ନୂଆଦିଲ୍ଲୀ,୨୪।୩: ଭାରତୀୟ ଦଳ ପାଖରେ ଭରପୂର ବିକଳ୍ପ ରହିଛି। ଶୀର୍ଷ କ୍ରମରେ ଖେଳିବା ପାଇଁ ଏକରୁ ବଳି ଏକ ପ୍ରତିଭାବାନ କ୍ରିକେଟର ଅଛନ୍ତି। କିଛି ବାହାରେ ନିଜ ପାଳିର ଅପେକ୍ଷାରେ ଥିବା ବେଳେ କିଛି ବେଞ୍ଚରେ ବସି ଏକାଦଶରେ ସାମିଲ ହେବାକୁ ଚେଷ୍ଟା କରୁଛନ୍ତି। ଏହି କାରଣରୁ ଗତ କିଛି ଦିନରେ ଅନେକ ଖେଳାଳି ନିଜର ଡେବ୍ୟୁରେ ଦମ୍ଦାର ପ୍ରଦର୍ଶନ କରିଛନ୍ତି। କେହି ବି ଏହି ସୁଯୋଗ ଛାଡ଼ିବାକୁ ଚାହୁଁନାହାନ୍ତି। ଏହାକୁ ଦେଖି ଅଧିନାୟକ ବିରାଟ କୋହଲି ବଡ଼ ବୟାନ ଦେଇଛନ୍ତି। ସେ ଦଳର ସବୁଠାରୁ ବଡ ଶକ୍ତି ବିଷୟରେ ଉଲ୍ଲେଖ କରି କହିଛନ୍ତି, ଦଳ ଖୁବ୍ ଭଲ ପ୍ରଦର୍ଶନ କରୁଛି। ପୂର୍ବରୁ କହିଛୁ ଆମେ ସେହି ଖେଳାଳିଙ୍କୁ ସୁଯୋଗ ଦେଉଛୁ ଯିଏ ନିଜର କ୍ଷମତା ଦର୍ଶାଇପାରିବେ। ଶିଖର ଧଓ୍ବନ, କେଏଲ୍ ରାହୁଲ ବେଶ ଭଲ ଖେଳିଥିଲେ। ପ୍ରତି ମ୍ୟାଚ୍ରେ ଆମ ପାଖରେ ୨ରୁ ୩ଜଣ ଖେଳାଳିଙ୍କ ଉପଲବ୍ଧ ରହୁଛନ୍ତି। ଭାରତୀୟ କ୍ରିକେଟ ଟିମ୍ ପାଇଁ ଏହା ଭଲ ସଙ୍କେତ। ଏଥିପାଇଁ ସେ ଶାନ୍ତିରେ ଅଛନ୍ତି ବୋଲି କୋହଲି କହିଛନ୍ତି।
