ଚମ୍ପୁଆ,୨୮।୧(ଡି.ଏନ.ଏ) ଉପଯୁକ୍ତ ମାସ ଦିଆ ନ ଯିବାରୁ ଧାନ କିଣା ସମୟରେ ହଇରାଣ ହେଉଥିବା ଅଭିଯୋଗରେ ଚମ୍ପୁଆ ଲ୍ୟାମ୍ପସର ସମସ୍ତ କର୍ମଚାରୀ ଧାନକିଣା ବନ୍ଦ କରିଛନ୍ତି। ଏ ନେଇ ସହକାରୀ ନିବନ୍ଧକ ସମବାୟସମିତି ସମୁହ, ପ୍ରଶାସକ, ଚମ୍ପୁଆ ଲ୍ୟାମ୍ପ ସମେତ ସହକାରୀ ବେସାମରିକ ଯୋଗାଣ ଅଧିକାରୀଙ୍କୁ ଲିଖିତ ଅଭିଯୋଗ କରିଛନ୍ତି।
ଅନୁଯାୟୀ, ଧାନକ୍ରୟ ପାଇଁ ଦିଆଯାଉଥିବା ଟୋକନ ଅନୁପାତରେ ଟାର୍ଗଟେ ଦିଆଯାଉ ନ ଥିବା, ଟୋକନ ପାଇଥିବା ତଥା ଟୋକନ ତାରିଖରେ ଚାଷୀମାନେ ଧାନକିଣା କେନ୍ଦ୍ରକୁ ଧାନଆଣି ହୀନସ୍ତା ହେଉଥିବା ସହିତ ଧାନ ରଖିବା ପାଇଁ ଆବଶ୍ୟକ ସ୍ଥାନର ଅଭାବ ଦେଖାଦେଉଛି। ଏପରିକି ୫୩ ଚାଷୀଙ୍କ ଧାନକିଣା ବାବଦକୁ ୩୦୦୦ କୁଇଣ୍ଟାଲର ଟୋକନ ଅବଧି ରହିଥିବା ବେଳେ ୧୦୦୦ କୁଇଣ୍ଟାଲ ଟାର୍ଗେଟ ଦିଆଯାଉଛି। ଗତ ୨୫ ତାରିଖରେ ୭୩ ଜଣ ଟୋକନଧାରୀଙ୍କୁ ୨୯୪୩ କୁଇଣ୍ଟାଲ ଧାନ କ୍ରୟ ପାଇଁ ଟୋକନ ଦିଆଯାଇଥିବା ବେଳେ ମାତ୍ର ୯୦୦ କୁଇଣ୍ଟାଲ ପାଇଁ ଟାର୍ଗଟ ଆସିଥିଲା। ଫଳରେ ଧାନକ୍ରୟ କେନ୍ଦ୍ର ଗୁଡିକରେ ଚାଷୀ ଓ ଲ୍ୟାମ୍ପ କର୍ମଚାରୀଙ୍କ ମଧ୍ୟରେ ମୁହଁାମୁହଁି ପରିସ୍ଥିତି ଦେଖିବାକୁ ମିଳିଥିବା ବେଳେ ଧାନ ନ କିଣିଲେ ଛାଡିବୁ ନହଁି ବୋଲି ଚାଷୀ ଅଡି ବସିବାରୁ ବାଧ୍ୟହୋଇ ରାତିପର୍ଯ୍ୟନ୍ତ ଧାନ କିଣିବାକୁ ପଡିଥିଲା। ଫଳରେ ୨୭ ତାରିଖ ଗୁରୁବାର ଠାରୁ ଧାନ କିଣା ବନ୍ଦ ରଖାଯାଇଛି ବୋଲି ବ୍ରାଞ୍ଚ ମ୍ୟାନେଜର ଯୋଗେନ୍ଦ୍ର ପ୍ରଧାନ ସୂଚନା ଦେଇଛନ୍ତି।
