କୁମ୍ଭକର୍ଣ୍ଣ ନିଦ୍ରାରେ କେନ୍ଦ୍ର

ବଇଣ୍ଡା,୨୬ା୬ କରୋନାକୁ ନେଇ ସବୁଠି ହାହାକାର। କିଏ ଜୀବନ ତ କିଏ ଜୀବିକା ବଞ୍ଚାଇବାକୁ କରୁଛନ୍ତି ସଂଘର୍ଷ। ଭୋକ, ରୋଗ ଓ ଶୋକକୁ ନେଇ ବଢ଼ିଚାଲିଛି ଲୋକଙ୍କ ଦୁଃଖ। ଏପରି ଅବସ୍ଥାରେ ସରକାର ଦୁର୍ବଳଙ୍କ ବଳ ସାଜିବା କଥା। ଜନତାଙ୍କ ପରିବାର ଉପରୁ ପ୍ରତିପୋଷଣ ଚାପ ହ୍ରାସ କରିବା କଥା। ହେଲେ କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ସୁବିଧାବାଦୀ କେନ୍ଦ୍ର ସରକାରଙ୍କ କାନରେ ବାଜୁନି କାହାରି ଚିତ୍କାର। ସେଥିପାଇଁ ବୋଝ ଉପରେ ନଳିତା ବିଡ଼ା ପରି ପେଟ୍ରୋଲ ଓ ଡିଜେଲ ଦରରେ ନିଅଁା ଲାଗିଥିଲେ ମଧ୍ୟ ଏହାର ନିୟନ୍ତ୍ରଣ ଦିଗରେ ନିଆଯାଉନି ପଦକ୍ଷେପ। ଫଳରେ ମହାମାରୀ ସମୟରେ ଅତ୍ୟାବଶ୍ୟକ ସାମଗ୍ରୀର ଆକାଶଛୁଅଁା ଦର ବୃଦ୍ଧି ସ୍ଥିତିକୁ ସଙ୍ଗିନ କରିଚାଲିଛି। କିଛିଦିନ ଧରି ତେଲ ମୂଲ୍ୟ ବୃଦ୍ଧି ପାଉଥିବାରୁ ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଯାଇଛି। ଏଠାରେ ଡିଜେଲ ଦର ୯୯ ଟଙ୍କା ଛୁଇଁବାକୁ ଯାଉଛି। ଏହାକୁ ନେଇ ଉପଖଣ୍ଡବାସୀଙ୍କ ମଧ୍ୟରେ ଅସନ୍ତୋଷ ତୀବ୍ର ହେବାରେ ଲାଗିଛି।
ଆଠମଲ୍ଲିକ ଉପଖଣ୍ଡରେ ରହିଛି ୭ଟି ପେଟ୍ରୋଲ ପମ୍ପ। ସେଥିରୁ କିଶୋରନଗର ବ୍ଲକ ଗୁଣ୍ଡୁରୀମୁଣ୍ଡାସ୍ଥିତ ଫିଲିଂ ଷ୍ଟେଶନରେ ଗୁରୁବାର ପେଟ୍ରୋଲ ଲିଟର ପିଛା ୧୦୦ ଟଙ୍କା ୨୦ ପଇସା ଥିବାବେଳେ ଡିଜେଲ ଲିଟର ଦର ୯୭ ଟଙ୍କା ୯୪ ପଇସା ହୋଇଛି। ସେହିପରି ଜାମୁନାଳୀଠାରେ ଥିବା ତେଲ ଟାଙ୍କିରେ ପେଟ୍ରୋଲ ୯୯.୯୬ ଓ ଡିଜେଲ ଲିଟର ପିଛା ୯୭.୯୪ ଟଙ୍କା, ଗୁରୁଜାଙ୍ଗ ପେଟ୍ରୋଲ ପମ୍ପରେ ପେଟ୍ରୋଲ ୧୦୦.୦୪ ଓ ଡିଜେଲ ୯୭.୬୮ ଟଙ୍କା ରହିଛି। ଆଠମଲିକ ବ୍ଲକ ସାନହୁଲା ଫିଲିଂ ଷ୍ଟେଶନରେ ପେଟ୍ରୋଲ ୧୦୦.୨୩ ଓ ଡିଜେଲ ୯୭.୮୭ ଟଙ୍କା, ଆନନ୍ଦପୁର ତେଲଟାଙ୍କିରେ ପେଟ୍ରୋଲ ୧୦୦.୩୦ ଓ ଡିଜେଲ ୯୭.୯୩ ଟଙ୍କା, କଇଁତ୍ରାଗଡ ତେଲଟାଙ୍କିରେ ପେଟ୍ରୋଲ ୧୦୦.୫୮ ଓ ଡିଜେଲ ୯୮.୨୦ ଟଙ୍କା ଏବଂ ହରିଡାନାଳି ମୌଜା ପେଟ୍ରୋଲ ପମ୍ପରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ୫୧ ପଇସା ଓ ଡିଜେଲ ଲିଟର ମୂଲ୍ୟ ୯୮ ଟଙ୍କା ୧୪ ପଇସା ରହିଛି। କରୋନା କାରଣରୁ ଲୋକଙ୍କ ରୋଜଗାର ତଳମୁହଁା ହୋଇଥିବାବେଳେ ତୈଳ ସହ ଅତ୍ୟାବଶ୍ୟକ ସାମଗ୍ରୀ ମୂଲ୍ୟ ଊର୍ଦ୍ଧ୍ୱମୁଖୀ ହେବା ଉପଖଣ୍ଡବାସୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି।
