ଲିଙ୍କ୍‌ ପଠାଇ ଆକାଉଣ୍ଟରୁ ଲୁଟ୍‌

ଅନୁଗୋଳ ଅଫିସ, ୧୭।୧ (ଅମିତ କୁମାର ସାମଲ): ସମୟ ସହ ବଦଳୁଛି ସାଇବର ଅପରାଧର ପଦ୍ଧତି। ପୂର୍ବରୁ ଫୋନ କରି କୌଶଳରେ ଏଟିଏମ୍‌ ତଥ୍ୟ ନେଉଥିବା ଅପରାଧୀମାନେ ଏବେ ଇଣ୍ଟରନେଟ୍‌କୁ ଠକେଇର ଏକ ମାଧ୍ୟମ କରିଛନ୍ତି। ଏହି ଆପ୍‌ ଡାଉନ୍‌ଲୋଡ୍‌ ନ କଲେ ଫୋନ ଅଚଳ ହୋଇଯିବ କହି କେତେବେଳେ ଲିଙ୍କ୍‌ ଉପରେ କ୍ଲିକ୍‌ କରିବାକୁ କହୁଛନ୍ତି ତ ଆଉ କେତେବେଳେ ଲଟେରିର ପ୍ରଲୋଭନ ଦେଖାଇ ଆକାଉଣ୍ଟ ଖାଲି କରିଦେଉଛନ୍ତି। ଗତ ୨୦୨୦ ବର୍ଷରେ ଅନୁଗୋଳ ଜିଲାରୁ ଏହି ସାଇବର ଅପରାଧୀମାନେ ୭୩ ଲକ୍ଷ ୩୮ ହଜାର ୨୪୭ ଟଙ୍କା ଲୁଟ୍‌ କରିଛନ୍ତି। ଏ ନେଇ ବିଭିନ୍ନ ଥାନାରେ ୮୯ ମାମଲା ରୁଜୁ ହୋଇଛି। ତେବେ ଠକେଇର ଶିକାର ହୋଇଥିବା ଲୋକଙ୍କ ମଧ୍ୟରୁ ମାତ୍ର ୧୮ ଜଣ ଟଙ୍କା ଫେରସ୍ତ ପାଇଛନ୍ତି।
ଅନୁଗୋଳ ଜିଲାରେ ସାଇବର କ୍ରାଇମ୍‌ ବଢ଼ିବାରେ ଲାଗିଛି। କେବଳ ୨୦୨୦ ବର୍ଷରେ ଅନୁଗୋଳ ଥାନା ଅଞ୍ଚଳରୁ ୨୨ ଲକ୍ଷ ୭ ହଜାର ୪୧୧ ଟଙ୍କା ଠକେଇ ହୋଇଥିବା ବେଳେ ୩୪ ମାମଲା ରୁଜୁ ହୋଇଛି। ସେହିପରି କୋଲିୟରୀ ଥାନା ଅଞ୍ଚଳରୁ ୮ ଲକ୍ଷ ୯୧ ହଜାର ୨୪୪ ଟଙ୍କା ଲୁଟ୍‌ ହୋଇଥିବା ୧୫ଟି ମାମଲାରୁ ଜଣାପଡ଼ିଛି। ବଅଁରପାଳ ଥାନା ଅଞ୍ଚଳରୁ ୧୦ ଲକ୍ଷ ୬୫ ହଜାର ୭୭୪ ଟଙ୍କା ଲୁଟ୍‌ ନେଇ ୬ଟି ମାମଲା ରୁଜୁ ହୋଇଥିବାବେଳେ ବିକ୍ରମପୁର ଥାନାରେ ୧ଲକ୍ଷ ୭୭ ହଜାର ୭୩୩ ଟଙ୍କା ଲୁଟ୍‌ ନେଇ ୫ଟି ମାମଲା, ବନ୍ତଳା ଥାନରେ ୫ ଲକ୍ଷ ୩୯ ହଜାର ୪୫୩ ଟଙ୍କା ଲୁଟ୍‌ ନେଇ ୫ଟି ମାମଲା, ନାଲ୍‌କୋ ଥାନାରେ ୫ ଲକ୍ଷ ୧୮ ହଜାର ୮୯୩ ଟଙ୍କା ଲୁଟ୍‌ ନେଇ ୪ଟି ମାମଲା, ଏନ୍‌ଟିପିସି ଥାନାରେ ୨ ଲକ୍ଷ ୫୬ ହଜାର ୯ଶହ ଟଙ୍କା ଲୁଟ୍‌ ନେଇ ୪ ମାମଲା, ସମଲ ଥାନାରେ ୨ ଲକ୍ଷ ୨୭ ହଜାର ୫୬୫ଟଙ୍କା ଲୁଟ୍‌ ନେଇ ୩ଟି ମାମଲା, ନିଶା ଶିଳ୍ପାଞ୍ଚଳ ଥାନାରେ ୧ଲକ୍ଷ ୧୯ ହଜାର ୫୦୩ ଟଙ୍କା ଲୁଟ୍‌ ନେଇ ୨ଟି ମାମଲା, ତାଳଚେର ଥାନାରେ ୧ ଲକ୍ଷ ୨୪ ହଜାର ୯୭୯ ଟଙ୍କା ଲୁଟ୍‌ ହୋଇଥିବା ନେଇ ଦୁଇଟି ମାମଲା, ପାଲଲହଡ଼ା ଥାନାରେ ୧ ଲକ୍ଷ ହଜାର ୯ଶହ ଟଙ୍କା ଲୁଟ୍‌ ନେଇ ୨ଟି ମାମଲା, ଖମାର ଥାନାରେ ୭ ଲକ୍ଷ ୯୧ ହଜାର ୯୨ ଟଙ୍କା ଲୁଟ୍‌ ହୋଇଥିବା ନେଇ ୨ଟି ମାମଲା, ରେଙ୍ଗାଳି ଥାନାରେ ୧ଲକ୍ଷ ୬୪ ହଜାର ୮ଶହ ଟଙ୍କା ଲୁଟ୍‌ ସମ୍ପର୍କିତ ଗୋଟିଏ ମାମଲା, କଣିହଁା ଥାନାରେ ୩୫ ହଜାର ଟଙ୍କା, ଛେଣ୍ଡିପଦା ଥାନାରେ ୬୬ ହଜାର ଟଙ୍କା ଓ କିଶୋରନଗର ଥାନାରେ ୫୦ ହଜାର ଟଙ୍କା ଠକେଇ ହୋଇଥିବା ନେଇ ଗୋଟିଏ ଲେଖାଏ ମାମଲା କରାଯାଇଥିବା ସୂଚନା ମିଳିଛି। ଅନ୍ୟପକ୍ଷରେ ସାଇବର ଠକେଇର ଶିକାର ହୋଇଥିବା ଲୋକଙ୍କ ମଧ୍ୟରୁ ୧୮ ଜଣଙ୍କ ଆକାଉଣ୍ଟରୁ ୧୨ ଲକ୍ଷ ୯୬ ହଜାର ୬୩୨ ଟଙ୍କା ଯାଇଥିବାବେଳେ ୮ ଲକ୍ଷ ୯୬ ହଜାର ୩୭୫ଟଙ୍କା ଫେରସ୍ତ ଆସିଥିବା ପୋଲିସ ପକ୍ଷରୁ କୁହାଯାଇଛି।

