‘ପ୍ରେମ ମୋତେ ବରବାଦ କଲା’

ଭୁବନେଶ୍ୱର,୭।୭(ବ୍ୟୁରୋ): ଭୁବନେଶ୍ୱର ଏୟାରଫିଲ୍ଡ ଥାନା ଅନ୍ତର୍ଗତ ଭୀମଟାଙ୍ଗି ହାଉସିଂ ବୋର୍ଡ କଲୋନୀ ଫେଜ୍‌-୧ ପ୍ଲଟ୍‌ ନଂ. ଏ/ଏଲ୍‌-୧ରେ ଭଡ଼ାରେ ରହୁଥିବା ଜଣେ ମହିଳାଙ୍କୁ ସୋମବାର ତଣ୍ଟିକାଟି ହତ୍ୟା କରାଯିବା ଘଟଣା ଉପରେ ପରଦା ଧୀରେ ଧୀରେ ହଟିବାରେ ଲାଗିଛି। ପ୍ରେମରେ ବିଫଳ ହେବା ପରେ ଅଭିଯୁକ୍ତ ଜଗନ୍ନାଥ ପ୍ରଧାନ ଏଭଳି ଜଘନ୍ୟ ହତ୍ୟାକାଣ୍ଡ ଭିଆଇଥିବା ଏକ ପ୍ରକାର ସ୍ପଷ୍ଟ ହୋଇଛି। ପ୍ରିୟଙ୍କା ପ୍ରିୟଦର୍ଶିନୀ ସାହୁ ଓରଫ ରିଙ୍କି(୨୬)ଙ୍କ ସହ ଅଭିଯୁକ୍ତ ଜଗନ୍ନାଥ ପ୍ରଧାନଙ୍କ ପୂର୍ବରୁ ପ୍ରେମ ସମ୍ପର୍କ ରହିଥିବା ଜଣାପଡ଼ିବା ପରେ ଅଧିକ ତଥ୍ୟ ସଂଗ୍ରହ କରିବାକୁ ଏୟାରଫିଲ୍‌ଡ ପୋଲିସର ଏକ ୫ଜଣିଆ ଟିମ୍‌ ଯାଜପୁର ଯାଇଛି। ଉକ୍ତ ଟିମ୍‌ ପ୍ରଥମେ ଧର୍ମଶାଳା ଥାନା ଅନ୍ତର୍ଗତ ମଙ୍ଗଳପୁର ଗ୍ରାମରେ ଥିବା ଜଗନ୍ନାଥଙ୍କ ଘରକୁ ଯାଇ ପରିବାର ଲୋକଙ୍କୁ ପଚରାଉଚରା କରିଛି। ଏଥିସହ ଜଗନ୍ନାଥଙ୍କ ଏକ ପୁରୁଣା ମୋବାଇଲ୍‌, ତାଙ୍କ ହାତଲେଖା ଥିବା କିଛି କାଗଜ ଜବତ କରିଛି। ପରିବାର ଲୋକଙ୍କୁ ପଚରାଉଚରା ସମୟରେ ରିଙ୍କିଙ୍କ ବିବାହ ପୂର୍ବରୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା। ରିଙ୍କିଙ୍କ ବିବାହ ପରଠାରୁ ଜଗନ୍ନାଥ କୌଣସି ସମ୍ପର୍କ ରଖି ନ ଥିଲେ। ତେବେ ଗତ ବର୍ଷେ ହେବ ରିଙ୍କି ତାଙ୍କ ଆଡ଼ୁ ଜଗନ୍ନାଥଙ୍କ ସହ ଯୋଗାଯୋଗରେ ଥିଲେ ବୋଲି ତାଙ୍କ ମା’ କହିଛନ୍ତି। ଏପରି କି ହତ୍ୟାର କିଛି ସମୟ ପୂର୍ବରୁ ଜଗନ୍ନାଥ ନିଜ ମୋବାଇଲ୍‌ରୁ ଘର ଲୋକଙ୍କୁ ଦେଇଥିବା ହ୍ବାଟ୍ସଆପ୍‌ ମେସେଜ୍‌ରେ ରିଙ୍କି ମତେ ବରବାଦ କରିଦେଲା, ମୋ ଉପରେ କେହି ରାଗିବନି, ମୁଁ ଦୁନିଆ ଛାଡ଼ି ଯାଉଛି। ମୋ ପାଖରେ ଆଉ କିଛି ରାସ୍ତା ନାହିଁ, ସମସ୍ତେ ମୋତେ କ୍ଷମା କରିଦେବ, ଏପରି କି ଫାଇନାନ୍ସରେ ଆଣିଥିବା ଗାଡ଼ିର ଋଣ ପରିଶୋଧ କରିବାକୁ ନିଜ ଭାଇଙ୍କୁ ଅନୁରୋଧ କରିଥିବା ପୋଲିସ ଜାଣିବାକୁ ପାଇଛି। ଉକ୍ତ ହ୍ବାଟ୍‌ସଆପ୍‌ ମେସେଜ୍‌କୁ ନେଇ ଏବେ ପୋଲିସ ତଦନ୍ତକୁ ଜୋର୍‌ କରିଛି। ପରେ ପୋଲିସ ଟିମ୍‌ କୁଆଖିଆ ଥାନା ଅନ୍ତର୍ଗତ ବନ୍ଧଡିହ ଗ୍ରାମକୁ ଯାଇ ମୃତା ରିଙ୍କିଙ୍କ ପରିବାର ଲୋକଙ୍କୁ ମଧ୍ୟ ପଚରାଉଚରା କରିଛି। ପରିବାର ଲୋକେ କହିଛନ୍ତି ଯେ, ସେମାନେ ଜଗନ୍ନାଥକୁ ଜାଣି ନାହାନ୍ତି। ୮ଦିନ ତଳେ ରିଙ୍କି ଗ୍ରାମକୁ ଆସିଥିଲେ ଏବଂ ଭଲରେ କଥା ହେଉଥିଲେ। ଏପରିକି ତାଙ୍କ ସ୍ବାମୀ ରାକେଶ ସାହୁ ମଧ୍ୟ ସାଥିରେ ଆସିଥିଲେ। ସ୍ତ୍ରୀସ୍ବାମୀଙ୍କ ଭିତରେ ଭଲ ସମ୍ପର୍କ ରହିଥିଲା। କିନ୍ତୁ ସେ କେବେ ଜଗନ୍ନାଥଙ୍କ ବିଷୟରେ କିଛି କହି ନ ଥିବା ପରିବାର ଲୋକେ ପୋଲିସକୁ କହିଛନ୍ତି। ପୋଲିସ ଉଭୟ ପରିବାରର ବୟାନକୁ ଆଧାର କରି ତଦନ୍ତ ଜାରି ରଖିଛି।