ତେଲ ବଢ଼ୁଛି, ଭଡ଼ା ବଢ଼ାଯାଉନି
ଉପଖଣ୍ଡରେ ଶତାଧିକ ଟ୍ରକ୍‌ ଅଛି। କିନ୍ତୁ ଡିଜେଲ ଦରରେ ଘନ ଘନ ବୃଦ୍ଧି ଯୋଗୁ ମାଲିକମାନେ ଗାଡ଼ି ଘରୁ ବାହାର କରିବାକୁ ଡରିଲେଣି। ବର୍ଷେ ତଳେ ଡିଜେଲ ଦର ଲିଟର ପିଛା ୭୯ ଟଙ୍କା ଥିଲା। ସେହି ସମୟରେ ସରକାର ଭଡ଼ା ବୃଦ୍ଧି କରିଥିଲେ। ଇତିମଧ୍ୟରେ ତେଲ ଲିଟର ପ୍ରତି ୧୯ ଟଙ୍କା ବଢ଼ିଥିଲେ ବି ଭଡା ବଢ଼ାଯାଉ ନାହଁି।
-ଜ୍ଞାନଜିତ ପଟ୍ଟନାୟକ, ସଭାପତି, ପଞ୍ଚଧାରା ଟ୍ରକ୍‌ ମାଲିକ ସଂଘ
ଟ୍ରକ୍‌ ବ୍ୟବସାୟ କଷ୍ଟକର ହେଲାଣି
ଡିଜେଲ ଦର ୧୦୦ ଟଙ୍କା ପାଖାପାଖି ହେଲାଣି। ସେହି ଅନୁଯାୟୀ ଭଡ଼ା ନେଲେ ଲୋକେ ବିରୋଧ କରୁଛନ୍ତି। କରୋନା ସମୟରେ ଏହା ଜୁଲମ ବୋଲି କହୁଛନ୍ତି। ଏପରି ସ୍ଥିତିରେ ଟ୍ରକ୍‌ ବ୍ୟବସାୟ କରିବା କଷ୍ଟକର ହୋଇପଡ଼ିଲାଣି। ସରକାର ଶୀଘ୍ର ତେଲଦର କମାଇବା ଜରୁରୀ ହୋଇପଡ଼ିଛି।
-ଅରବିନ୍ଦ ସାହୁ, ଟିପ୍ପର ମାଲିକ
ବାଧୁଛି ଆକାଶଛୁଅଁା ଦର
ବଢ଼ୁଥିବା ତୈଳ ମୂଲ୍ୟ ଯୋଗୁ ସମସ୍ତ ସାମଗ୍ରୀ ଦର ଆକାଶଛୁଅଁା ହେଲାଣି। ଖାଇବା ତେଲଠାରୁ ଆରମ୍ଭ କରି ଲୁଣ ଯାଏ ସବୁକିଛି ବଢ଼ି ବଢ଼ି ଚାଲିଛି। ଏପରି ଅବସ୍ଥାରେ ପରିବାର ପ୍ରତିପୋଷଣ କରିବା ବ୍ୟୟବହୁଳ ହୋଇଯାଇଛି। ବିରୋଧର ସ୍ବର ଉଠୁଥିଲେ ବି ଏହାକୁ ଗୁରୁତ୍ୱ ଦିଆଯାଉ ନାହିଁ।
-ଜିତେନ୍ଦ୍ର କୁମାର ସାହୁ, ତୁରୁଡା
ଶହେ ଜାଗାରେ ୨ଶହ ଖର୍ଚ୍ଚ
କରୋନା କାରଣରୁ ରୋଜଗାର ହ୍ରାସ ପାଇଛି। ସେହି ଅନୁଯାୟୀ ଘର ଖର୍ଚ୍ଚ ମଧ୍ୟ କମାଇବାକୁ ପଡ଼ୁଛି। ହେଲେ ଗାଡ଼ିରେ ତେଲ ବାବଦରେ ଅଧିକ ଅର୍ଥ ଦେବାକୁ ପଡ଼ୁଛି। ଯେଉଁ କାର୍ଯ୍ୟ ପାଇଁ ୧୦୦ ଟଙ୍କା ଖର୍ଚ୍ଚ କରିବାକୁ ପଡ଼ୁଥିଲା, ସେଥିପାଇଁ ଏବେ ୨ଶହ ଟଙ୍କା ଦେବାକୁ ପଡ଼ୁଛି।
-ବବୁଲ ବିଶ୍ବାଳ, ମାଧପୁର
ଖାଉଟି, ବ୍ୟବସାୟୀଙ୍କ ପେଟକୁ ନାତ
ତେଲ ଦର ବଢ଼ାଇ କେନ୍ଦ୍ର ସରକାର ଖାଉଟି ଓ ବ୍ୟବସାୟୀଙ୍କ ପେଟକୁ ନାତ ମାରିଛନ୍ତି। ପୂର୍ବ ତୁଳନାରେ ବର୍ତ୍ତମାନ ବିଭିନ୍ନ ସାମଗ୍ରୀ ଦର ୪୦ ପ୍ରତିଶତ ବଢ଼ିଯାଇଛି। ତେଣୁ ଖାଉଟିମାନେ ବଜାର ସଉଦା କମାଇ ଦେଇଛନ୍ତି। ଲକ୍‌ଡାଉନ୍‌, ଶଟ୍‌ଡାଉନ୍‌ ଯୋଗୁ ବେପାର ବାଧାପ୍ରାପ୍ତ ହୋଇଥିବାବେଳେ ସରକାର କିନ୍ତୁ ଚାରିଆଡ଼ୁ ଟିକସ ଭିଡ଼ି ଚାଲିଛନ୍ତି।
-ସତ୍ୟନାରାୟଣ ପଟ୍ଟନାୟକ, ବ୍ୟବସାୟୀ, ବଇଣ୍ଡା


