ମୁହଁର ସୌନ୍ଦର୍ଯ୍ୟ ବଢାଇବାରେ ବିଭିନ୍ନ ମେକ୍ଅପ୍ ସାମଗ୍ରୀ ମଧ୍ୟରୁ ଲିପ୍ଷ୍ଟିକ୍ର ଭୂମିକା ବେଶ୍ ଗୁରୁତ୍ୱପୂର୍ଣ୍ଣ। ହେଲେ ଏହି ଲିପ୍ଷ୍ଟିକ୍ ଯଦି ସ୍କିନ୍ ଟୋନ୍କୁ ମ୍ୟାଚ୍ ନ କରେ ତେବେ ସୁନ୍ଦର ମେକ୍ଅପ୍ ବି ଲାଗିଥାଏ ଖରାପ। ତେଣୁ ନିଜ ସ୍କିନ୍ଟୋନ୍ ଅନୁସାରେ କିପରି ଲିପ୍ଷ୍ଟିକ୍ ବ୍ୟବହାର କଲେ ଆକର୍ଷଣୀୟ ଲୁକ୍ ପାଇପାରିବେ ଜାଣି ରଖନ୍ତୁ ଟିପ୍ସ…
– ଯଦି ଆପଣଙ୍କ ସ୍କିନ୍ଟୋନ୍ ନ୍ୟୁଟ୍ରାଲ୍ ଅର୍ଥାତ୍ ଅଧିକ ଗୋରା କିମ୍ବା କଳା ନୁହେଁ ତେବେ ଆପଣଙ୍କୁ ପିଙ୍କ୍ ଏବଂ ରେଡ଼୍ କଲର ପରଫେକ୍ଟ ସୁଟ୍ କରିବ। ତେବେ ଗ୍ଲସି ଅପେକ୍ଷା ମ୍ୟାଟ୍ ଲିପ୍ଷ୍ଟିପ୍ ବ୍ୟବହାର କଲେ ଆପଣ ଅଧିକ ସୁନ୍ଦର ଦିଶିବେ।
– ଗହମ ରଙ୍ଗ ବା ହ୍ବେଟିସ୍ କଲର ସ୍କିନ୍ଟୋନ୍କୁ ଲାଇଟ୍ ଏବଂ ଡିପ୍ ଉଭୟ ସେଡ୍ସର ଲିପ୍ଷ୍ଟିକ୍ ମାନିଥାଏ। ତଥାପି ଏହାକୁ ଲଗାଇବା ସମୟରେ ସ୍କିନ୍ ଯେପରି ବ୍ରାଇଟ୍ ଲାଗେ ସେଥିପ୍ରତି ଧ୍ୟାନ ଦେବେ, ନଚେତ୍ ଲିପ୍ଷ୍ଟିକ୍ ପାଇଁ ଓଠ ହାଇଲାଇଟ୍ ହେଉଥିବା ବେଳେ ମୁହଁ ଡଲ୍ ଲାଗିବ।
– ଶ୍ୟାମଳ ରଙ୍ଗ ତ୍ୱଚାକୁ ମେରୁନ୍ ଏବଂ ହାଲ୍କା ବ୍ରାଉନ୍ ସେଡ୍ସ ଲିପ୍ଷ୍ଟିକ୍ ବହୁତ ସୁନ୍ଦର ଲାଗିଥାଏ। ଏହା ମୁହଁକୁ ବ୍ରାଇଟ୍ ଏବଂ ଆଇକ୍ୟାଚି ଲୁକ୍ ଦେବାରେ ସାହାଯ୍ୟ କରିଥାଏ।
– ଗୋରା ସ୍କିନ୍ଟୋନ୍ ପାଇଁ ପ୍ରାୟ ସବୁ ପ୍ରକାର ସେଡ୍ସର ଲିପଷ୍ଟିକ୍ ଭଲ ଲାଗିଥାଏ। ତେଣୁ ଆପଣ ଚାହିଁଲେ ନିଜ ଆଉଟଫିଟ୍କୁ ମ୍ୟାଚ୍ କଲା ଭଳି ଲିପ୍ଷ୍ଟିକ୍ ବାଛି ପାରିବେ। ତଥାପି ଯଦି ବାଛିପାରୁ ନାହାନ୍ତି ତେବେ ବେବି ପିଙ୍କ୍, ନ୍ୟୁଡ଼୍ ପିଙ୍କ, ହାଲକା ଲାଲ କିମ୍ବା ଲାଇଟ୍ ଭାଓଲେଟ୍ କଲରର ଲିପ୍ଷ୍ଟିକ୍ ଲଗାନ୍ତୁ ସୁନ୍ଦର ଲାଗିବେ।
