ସୁନ୍ଦରଗଡ,୧।୨ (ଜୟ ନାରାୟଣ ମେଣ୍ଡୁଳି): ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୬ ବଜେଟ ଉପସ୍ଥାପନ କରିଛନ୍ତି । ଏହାପରେ ସାଧାରଣ ଲୋକଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ଆଇନଜୀବୀ ଅଶୋକ କୁମାର ଦାଶ କହିଛନ୍ତି, କେନ୍ଦ୍ର ଅର୍ଥମନ୍ତ୍ରୀ ଚିରାଚରିତ ଢଙ୍ଗରେ ଭାରତର କର୍ପୋରେଟ ପୁଞ୍ଜିକୁ ସୁହାଇଲା ଭଳି ବଜେଟ ପ୍ରସ୍ତୁତ କରିଛନ୍ତି ।
କୃଷକମାନଙ୍କ ପାଇଁ ଯେଉଁ ଆଧାରରେ ସର୍ବନିମ୍ନ ମୂଲ୍ୟ ତାହା ପାଳନ ପାଇଁ ଆଇନଗତ ପ୍ରଣିଧାନ ପୂରଣ ହେଲା ନାହିଁ । କାମ କରୁଥିବା ଅଙ୍ଗନବାଡି, ଆଶା, ପାଚିକାଙ୍କ ଭଳି ଜନଜୀବନକୁ ପ୍ରଭାବିତ କରୁଥିବା ଅଣସଂଗଠିତକର୍ମୀମାନଙ୍କ ପାଇଁ ବଜେଟରେ କୌଣସି ପ୍ରାବଧାନ ନାହିଁ । ଛୋଟ ଛୋଟ ଶିଳ୍ପମାନଙ୍କ ପାଇଁ ରିହାତି ଦିଆଯାଇନାହିଁ । ବେକାରୀ ସମସ୍ୟା ସମାଧାନ ପାଇଁ ନିର୍ଦ୍ଦିଷ୍ଟ କୌଣସି ପ୍ରସ୍ତାବ ନାହିଁ । ଅନ୍ୟପକ୍ଷରେ ବଡ ବଡ ଶିଳ୍ପ ପ୍ରତିଷ୍ଠାନକୁ ଟ୍ୟାକ୍ସ ରିହାତି କରି ପୁଞ୍ଜିପତିଙ୍କୁ ସନ୍ତୁଷ୍ଟ କରାଯାଇଛି । ବିଦେଶୀ ପୁଞ୍ଜିକୁ ଆକୃଷ୍ଟ କରିବା ପାଇଁ ଟିକସ ଛାଡ କରାଯାଇଛି ବୋଲି ସେ ମତ ଦେଇଛନ୍ତି ।