ବାଧକ ସାଜୁଛି ଗାଇଡ୍‌ଲାଇନ୍‌
ସାଇବର ଠକେଇର ଶିକାର ହୋଇଥିବା ବ୍ୟକ୍ତିଙ୍କଠାରୁ ଅଭିଯୋଗ ପାଇବା ପରେ ପୋଲିସ ଅଭିଯୋଗକାରୀଙ୍କ ଆକାଉଣ୍ଟ ଥିବା ବ୍ୟାଙ୍କ କର୍ତ୍ତୃପକ୍ଷଙ୍କୁ ଚିଠି କରିଥାଏ। ସେହି ଚିଠି ଆଧାରରେ ଉକ୍ତ ବ୍ୟାଙ୍କ ପକ୍ଷରୁ ସାଇବର ଲୁଟେରାଙ୍କ ଯେଉଁ ଆକାଉଣ୍ଟକୁ ଟଙ୍କା ଯାଇଛି ସେହି ବ୍ୟାଙ୍କକୁ ଯୋଗାଯୋଗ କରି ଲୁଟ୍‌ ସମ୍ବନ୍ଧୀୟ ତଥ୍ୟ ଦେବା ସହ ଆକାଉଣ୍ଟ ଫ୍ରିଜ୍‌ କରିବାକୁ କୁହାଯାଇଥାଏ। ପରବର୍ତ୍ତୀ ସମୟରେ ଯେତେବେଳେ ଅଭିଯୁକ୍ତଙ୍କ ଆକାଉଣ୍ଟରୁ ଟଙ୍କା ଫେରସ୍ତ ପାଇଁ ପୋଲିସ ପକ୍ଷରୁ କୁହାଯାଏ, ସେତେବେଳେ ସେହି ବ୍ୟାଙ୍କ କର୍ତ୍ତୃପକ୍ଷ ତାହା କରି ନ ଥାନ୍ତି। କାରଣ ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ (ଆର୍‌ବିଆଇ) ଗାଇଡ୍‌ ଲାଇନ୍‌ ଅନୁଯାୟୀ ଆକାଉଣ୍ଟଧାରୀଙ୍କ ବିନା ପରାମର୍ଶରେ ତାଙ୍କ ଆକାଉଣ୍ଟରୁ ଟଙ୍କା କାହାକୁ ପ୍ରଦାନ କରାଯିବ ନାହିଁ। ଖାସ୍‌ ଏହି କାରଣରୁ ବ୍ୟାଙ୍କରେ ଟଙ୍କା ଥାଇ ବି ଠକେଇ ହୋଇଥିବା ବ୍ୟକ୍ତି ଟଙ୍କା ପାଇପାରନ୍ତି ନାହିଁ। କେବଳ ୱାଲେଟ୍‌ ମାଧ୍ୟମରେ ହୋଇଥିବା ଠକେଇ ଘଟଣାରେ ଟଙ୍କା ଫେରସ୍ତ ଆସିପାରୁଛି।

