ମୁମ୍ବାଇ,୨୦।୪: ଖ୍ୟାତନାମା ଗାୟୀକା ଆଶା ଭୋସଲେଙ୍କୁ ଲତା ଦୀନାନାଥ ମଞ୍ଜେସ୍କର ପୁରସ୍କାରରେ ସମ୍ମାନିତ କରାଯିବ। ଏ ନେଇ ମଙ୍ଗଳବାର ମଞ୍ଜେସ୍କର ପରିବାର ପକ୍ଷରୁ ସୂଚନା ଦିଆଯାଇଛି। ଲତା ମଞ୍ଜେସ୍କରଙ୍କ ଉଦ୍ଦେଶ୍ୟରେ ପରିବାର ଓ ଟ୍ରଷ୍ଟ ପକ୍ଷରୁ ଏହି ପୁରସ୍କାର ପାଇଁ ଆଶାଙ୍କୁ ଚୟନ କରାଯାଇଛି। ତେବେ ଆସନ୍ତା ୨୪ରେ ଲତାଙ୍କ ବାପା ତଥା ଥିଏଟର-ମ୍ୟୁଜିକ୍ ଭେଟେରାନ୍ ଦୀନାନାଥ ମଞ୍ଜେସ୍କରଙ୍କ ସ୍ମାରକୀ ଦିବସ ଅବସରରେ ଆଶାଙ୍କୁ ପୁରସ୍କୃତ କରାଯିବ। ପ୍ରତିବର୍ଷ ଦେଶ ଉଦ୍ଦେଶ୍ୟରେ ଉତ୍କୃଷ୍ଟ କାର୍ଯ୍ୟ କରିଥିବା ବ୍ୟକ୍ତିଙ୍କୁ ଏହି ପୁରସ୍କାର ପ୍ରଦାନ କରାଯାଏ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହେଉଛନ୍ତି ପ୍ରଥମ ବ୍ୟକ୍ତି, ଯେ ପ୍ରଥମ କରି ଏହି ପୁରସ୍କାର ଗ୍ରହଣ କରିଥିଲେ। ତେବେ ଗତବର୍ଷ ଫେବୃୟାରୀ ୬ରେ ସ୍ବର ସାମ୍ରାଜ୍ଞୀ ଲଜା ମଞ୍ଜେସ୍କରଙ୍କ ପରଲୋକ ଘଟିଥିଲା।