ଅପରପକ୍ଷରେ ଅଧିକ ତଥ୍ୟ ପାଇଁ ମଙ୍ଗଳବାର କମିଶନରେଟ ପୋଲିସ ହତ୍ୟାକାଣ୍ଡ ସ୍ଥଳକୁ ଯାଇ ଛାନଭିନ୍‌ କରିଛି। ଘଟଣାସ୍ଥଳରୁ ଜବତ ହୋଇଥିବା ଚିଠି କାହାର, ତାହା ଜାଣିବା ପାଇଁ ଏହାକୁ ରାଜ୍ୟ ଫରେନ୍‌ସିକ ଲ୍ୟାବକୁ ପଠାଯିବ। ଲ୍ୟାବରୁ ରିପୋର୍ଟ ଆସିବା ପରେ ଉକ୍ତ ଚିଠି କିଏ ଲେଖିଛି ତାହା ସ୍ପଷ୍ଟ ହେବ ବୋଲି ଡିସିପି ଉମାଶଙ୍କର ଦାସ କହିଛନ୍ତି। ସେ ଆହୁରି କହିଛନ୍ତି ଯେ, ଉଭୟ ରିଙ୍କି ଓ ଜଗନ୍ନାଥ ପରସ୍ପରକୁ ଭଲ ଭାବେ ଜାଣିଥିଲେ। ଏପରି କି ଘର ଭିତରକୁ ଜଗନ୍ନାଥ ଜବରଦସ୍ତି ପଶିବାର କୌଣସି ପ୍ରମାଣ ନାହିଁ। ମହିଳା ଜଣକ କବାଟ ଖୋଲିବା ପରେ ସେ ଘର ଭିତରକୁ ଯାଇଥିଲେ। ତେଣୁ ଘର ଭିତରେ କ’ଣ ଘଟିଲା ତାହା ଜଗନ୍ନାଥ କହିପାରିବେ। କିନ୍ତୁ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ। ଜଗନ୍ନାଥ ପ୍ରଥମେ ମହିଳାଙ୍କ ୩ବର୍ଷର ଶିଶୁ ପୁତ୍ରକୁ ହତ୍ୟା କରିଥାନ୍ତେ, ତା ପରେ ମହିଳା ଏବଂ ଶେଷରେ ନିଜେ ଆତ୍ମହତ୍ୟା କରିବାକୁ ଯୋଜନା କରିଥିଲେ। ଶିଶୁପୁତ୍ର ସେହି ସମୟରେ ଘରେ ନ ଥିବାରୁ ସେ ବର୍ତ୍ତିଗଲେ। ଜଗନ୍ନାଥ ଏବେ ଚିକିତ୍ସାଧୀନ ଅଛନ୍ତି। ସେ ସମ୍ପୂର୍ଣ୍ଣ ସୁସ୍ଥ ହେବା ପରେ ତାଙ୍କର ବୟାନ ରେକର୍ଡ କରାଯିବ ବୋଲି ଡିସିପି ଦାସ କହିଛନ୍ତି। ଅଭିଯୁକ୍ତ ସିନ୍ଦୂର, ଛୁରି, କୋଲଡ୍ରିଙ୍କସ, ଆଳୁ ଚିପ୍ସ, ଚକୋଲେଟ ସାଙ୍ଗରେ ଆଣିଥିବା ସନ୍ଦେହ କରାଯାଉଛି। ଜଗନ୍ନାଥଙ୍କୁ ଜେରା କରିବା ପରେ ଏ ସମ୍ପର୍କରେ ଅଧିକ ତଥ୍ୟ ମିଳିପାରିବ। ନିକଟରେ ଏକ ନୂଆ ଲୁଗା ଜରି ପଡିଥିବାରୁ ତାହା ମଧ୍ୟ ସେ ସାଙ୍ଗରେ ଆଣିଥିବା ସନ୍ଦେହ କରାଯାଉଛି। ଅପରପକ୍ଷରେ ମଙ୍ଗଳବାର କ୍ୟାପିଟାଲ ହସ୍ପିଟାଲରେ ରିଙ୍କିଙ୍କ ମୃତଦେହ ବ୍ୟବଚ୍ଛେଦ କରାଯିବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ପରିବାର ଲୋକେ ମୃତଦେହ ଗଁାକୁ ନେଇ ସକତ୍ାର କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶାରେ ବିଜେଡି ଆଗରେ: ବିଧାନ ସଭାରେ ୯୪, ଲୋକ ସଭାରେ ୧୪ଟି ଆସନରେ ଆଗୁଆ

