ଅହମଦାବାଦ,୧୭।୩: ଭାରତୀୟ ଅଧିନାୟକ ବିରାଟ କୋହଲି ଟି-୨୦ରେ ଆଉ ଏକ ରେକର୍ଡ ନେଇଛନ୍ତି। ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ତୃତୀୟ ଟି-୨୦ରେ କୋହଲି ଅପରାଜିତ ୭୭ ରନ କରିଥିଲେ। ଏହା ସହିତ ସେ ଅଧିନାୟକ ଭାବରେ ସର୍ବାଧିକ ୧୧ ଥର ୫୦ରୁ ଅଧିକ ସ୍କୋର କରିଛନ୍ତି। ବିରାଟ କୋହଲି ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ ଯିଏକି ଟି -୨୦ରେ ୩ ହଜାରରୁ ଅଧିକ ରନ ସ୍କୋର କରିଛନ୍ତି। ଶେଷ ମ୍ୟାଚ୍ରେ ମଧ୍ୟ ସେ ୭୩ ସ୍କୋର କରି ଅପରାଜିତ ରହି ଦଳକୁ ଜିତାଇଥିଲେ। କୋହଲି ତାଙ୍କ ଟି-୨୦ କ୍ୟାରିୟରରେ ୩୦୭୮ ରନ କରିଛନ୍ତି। ସେ ୨୭ ଥର ୫୦ରୁ ଅଧିକ ସ୍କୋର କରିଛନ୍ତି। ଏହି କୀର୍ତ୍ତିମାନ କରିବା ପାଇଁ ସେ ହେଉଛନ୍ତି ଏକମାତ୍ର ଖେଳାଳି। ତେବେ କୋହଲି ଏପର୍ଯ୍ୟନ୍ତ ଅନ୍ତର୍ଜାତୀୟ ଟି -୨୦ ଗୋଟିଏ ଶତକ ହାସଲ କରିବାରେ ସକ୍ଷମ ହୋଇନାହାଁନ୍ତି। ୫୦ ରୁ ଅଧିକ ସ୍କୋର କରିଥିବା ଅଧିନାୟକଙ୍କ ବିଷୟରେ କହିବାକୁ ଗଲେ କୋହଲି ନ୍ୟୁଜିଲ୍ୟାଣ୍ଡର ଅଧିନାୟକ କେନ ୱିଲିୟମସନଙ୍କ ସହ ସମାନ ହୋଇଛନ୍ତି। ୱିଲିୟମ୍ସନ ମଧ୍ୟ ୧୧ଥର ଏହି କୀର୍ତ୍ତିମାନ କରିଛନ୍ତି। ଅଷ୍ଟ୍ରେଲିଆ ଆରୋନ ଫିଞ୍ଚ ୧୦ଥର ଏହା କରିଥିବାବେଳେ ଇଂଲଣ୍ଡର ଇୟନ ମୋର୍ଗାନ ୯ ଥର ଏହା କରିଛନ୍ତି। ରୋହିତ ଶର୍ମା ୭ ଥର ଅଧିନାୟକ ଭାବରେ ୫୦ ପ୍ଲସ ସ୍କୋର କରିବାରେ ସଫଳ ହୋଇଛନ୍ତି।
