ବଣାଇଁ/ଟେନସା,୧୧।୪(ପ୍ରଦୀପ ତ୍ରିପାଠୀ/ସମୀର କୁମାର ପାଢ଼ୀ): ସୁନ୍ଦରଗଡ଼ ଜିଲା ଲହୁଣିପଡ଼ା ଥାନା ଅନ୍ତର୍ଗତ ଶସ୍ୟକଳା ଗ୍ରାମରେ ଶୁକ୍ରବାର ସାରେ ଘଟିଥିବା ଏକ ଘଟଣା ଶନିବାର ଲୋକଲୋଚନକୁ ଆସିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡିଛି ।
ଘଟଣା କ୍ରମେ ଶନିବାର ସନ୍ଧ୍ୟାରେ ବରସୁଆଁ ନିକଟସ୍ଥ ଗ୍ରାମର ସରଫିନା ମିଞ୍ଜ (୪୬) ବର୍ଷ ଓ ତାଙ୍କ ସାମୀ ଜୁଲୁ ମିଞ୍ଜ (୪୫) ବର୍ଷଙ୍କ ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା ।ଏଥିରେ ଉତ୍ତ୍ୟକ୍ତ ହୋଇ ଜୁଲୁ ନିଜ ସ୍ତ୍ରୀକୁ ଏକ କାଠ ଫାଳିଆରେ ପ୍ରବଳ ମାଡ ମାରିବାରୁ ସ୍ତ୍ରୀ ସରଫିନା ଗୁରୁତର ହୋଇଥିଲେ । ପରେ ପରିବାର ଲୋକେ ଓ ପାଖ ପଡ଼ୋଶୀ ସରଫିନାଙ୍କୁ ଲହୁଣିପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ ହେଁ ବିଳମ୍ବିତ ରାତିରେ ତାଙ୍କର ମତ୍ୟୁ ଘଟିଥିଲା । ଏ ସମ୍ପର୍କରେ ଖବରପାଇ ଲହୁଣିପଡ଼ା ପୋଲିସ ତଦନ୍ତ ପରେ ଏହି ଘଟଣା ସମ୍ପର୍କରେ ଜାଣିପାରି ଥାନାରେ ଏକ ହତ୍ୟା ମାମାଲା ନମ୍ବର ୧୦୩/୨୬ ରୁଜ୍ଜୁ କରି ପୋଲିସ ସାଇଣ୍ଟିଫିକ ଟିମ୍ ସହାୟତାରେ ତଦନ୍ତ ଜାରି ରଖିଛି। ଅଭିଯୁକ୍ତ ପତ୍ନୀହନ୍ତା ଜୁଲୁକୁ ଅଟକ ରଖି ଅଧିକ ପଚରା ଉଚରା ଚଳାଇଥିବା ବେଳେ ରବିବାର କୋର୍ଟଚାଲାଣ କରିବ ବୋଲି ସୂଚନା ଦେଇଛିି। ଅପରପକ୍ଷରେ ମୃତା ମହିଳାଙ୍କ ତିନୋଟି ସନ୍ତାନ ଥିବା ଓ ତାଙ୍କ ବୟସ ଯଥାକ୍ରମେ ୨୩/୧୯ /୧୨ ବର୍ଷ ଥିବା ଜଣାପଡ଼ିଛି ।