ଭୁବନେଶ୍ୱର, ୨୩।୫(ବ୍ୟୁରୋ): ଓଡ଼ିଶାର ୧୪୬ଟି ବିଧାନ ସଭା ଏବଂ ୨୧ଟି ଲୋକ ସଭା ଆସନ ପାଇଁ ଚାଲିଛି ଭୋଟ ଗଣତି। ପ୍ରାଥମିକ ଟ୍ରେଣ୍ଟ ଅନୁଯାୟୀ ଉଭୟ...

ହାଇକୋର୍ଟ ଆଇନଜୀବୀଙ୍କ ଆନ୍ଦୋଳନ ୨୧ପର୍ଯ୍ୟନ୍ତ ବୃଦ୍ଧି

କଟକ ଅଫିସ, ୧୭।୧୦: ଓଡ଼ିଶା ହାଇକୋର୍ଟଙ୍କ ପୂର୍ଣ୍ଣ ଖଣ୍ଡପୀଠ ମଙ୍ଗଳବାର ନିଜଆଡ଼ୁ ହାଇକୋର୍ଟ ରେଜିଷ୍ଟ୍ରାର ଜେନେରାଲ୍‌ଙ୍କ ପକ୍ଷରୁ ଆଗତ ଅଦାଲତ ଅବମାନନା ମାମଲାର ଶୁଣାଣି କରି...

