ବ୍ରହ୍ମପୁର,୨୫ା୯(ସୁବାସ ଚନ୍ଦ୍ର ପାଢ଼ୀ): ଦୋକାନରେ ଭାଇ ଓ ସାଙ୍ଗ ସହ ବସିଥିବା ବେଳେ କେତେକ ଯୁବକ ସଂଘବଦ୍ଧ ଆକ୍ରମଣ କରି ଲକ୍ଷାଧିକ ଟଙ୍କା ଲୁଟି ନେଇଥିବା ବଡ଼ବଜାର ଥାନାରେ ଅଭିଯୋଗ ହୋଇଛି। ଅଭିଯୋଗକାରୀ ଯଶୋଦାନଗର ଅଞ୍ଚଳର ବ୍ରହ୍ମ ନାରାୟଣ ସାହୁଙ୍କ ଏତଲା ମୁତାବକ, ସେ ନିଜ ବଡ଼ଭାଇ ଏବଂ ଦୁଇ ସାଙ୍ଗ ସହ ଦୋକାନରେ ବସିଥିଲେ। ସେତିକିବେଳେ ୧୭ଜଣ ଯୁବକ ଦୋକାନ ପାଖରେ ପହଞ୍ଚି ପ୍ରଥମେ ଗାଳିଗୁଲଜ କରିବା ସହ ଦୋକାନ ଉପରକୁ ପଥର ଫିଙ୍ଗିଥିଲେ। ପରେ ଦୋକାନ ଭିତରେ ପଶି ଗାଡି ଚାବି ଛଡାଇ ନେବା ସହ ଦୋକାନରୁ ଦେଢ଼ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ପତ୍ରରେ ଉଲ୍ଲେଖ ରହିଛି। ଅଭିଯୋଗକୁ ଭିତ୍ତି କରି ବଡବଜାର ଥାନା ପୋଲିସ ଏକ ମାମଲା(ନଂ.୩୫୧/୨୩) ରୁଜୁ କରି ଘଟଣାର ତଦନ୍ତ କରୁଛି।
