ବର୍ତ୍ତମାନ ଯେକୌଣସି ପାର୍ଟି, ଫଙ୍କଶନ୍ ହେଉ ଅବା ପର୍ବପର୍ବାଣିରେ ଲେହେଙ୍ଗା ପାଲଟିଛି ଲାଟେଷ୍ଟ ଫ୍ୟାଶନ୍। ଯଦି ଆପଣ ବି ଏହାକୁ ବ୍ୟବହାର କରିବାକୁ ଚାହାନ୍ତି ତେବେ ନିଜ ବଡି ଶେପ୍ ଅନୁଯାୟୀ କେଉଁ ଭଳି ଲେହେଙ୍ଗା ବାଛିିଲେ ଆକର୍ଷଣୀୟ ଲୁକ୍ ପାଇପାରିବେ ଜାଣିରଖନ୍ତୁ ଟିପ୍ସ…
ମର୍ମେଡ୍ ବା ଫିସ୍ଟେଲ୍ ଲେହେଙ୍ଗା: ଅନ୍ୟ ଲେହେଙ୍ଗା ଡିଜାଇନ୍ଗୁଡିକ ତୁଳନାରେ ଏହାର ଡିଜାଇନ୍ ବେଶ୍ ଆକର୍ଷଣୀୟ। ଏହା ଅଣ୍ଟାରୁ ଆଣ୍ଠୁ ପର୍ଯ୍ୟନ୍ତ ଟାଇଟ୍ ହୋଇ ପାଦ ଆଡକୁ ମାଛ ଲାଞ୍ଜ ଭଳି ଅଧିକ ଘେର ହୋଇ ରହିଥାଏ; ଯାହା କି କାହାଣୀରେ ବର୍ଣ୍ଣିତ ଜଳପରୀ ବା ମତ୍ସକନ୍ୟା ପରି ଲୁକ୍ ଦେଉଥିବାରୁ ଅନେକେ ଏହାକୁ ଖୁବ୍ ପସନ୍ଦ କରିଥାନ୍ତି। ଯଦି ଆପଣଙ୍କ ଫିଗର ଆଓ୍ବାରଗ୍ଲାସ୍ କିମ୍ବା ରେକ୍ଟାଙ୍ଗୁଲାର ତେବେ ଏଭଳି ଲେହେଙ୍ଗା ଆପଣଙ୍କୁ ଖୁବ୍ ସୁନ୍ଦର ମାନିବ।
ଫ୍ଲେୟାର୍ ଲେହେଙ୍ଗା: ଏହି ଲେହେଙ୍ଗାରେ ସାଧାରଣତଃ ଅଧିକ କୁଞ୍ଚ ଥିବାରୁ ଘେର ଖୁବ୍ ଭାରି ହୋଇଥାଏ। ଏହା ଦେଖିବାକୁ ବହୁତ ସୁନ୍ଦର ଲାଗିଥାଏ। ଆପଣଙ୍କ ଫିଗର ପିଅର୍, ଷ୍ଟ୍ରେଟ୍, ଆଓ୍ବାରଗ୍ଲାସ୍, ଆପ୍ଲ ଏବଂ ଭି ଭଳି ଶେପ୍ ହୋଇଥିଲେ ଏଭଳି ଲେହେଙ୍ଗାରେ ଆଟ୍ରାକ୍ଟିଭ ଲୁକ୍ପାଇପାରିବେ।
ଜ୍ୟାକେଟ୍ ଓ୍ବିଥ୍ ଲେହେଙ୍ଗା: ଏହା ବର୍ତ୍ତମାନ ଲାଟେଷ୍ଟ ଫ୍ୟାଶନ୍ ପାଲଟିଛି। ଏଭଳି ଲେହେଙ୍ଗାରେ ଚୋଲି ଉପରେ ଏକ କଣ୍ଟ୍ରାଷ୍ଟ କଲରର ଲଙ୍ଗ ଜ୍ୟାକେଟ୍ ରହୁଛି। ବିଶେଷ କରି ସାଇନିଂ ମ୍ୟାଟେରିଆଲ ଉପରେ ହେଭି ଓ୍ବାର୍କ ଥିବା ଜ୍ୟାକେଟ୍ର ଡିମାଣ୍ଡ ବେଶି। ଯଦି ଆପଣଙ୍କ ବଡି ଶେପ୍ ଆଓ୍ବାରଗ୍ଲାସ୍, ଆପ୍ଲ, ଇନ୍ଭର୍ଟେଡ ଟ୍ରାଇଏଙ୍ଗୁଲାର୍ କିମ୍ବା ଅଧିକ ଲମ୍ବା ତେବେ ଏଭଳି ଲେହେଙ୍ଗା ଆପଣଙ୍କୁ ଟ୍ରେଣ୍ଡି ଲୁକ୍ ଦେବ।
ପ୍ୟାନେଲ୍ଡ ଲେହେଙ୍ଗା: ଏଭଳି ଲେହେଙ୍ଗାରେ କେବେ କେବେ ଦୁଇ, ତିନି କିମ୍ବା ଅଧିକ ଲେୟାର କପଡା ଡିଜାଇନ୍ କରାଯାଇଥାଏ। ଏହାର ବେଶ୍ ଆକର୍ଷଣୀୟ ଡିଜାଇନ୍ ଆଓ୍ବାର୍ଗ୍ଲାସ, ପେଟିଟ୍ ଏବଂ ପିଅର୍ ବଡି ଶେପ୍କୁ ଭଲ ଲାଗିଥାଏ। ତେଣୁ ଆପଣଙ୍କ ବଡି ଶେପ୍ ଏପରି ହୋଇଥିଲେ ଏହି ଲେହେଙ୍ଗା ବେଷ୍ଟ ଅପ୍ସନ।
ଟ୍ରେଲ୍ ଲେହେଙ୍ଗା: ଯଦି ଆପଣଙ୍କ ଫିଗର ମୋଟା ବୋଲି କେଉଁ ଲେହେଙ୍ଗା ବାଛିବେ ଦ୍ୱନ୍ଦ୍ୱରେ ପଡ଼ୁଛନ୍ତି ତେବେ ଟ୍ରେଲ୍ ଲେହେଙ୍ଗା ଆପଣଙ୍କୁ ପର୍ଫେକ୍ଟ ଲୁକ୍ ଦେବା ଲାଗି ସବୁଠୁ ଭଲ ଅପ୍ସନ। ଏଥିରେ ଟ୍ରେଲ୍ ପାଇଁ ସାଧାରଣ ଲେହେଙ୍ଗାରେ ଆବଶ୍ୟକ ହେଉଥିବା କପଡାଠାରୁ ଅଧିକ କପଡା ବ୍ୟବହାର କରାଯାଇଥାଏ।