Enter your email to get our daily news in your inbox.

All Right Reserved By Dharitri.Com

ଘୋଷଣା ହେଲା ବିଜେଡିର ତୃତୀୟ ପ୍ରାର୍ଥୀ ତାଲିକା! ଏହି ପ୍ରାର୍ଥୀଙ୍କ ନାଁରେ ଲାଗିଲା ମୋହର…

ଭୁବନେଶ୍ୱର,୨୯।୩: ମୁଣ୍ଡ ଉପରେ ନିର୍ବାଚନ। ନିର୍ବାଚନ ଯେତେ ପାଖେଇ ଆସୁଛି ନବୀନ ନିବାସରେ ଭିଡ ସେତିକି ଜମୁଛି। ତେବେ ଆସନ୍ତା ବିଧାନସଭା ନିର୍ବାଚନ ପାଇଁ ହୋଲିରେ...

ଅନସୂୟାଙ୍କ ପ୍ରାର୍ଥତ୍ତ୍ୱକୁ ବିରୋଧ: ପରିବର୍ତ୍ତନ ନ ହେଲେ ଅନ୍ୟ ପନ୍ଥା

ରାୟଗଡ଼ା,୨୯।୩(ଆଶିଷ ରଞ୍ଜନ ପଣ୍ଡା)- ରାୟଗଡ଼ା ବିଧାନସଭା ଆସନ ପ୍ରାର୍ଥତ୍ନୀ ଅନସୂୟା ମାଝିଙ୍କ ପ୍ରାର୍ଥତ୍ତ୍ୱକୁ ବିରୋଧ ତେଜିବାରେ ଲାଗିଛି। ଶୁକ୍ରବାର ବିଜେଡି ରାଜ୍ୟ ଉପସଭାପତି ଏନ୍‌.ଭାସ୍କର ରାଓଙ୍କ...

ତାତି ଛୁଇଁଲା ୪୦

ଭୁବନେଶ୍ୱର,୨୯।୩: ଚଳିତବର୍ଷ ପ୍ରଥମ ଥର ପାଇଁ ରାଜ୍ୟରେ ୪୦ ଡ଼ିଗ୍ରୀ ଛୁଇଁଲା ତାତି। ଟିଟଲାଗଡ, ବଲାଙ୍ଗିର, ବୌଦ୍ଧ, ଭବାନୀପାଟଣା ଓ ନୟାଗଡରେ ତାପମାତ୍ରା ୪୦ ଡ଼ିଗ୍ରୀ...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri