ପୁରୁଷୋତ୍ତମପୁର,୩୧।୮(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଏନଏସିରେ ସ୍ୱାୟତ୍ତଶାସନ ଦିବସ ପାଳିତ ହୋଇଛି । ମଞ୍ଚରେ ଉତ୍ସବ, ଭାଷଣରେ ବିକାଶ, ସଂକଳ୍ପରେ ସ୍ବଛତା ଓ ସୁନ୍ଦର ସହର। କିନ୍ତୁ ମଞ୍ଚରୁ ତଳକୁ ଓହ୍ଲାଇ ସହରର ଗଳିକନ୍ଦିକୁ ଗଲେ ଦେଖାଯାଉଛି ଏକ ସମ୍ପୂ୍ଣ୍ଣ ର୍ଭିନ୍ନଚିତ୍ର । ଯାହାର ଜ୍ବଳନ୍ତ ଉଦାହରଣ ୱାଡନଂ୯ରେ ଲୋକଙ୍କ ଲାଗି ନିର୍ମିତ ରାସ୍ତା ଓ ଡ୍ରେଇନ ଆଜି ରକ୍ଷଣାବେକ୍ଷଣ ଅଭାବରୁ ଗଛଲତାରେ ଢାଙ୍କିହୋଇ ଜଙ୍ଗଲ ପାଲଟିଛି । ସ୍ୱାୟତ୍ତଶାସନ ଦିବସରେ ସହରକୁ ସ୍ୱଚ୍ଛ ରଖିବାର ବାର୍ତ୍ତା ଦିଆଯାଉଥିବା ବେଳେ ଆଜିର ଏହିଦିନରେ ମଧ୍ଯ ରାସ୍ତାଟିକୁ ସଫା କରାଯାଇନଥିବା ନେଇ ସ୍ଥାନୀୟ ବାସିନ୍ଦା କ୍ଷୋଭ ପ୍ରକାଶ କରିଛନ୍ତି ।
ଯଦି ରାସ୍ତା ସଫା ହୋଇପାରୁନାହିଁ, ଷ୍ଟିଟଲାଇଟ୍ ଜଳିପାରୁନାହିଁ ତେବେ ସ୍ବାୟତ୍ତଶାସନ ଦିବସର ଏହିଆଡମ୍ବର କାହାପାଇଁ ବୋଲି ସହରାସୀ ପ୍ରଶ୍ନକରିଛନ୍ତି । ନିର୍ବାହୀ ଅଧିକାରୀ ସଂଗିତା ସେଠୀଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ଯକ୍ରମରେ ଅଧ୍ୟକ୍ଷ କୃଷ୍ଣଚନ୍ଦ୍ର ପଣ୍ଡା ପୌରହିତ୍ଯ କରିଥିବାବେଳେ ମୁଖ୍ଯ ଅତିଥି ଭାବେ ଆସିକା ଏମପି ଅନିତା ଶୁଭଦର୍ଶନୀ ଯୋଗଦେଇ ସହରର ବିକାଶ ସକାଶେ ଜନସାଧାରଣ, ରାଜନେତା, ସରକାରୀ କର୍ମଚାରୀ ସମସ୍ତଙ୍କର ଦାୟିତ୍ବ ରହିଛି । ଏଣୁ ସମସ୍ତେ ମିଳିମିଶି ସହରର ବିକାଶ ଲାଗି କାର୍ଯ୍ଯ କରିବାକୁ ପରାମର୍ଶ ଦେଇଥିଲେ । ସମ୍ମାନିତଅତିଥି ଭାବେ ତହସିଲଦାର ବିନୋଦକୁମାର ବେହେରା, ଏସଡିପିଓ ସୁଜିତକୁମାର ନାୟକ, ଆଇଆଇସି କୁଳମଣି ସେଠୀ, ଏମପି ପ୍ରତିିିନିଧି ବିଶ୍ବଭୂଷଣ ମହାପାତ୍ର ଯୋଗଦେଇ ସ୍ବାୟତଶାସନ ଦିବସର ତାତ୍ପର୍ଯ୍ଯ ସଂପର୍କରେ ଗୁୁରୁତ୍ବାରୋପକରି ସହରର ବିକାଶକୁ ଆଗେଇନେବାଲାଗି ଆହ୍ବାନ ଦେଇଥିଲେ ।
ଏଥିରେ କାଉନସିଲର ଅଶୋକକୁମାର ମହାଙ୍କୁଡ, ଭାସ୍କର ବେହେରା, ଜଗନ୍ନାଥ ଆଚାରୀ, ଅର୍ଚ୍ଚନା ପଣ୍ଡା, ଜମୁନା ବେହେରା, ଭବାନିଶଙ୍କର ଦାସ, ଲିଙ୍ଗରାଜ ବେହେରା, ପ୍ରମିତା ପଣ୍ଡା, ଗିରିଜା ବେହେରା, ସୁଦେଷ୍ଣା ବେହେରା, ସୁଜାତା ବେହେରା ଉପସ୍ଥିତ ରହିଥିଲେ । ଏହିଅବସରରେ କୃତି ଛାତ୍ରୀଛାତ୍ରଙ୍କୁ ପୁରସ୍କୁତ କରାଯିବା ସହ ବରିଷ୍ଠ ନାଗରିକ, ବ୍ଯକ୍ତିବିଶେଷଙ୍କୁ ସମ୍ବର୍ଦ୍ଧିତ କରାଯାଇଥିଲା ।
