବେ ମା’। ଏହି ପରିପ୍ରେକ୍ଷୀରେ...

ଅଟୋରେ ଅପେକ୍ଷା କରି କରି ଚାଲିଗଲା ଜୀବନ

ନୂଆଦିଲ୍ଲୀ,୨୭।୪ : ଦେଶର ରାଜଧାନୀର ଏକ କୋଭିଡ୍‌ ହସ୍ପିଟାଲ ବାହାରେ ଫୁଟ୍‌ପାତରେ ବସି ଜଣେ ଯୁବକ କାନ୍ଧୁ ଥାଏ। ଉକ୍ତ ଯୁବକଙ୍କ ମା’ ପାଖରେ ଛିଡ଼ା...

ପିଲାଙ୍କୁ ଜେଲ୍‌ରେ ରଖାଯାଇପାରିବନି

ନୂଆଦିଲ୍ଲୀ,୧୩ା୨(ଆଇଏଏନ୍‌ଏସ୍‌): ଜାମିନ ନ ମିଳିଲେ ମଧ୍ୟ ପିଲାଙ୍କୁ ଜେଲ୍‌ କିମ୍ବା ପୋଲିସ ହାଜତରେ ରଖାଯାଇପାରିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି। ସେମାନଙ୍କୁ ପର୍ଯ୍ୟବେକ୍ଷଣ ଗୃହ କିମ୍ବା...

‘ଅଗ୍ନିପଥ’ ସ୍କିମ୍‌ର ଶୁଭାରମ୍ଭ କଲେ ପ୍ରତିରକ୍ଷା ମନ୍ତ୍ରୀ

ନୂଆଦିଲ୍ଲୀ,୧୪।୬: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଙ୍ଗଳବାର ଭାରତୀୟ ସେନାର ଅଗ୍ନିପଥ ସ୍କିମ୍‌ର ଶୁଭାରମ୍ଭ କରିଛନ୍ତି । ୩ ସେନାମୁଖ୍ୟଙ୍କ ଉପସ୍ଥିତିରେ ମନ୍ତ୍ରୀ ରାଜନାଥ ଏହି...

ଭାଜପାକୁ ଝାଡ଼ଖଣ୍ଡ ଝଟକା

ରାଞ୍ଚି/ନୂଆଦିଲ୍ଲୀ,୨୪ା୧୨(ପି.ଟି./ଆଇଏଏନ୍‌ଏସ୍‌): ମହାରାଷ୍ଟ୍ର ପରେ ଝାଡ଼ଖଣ୍ଡ ନିର୍ବାଚନରେ ଭାଜପାକୁ ବଡ଼ ଝଟକା ଲାଗିଛି। ବିଧାନସଭାର ୮୧ ଆସନ ମଧ୍ୟରୁ ଶାସକ ଭାଜପାକୁ ମାତ୍ର ୨୫ ଆସନରେ ସନ୍ତୁଷ୍ଟ...

ଅରବିନ୍ଦ କେଜରିୱାଲ କରୋନା ପଜିଟିଭ

ନୂଆଦିଲ୍ଲୀ,୪ । ୧: ରାଜଧାନୀରେ କରୋନା ସଂକ୍ରମଣ ଦ୍ରୁତ ଗତିରେ ମାଡି ଚାଲିଛି । ମିଳିଥିବା ସୂଚନା ଅନୁଯାୟୀ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କରୋନାରେ...

ଅଜିତ ପାଓ୍ବରଙ୍କୁ ମିଳିଲା ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦାୟିତ୍ୱ

ମୁମ୍ବାଇ,୩୦।୧୨: ନ୍ୟାଶନାଲିଷ୍ଟ କଂଗ୍ରେସ ପାର୍ଟି(ଏନ୍‌ସିପି) ନେତା ଅଜିତ ପାଓ୍ବାର ସୋମବାର ମହାରାଷ୍ଟ୍ର ଉପ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ସୋମବାର ମହାରାଷ୍ଟ୍ର କ୍ୟାବିନେଟର ସମ୍ପ୍ରସାରଣ...

Advertisement
Archives

Model This Week