ଅଜଣା ଫୋନ କଲ୍‌କୁ ସାବଧାନ
ବିଭିନ୍ନ ସମୟରେ ସାଇବର ଅପରାଧୀମାନେ ଲୋକଙ୍କ ଆକାଉଣ୍ଟରୁ ଟଙ୍କା ଲୁଟ୍‌ କରୁଛନ୍ତି। ଏ ନେଇ ଜନସାଧାରଣ ଅଧିକ ସତର୍କ ହେବା ଆବଶ୍ୟକ। ଅଜଣା ଲୋକଙ୍କଠାରୁ ଆସୁଥିବା ଫୋନ୍‌ କଲ୍‌ରେ ପ୍ରଲୋଭିତ ନ ହେବା ଦରକାର। କୌଣସି ବ୍ୟାଙ୍କ ବା ସଂସ୍ଥାରୁ ଫୋନ୍‌ କରୁଥିବା କେହି କହିଲେ ତୁରନ୍ତ ଉକ୍ତ ସଂସ୍ଥାକୁ ଯାଇ ଅଧିକାରୀଙ୍କ ସହ ଯୋଗାଯୋଗ କରିବା ଆବଶ୍ୟକ। ଇଣ୍ଟରନେଟ୍‌ରେ ବିଭିନ୍ନ ସଂସ୍ଥାର ଜାଲ୍‌ ଫୋନ ନମ୍ବର ରହୁଥିବାରୁ ସେଠାକୁ ଫୋନ୍‌ କରନ୍ତୁ ନାହିଁ।
-ଜଗମୋହନ ମୀନା, ଏସ୍‌ପି, ଅନୁଗୋଳ

ଆକାଉଣ୍ଟ ସମ୍ବନ୍ଧୀୟ ତଥ୍ୟ କୁହନ୍ତୁ ନାହିଁ
ଅନେକ ସମୟରେ ଆକାଉଣ୍ଟ ସମ୍ପର୍କିତ ଠିକ୍‌ ତଥ୍ୟ ସାଇବର ଅପରାଧୀମାନେ ପାଇଯାଉଛନ୍ତି। ବ୍ୟାଙ୍କରୁ କିଏ କେଉଁଦିନ କ୍ରେଡିଟ୍‌ କାର୍ଡ ନେଲା ସେକଥା ଲୁଟେରାମାନେ କେମିତି ଜାଣୁଛନ୍ତି। ଏଭଳି କାର୍ଯ୍ୟରେ ବ୍ୟାଙ୍କ କର୍ମଚାରୀଙ୍କ ହାତ ରହୁଥିବା ମନରେ ସନ୍ଦେହ ଆସୁଛି। ତେଣୁ ଆକାଉଣ୍ଟ ସମ୍ବନ୍ଧୀୟ ତଥ୍ୟ କାହାକୁ କୁହନ୍ତୁ ନାହିଁ।
-ତେଜସ୍ବିନୀ ସୋନାଲିକା, ଅନୁଗୋଳ

