ଲଣ୍ଡନ/ନୂଆଦିଲ୍ଲୀ,୧୧।୧ : ଲଣ୍ଡନର ଫାର୍ମ ହେଲନ ଆଣ୍ଡ ପାର୍ଟନର୍ସ ଦ୍ୱାରା ବିଶ୍ୱର ସବୁଠାରୁ ଶକ୍ତିଶାଳୀ ପାସପୋର୍ଟର ମାନ୍ୟତା ପ୍ରକାଶ ପାଇଛି। ୨୦୨୩ ବର୍ଷ ପାଇଁ ଜାରି କରାଯାଇଥିବା ଏହି ପାସପୋର୍ଟ ତାଲିକାରେ, ଦୁର୍ବଳ ପାସପୋର୍ଟଠାରୁ ଆରମ୍ଭ କରି ସବୁଠାରୁ ଶକ୍ତିଶାଳୀ ପାସପୋର୍ଟ ବିଷୟରେ ସୂଚନା ଦିଆଯାଇଛି। ଗ୍ଲୋବାଲ ପାସପୋର୍ଟର ର଼୍ୟାଙ୍କିଙ୍ଗରେ ୧୯୯ ଟି ଦେଶର ପାସପୋର୍ଟ ଅନ୍ତର୍ଭୁକ୍ତ କରାଯାଇଛି। ଯାହାଦ୍ୱାରା ୨୨୭ ଟି ଦେଶରେ ଯାତ୍ରା କରାଯାଇପାରିବ। ଅନ୍ତର୍ଜାତୀୟ ବିମାନ ପରିବହନ ସଂଘ ଦ୍ୱାରା ପ୍ରଦତ୍ତ ତଥ୍ୟ ଉପରେ ଆଧାର କରି ଏହି ର଼୍ୟାଙ୍କିଙ୍ଗ ପ୍ରସ୍ତୁତ କରାଯାଇଛି।
ହେନଲି ପାସପୋର୍ଟ ଇଣ୍ଡେକ୍ସ ଅନୁଯାୟୀ ବିଶ୍ୱର ସବୁଠାରୁ ଶକ୍ତିଶାଳୀ ପାସପୋର୍ଟ ତାଲିକାର ଶୀର୍ଷରେ ଜାପାନ ରହିଛି। ଜାପାନ ପରେ ସିଙ୍ଗାପୁର ଏବଂ ଦକ୍ଷିଣ କୋରିଆ ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି। ଏହି ତାଲିକାରେ ଜର୍ମାନୀ ଏବଂ ସ୍ପେନ ତୃତୀୟ ସ୍ଥାନରେ ଅଛନ୍ତି। ଚତୁର୍ଥ ସ୍ଥାନରେ ତିନୋଟି ଦେଶ ଫିନଲାଣ୍ଡ, ଇଟାଲୀ ଏବଂ ୟୁରୋପର ଏକ ଦେଶ, ଲକ୍ସେମବର୍ଗ ରହିଛି। ଅଷ୍ଟ୍ରେଲିଆ, ଡେନମାର୍କ, ନେଦରଲାଣ୍ଡ ଏବଂ ସ୍ବିଡେନ ପଞ୍ଚମ ସ୍ଥାନରେ ଅଛନ୍ତି।
ଗ୍ଲୋବାଲ ପାସପୋର୍ଟ ର଼୍ୟାଙ୍କିଙ୍ଗ ୨୦୨୩ ରେ ଭାରତ ୮୫ତମ ସ୍ଥାନରେ ରହିଛି। ଏଥି ସହିତ ପଡୋଶୀ ଦେଶ ଭୁଟାନର ପାସପୋର୍ଟ ୯୦ତମ ସ୍ଥାନରେ ରହିଛି। ଏଥିସହ ଚାଇନା ପାସପୋର୍ଟର ମାନ୍ୟତା ୬୬ତମ ସ୍ଥାନରେ ରହିଛି। ଶ୍ରୀଲଙ୍କା ପାସପୋର୍ଟ ୧୦୦ ନମ୍ବରରେ ଏବଂ ବାଂଲାଦେଶ ପାସପୋର୍ଟ ୧୦୧ ତମ ସ୍ଥାନରେ ଅଛି । ୟେମେନର ମାନ୍ୟତା ୧୦୫ ତମ ଏବଂ ମ୍ୟାନମାରର ମାନ୍ୟତା ୯୬ତମ ସ୍ଥାନରେ ରହିଛି।
ପାକିସ୍ତାନରେ ଏକ ଆର୍ଥିକ ସଙ୍କଟ ଦେଖାଦେଇଛି। ଏହି ସମୟରେ, ହେଲେନ ପାସପୋର୍ଟ ମାନ୍ୟତାରେ ପାକିସ୍ତାନ ହେଉଛି ବିଶ୍ୱର ଚତୁର୍ଥ ଖରାପ ପାସପୋର୍ଟ। ସବୁଠାରୁ ପାସପୋର୍ଟ ମାନ୍ୟତାରେ ପାକିସ୍ତାନ ୧୦୬ନମ୍ବରରେ ରହିଛି। ନେପାଳର ଏହା ଅପେକ୍ଷା ଏକ ଭଲ ପାସପୋର୍ଟ ଥିବାବେଳେ ତାଲକାର ୧୦୩ ତମ ସ୍ଥାନରେ ଅଛି। ପାକିସ୍ତାନ ତଳେ ସିରିଆ, ଇରାକ ଏବଂ ଶେଷତମ ସ୍ଥାନରେ ଆଫଗାନିସ୍ତାନ ରହିଛି। ଆଫଗାନିସ୍ତାନର ମାନ୍ୟତା ୧୦୯ତମ ସ୍ଥାନରେ ରହିଛି ।
