କ୍ୱିଭ,୨ ।୫: ରୁଷିଆ-ୟୁକ୍ରେନ ଯୁଦ୍ଧକୁ ମାସେ ପୁରଣ ହୋଇ ସାରିଲାଣି । ରୁଷିଆର ଆକ୍ରମଣକୁ ସାମ୍ନା କରୁଥିବା ୟୁକ୍ରେନ୍ ସେନା ବେଳକୁ ବେଳ ଏହାର କଡା ଜବାବ ଦେଇ ଚାଲିଛି । ଏବେ ୟୁକ୍ରେନ୍ ସେନା ଦାବି କରିଛି ଯେ ଦେଶର ପୂର୍ବ ଭାଗରେ ରୁଷିଆ ସେନାଙ୍କ ଆକ୍ରମଣର କଡା ବିରୋଧ କରାଯାଉଛି । ଏହାଦ୍ୱାରା ବହୁ ଧନ ଜୀବନ କ୍ଷୟକ୍ଷତି ହେଉଥିବା ସେନା କହିଛି । ୟୁକ୍ରେନ ସୁରକ୍ଷାବଳର ଜେନେରାଲ ଷ୍ଟାଫ ରବିବାର ଏକ ଫେସବୁକ ପୋଷ୍ଟରେ କହିଛନ୍ତି, ରୁଷିଆ ସେନା ସ୍ଲୋବୋଦା, ଦୋନେତ୍ସକ ଓ ତୌରିଦ ଅଞ୍ଚଳରେ ଆଗକୁ ବଢିବାକୁ ଚେଷ୍ଟା କରୁଛନ୍ତି, ହେଲେ ୟୁକ୍ରେନ୍ ସେନା ସେମାନଙ୍କୁ ଅଟକାଉଛନ୍ତି ।
ସୂଚନାଯୋଗ୍ୟ, ଗତ ଏକ ମାସ ମଧ୍ୟରେ ରୁଷିଆ ସେନା ୟୁକ୍ରେନର କିଛି ଅଞ୍ଚଳ ନିଜ କବଜାକୁ ନେଇଥିବା ଦାବି କରୁଥିବା ବେଳେ ୟୁକ୍ରେନ ସେନା କିନ୍ତୁ ଏହି ଆକ୍ରମଣର ସାମ୍ନା କରି ଚାଲିଛି ।