ଅଭିନବ ଉପାୟରେ ଲୋକଙ୍କୁ ଲୁଟୁଛନ୍ତି
ପୂର୍ବରୁ ସାଇବର ଠକମାନେ ଏଟିଏମ୍‌ କାର୍ଡରୁ ଲୁଟ୍‌ କରୁଥିଲେ। ଏବେ ପଦ୍ଧତି ବଦଳାଇ ବିଭିନ୍ନ ଆପ୍ଲିକେଶନ୍‌ ଡାଉନଲୋଡ୍‌ କରିବାକୁ କହି ଟଙ୍କା ଲୁଟୁଛନ୍ତି। ଏପରି ସାଇବର ମାମଲାରେ ଟଙ୍କା ଫେରିପାଇବା କଷ୍ଟକର। ତଥାପି ଲୋକଙ୍କ ଟଙ୍କା ଫେରାଇ ଆଣିବାକୁ ଉଦ୍ୟମ କରିଥାଉ। କାହାର ଦୁଇ ଦିନ ମଧ୍ୟରେ ଫେରିଛି ତ ଆଉ କାହାର ୧୫ ଦିନ ସମୟ ଲାଗିଛି। ତେଣୁ ଅନୁଗୋଳ ଜିଲାବାସୀ ଏପରି ଠକ୍‌ଙ୍କ ପ୍ରତି ସତର୍କ ରହିବା ଜରୁରୀ।
-ଅଶ୍ୱିନୀ ସାହୁ, ଅନୁଗୋଳ ଥାନା

କେଇ ସେକେଣ୍ଡରେ ଟଙ୍କା ଲୁଟିନେବେ
ସାଇବର ଅପରାଧୀମାନେ ଫୋନ୍‌ରେ ନାନା କଥା କହି ପ୍ରଥମେ ପ୍ରଲୋଭିତ କରିବେ। କେତେବେଳେ ଲଟେରି ତ ଆଉ କେତେବେଳେ ଦାମୀ ଉପହାର ଆସିଥିବା କହି ମାତ୍ର ଅଳ୍ପ କେତେ ଟଙ୍କା ସର୍ଭିସ ଚାର୍ଜ ବାବଦକୁ ଦେବାକୁ କହିବେ। ଏହାପରେ ପାନକାର୍ଡ, ଆଧାରକାର୍ଡ କିମ୍ବା ଆକାଉଣ୍ଟ ତଥ୍ୟ ନେଇ କେଇ ସେକେଣ୍ଡ ମଧ୍ୟରେ ଆକାଉଣ୍ଟରୁ ସବୁ ଟଙ୍କା ଲୁଟିନେବେ। ତେଣୁ ଅଜଣା ବ୍ୟକ୍ତିଙ୍କୁ ଏପରି ତଥ୍ୟ କିମ୍ବା ଓଟିପି କୁହନ୍ତୁ ନାହିଁ।
-ପ୍ରିୟମ ପାଣ୍ଡେ, ଅନୁଗୋଳ

ଆକାଉଣ୍ଟଧାରୀଙ୍କୁ ସଚେତନ କରାଯିବ
ସାଇବର ଠକେଇ ଘଟଣା ବଢ଼ିବାରେ ଲାଗିଛି। ଆକାଉଣ୍ଟଧାରୀମାନେ କିଭଳି ଭାବେ ଏପରି ଠକଙ୍କ ହାବୁଡ଼ରେ ନ ପଡ଼ିବେ, ସେଥିପାଇଁ ବିଭିନ୍ନ କାର୍ଯ୍ୟକ୍ରମ ଆର୍‌ବିଆଇ ପକ୍ଷରୁ କରାଯାଉଛି। ଅନୁଗୋଳରେ ମଧ୍ୟ ମ୍ୟାଜିକ ଶୋ କରି ଲୋକଙ୍କୁ ସଚେତନ କରାଯାଇଛି। ଆଗକୁ ପଥପ୍ରାନ୍ତ ନାଟକ ବା ପ୍ରଚାର ଗାଡ଼ି ବୁଲାଇବାକୁ ଯୋଜନା କରାଯାଉଛି।
-ବ୍ୟାଙ୍କ ଅଧିକାରୀ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଘରକୁ ଯାଇ ନ ପାରି ଓପାସରେ ୧୭ ଶ୍ରମିକ

ବଇଣ୍ଡା, ୨୨ା୫(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ବ୍ଲକ କୁରୁମଟାପ ପଞ୍ଚାୟତ ମନ୍ଦରବାହାଳ ଗ୍ରାମରେ ଚେକଡ୍ୟାମ କେନାଲ ନିର୍ମାଣରେ ନିୟୋଜିତ ୧୭ ଜଣ ଶ୍ରମିକ ଘରକୁ ଯାଇ...