ବସ୍ତି ଲୋକ ପାଇବେ ୩୦ ବର୍ଗମିଟର ଜାଗା

ଭୁବନେଶ୍ୱର,୨୪ା୩(ବ୍ୟୁରୋ): ବସ୍ତିରେ ରହୁଥିବା ଲୋକମାନଙ୍କୁ ଅତିକମ୍‌ରେ ୩୦ ବର୍ଗମିଟର ଜମି ଉପରେ ଅଧିକାର ପ୍ରଦାନ କରାଯିବ। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଓଡ଼ିଶା ବସ୍ତିବାସିନ୍ଦା...

ସରକାରଙ୍କ କରୋନା ଚିନ୍ତା: ଗଞ୍ଜାମ ଜିଲାକୁ ଗଲେ ୪ ଡିଏସ୍‌ପି

କଟକ ଅଫିସ,୫।୭- ଗଞ୍ଜାମ ଜିଲାରେ ବଢୁଥିବା କରୋନା ସଂକ୍ରମଣ ଏବେ ରାଜ୍ୟ ସରକାରଙ୍କ ଚିନ୍ତା ବଢ଼ାଇ ଦେଇଛି। ସରକାରଙ୍କ କଟକଣାକୁ ଲୋକମାନେ ମାନିବାରେ ଅବହେଳା କରୁଛନ୍ତି।...

ଗଲାଣି ବିଶ୍ରାମାଗାର : ଜବରଦଖଲ କରିଛନ୍ତି ଦୋକାନୀ

ବଅଁରପାଳ, ୩ା୩(ଡି.ଏନ.ଏ.) ଅନୁଗୋଳ ଜିଲାର ବଅଁରପାଳ ଭଳି ଜନଗହଳିପୂର୍ଣ୍ଣ ବଜାରରେ ବିଶ୍ରାମାଗାରଟିଏ ନ ଥିବାରୁ ବସ୍‌ ଧରିବାକୁ ଅପେକ୍ଷାରତ ଯାତ୍ରୀଙ୍କୁ ଏଠାରେ ଦୀର୍ଘ ସମୟ ଧରି...

ଆରମ୍ଭ ହେଲା ଅସୀମ ଉତ୍ସବ

ଭୁବନେଶ୍ୱର, ୧୩। ୩ (ବ୍ୟୁରୋ): ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଏବଂ ଅସୀମ ବସୁ ଫାଉଣ୍ଡେଶନ ପକ୍ଷରୁ ୪ର୍ଥ ଅସୀମ ଉତ୍ସବ ଶୁକ୍ରବାର...

ଟ୍ରିବ୍ୟୁନାଲ ଅବଧି ଆଉ ୨ ବର୍ଷ ବଢ଼ିଲା

ଭୁବନେଶ୍ୱର,୧୧ା୬(ବ୍ୟୁରୋ):ମହାନଦୀ ଜଳ ବିବାଦ ସମାଧାନ ପାଇଁ ଗଠିତ ଟ୍ରିବ୍ୟୁନାଲର ଅବଧି ଆଉ ୨ ବର୍ଷ ପାଇଁ ବୃଦ୍ଧି କରାଯାଇଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ କେନ୍ଦ୍ର ସରକାର ୨୦୧୮...

ଜିପ୍‌ରେ ପରୀକ୍ଷାର୍ଥୀଙ୍କୁ ଘରେ ଛାଡ଼ିଲେ ତହସିଲଦାର

ଦିଗପହଣ୍ଡି,୨୫ା୨(ଡି.ଏନ.ଏ.)-ଦିଗପହଣ୍ଡି ତହସିଲଦାର ଅଦ୍ୱୈତ କୁମାର ସ୍ବାଇଁ ସୋମବାର ମଧ୍ୟାହ୍ନରେ ଫାଶିଗୁଡା ଗ୍ରାମ ହାଇସ୍କୁଲ ପରୀକ୍ଷା କେନ୍ଦ୍ର ପରିଦର୍ଶନ କରି ଫେରୁଥିବା ବେଳେ ଭୀଷ୍ମଗିରି-ନିମଖଣ୍ଡି ପେଣ୍ଠ ମୁଖ୍ୟ...

Advertisement


Archives

Model This Week