ବିପର୍ଯ୍ୟୟ ନେଇଛି ୨୧୬ ପ୍ରାଣ

ଅନୁଗୋଳ ଅଫିସ, ୧୪ା୮ କେତେବେଳେ ପାଣି ତ ଆଉ କେବେ ମାରୁଛି ବଜ୍ରପାତ। ସାପ କାମୁଡ଼ାରେ ମଧ୍ୟ ଯାଉଛି ଅନେକଙ୍କ ଜୀବନ। ଗତ ୬ ବର୍ଷ...

ଠିକାଦାରଙ୍କୁ ଅନୁକମ୍ପା ଚର୍ଚ୍ଚା

ଅନୁଗୋଳ ଅଫିସ୍‌, ୧୭।୯: ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟ କରୁଥିବା ଠିକାସଂସ୍ଥାଗୁଡିକୁ ଅନୁକମ୍ପା ଦେଖାଯାଉଥିବା ନେଇ ଚର୍ଚ୍ଚା ଜୋର ଧରିଛି। ଠିକାସଂସ୍ଥାଗୁଡିକର ଟେଣ୍ଡର ଡକା ନ...

ସମ୍ବର ମାଂସ ଜବତ, ୨ଗିରଫ

ବଇଣ୍ଡା,୧୩।୧୦(ଡି.ଏନ.ଏ.): ଆଠମଲ୍ଲିକ ବ୍ଲକ ଧଣ୍ଡାତୋପା ଜଙ୍ଗଲରେ ଧଣ୍ଡାତୋପା ବନବିଭାଗ ପକ୍ଷରୁ ଚଢାଉ କରାଯାଇ ୨୧ କେଜି ସମ୍ବର ମାଂସ ଜବତ କରାଯାଇଛି। ଏଥିସହିତ ବନ ବିଭାଗ...

ଛେଣ୍ଡିପଦା ସଂରକ୍ଷିତ ଜଙ୍ଗଲରୁ ଏକ ମାଖନା ହାତୀର ମୃତଦେହ ଠାବ

ଛେଣ୍ଡିପଦା,୨୦।୬(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବନାଞ୍ଚଳ ଅନ୍ତର୍ଗତ ଛେଣ୍ଡିପଦା ସଂରକ୍ଷିତ ଜଙ୍ଗଲର ଗୁଡିମରାଠାରେ ଶନିବାର ଏକ ମାଖନା ହାତୀର ଗଳିତ ମୃତଦେହ ଉଦ୍ଧାର ହୋଇଛି। ହାତୀଟି...

ଗରାଏ ପାଣି ପାଇଁ ଘଣ୍ଟାଏ

ବଇଣ୍ଡା, ୧୬।୫:  ଗ୍ରାମାଞ୍ଚଳବାସୀଙ୍କୁ ହାତପାହାନ୍ତାରେ ବିଶୁଦ୍ଧ ପାଣି ଯୋଗାଇ ଦେବାକୁ ଅନେକ ଯୋଜନା କରିଛନ୍ତି ସରକାର। ପାନୀୟ ଜଳ ସମସ୍ୟାର ସ୍ଥାୟୀ ସମାଧାନ ଲାଗି ‘ବସୁଧା’ ଯୋଜନାରେ...

ଭରତପୁର କୋଇଲା ଖଣି ଦୁର୍ଘଟଣା:  ମୃତକଙ୍କ ପରିବାରକୁ ମିଳିବ ୩୦ ଲକ୍ଷ

ଅନୁଗୋଳ ଅଫିସ, ୭।୮: ଭରତପୁର କୋଇଲା ଖଣି ଦୁର୍ଘଟଣାରେ ୪ ମୃତ ଶ୍ରମିକଙ୍କ ପରିବାରକୁ ୩୦ ଲକ୍ଷ ଟଙ୍କା ଲେଖାଏ କ୍ଷତିପୂରଣ ସହ ଜଣେ ସଦସ୍ୟଙ୍କୁ...

ବଇଣ୍ଡାକୁ କରାଗଲା ସମ୍ପୂର୍ଣ୍ଣ ସାନିଟାଇଜ

ବଇଣ୍ଡା,୧୨।୫(ଡି.ଏନ.ଏ.)-ଅନୁଗୋଳ ଜିଲାରେ ୧୫ ଜଣ କରୋନା ପଜିଟିଭ ଚିହ୍ନଟ ହେବା ପରେ ପ୍ରଶାସନ ପକ୍ଷରୁ ବ୍ୟାପକ ସଚେତନତା କରାଯାଉଛି। ବିଶେଷ କରି କିଶୋରନଗର ବ୍ଲକ ବଇଣ୍ଡା...

Advertisement
Archives

Model This Week