ଲାଞ୍ଜିଗଡ଼,୨୧।୫(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଞ୍ଜିଗଡ଼ ନିୟମଗିରି ବେଦାନ୍ତନଗର ଖେଳପଡିଆରେ ଗୋଲଡେନ ସ୍ପୋଟର୍ସ କ୍ଳବ ଏବଂ ଲାଞ୍ଜିଗଡ଼ ବେଦାନ୍ତ ଲିମିଟେଡ଼ ମିଳିତ ଆନୁକୂଲ୍ୟରେ ୧୧ତମ ଅନ୍ତଃଜିଲା ନକ୍ଆଉଟ କ୍ରିକେଟ୍ ପ୍ରତିଯୋଗିତା ଗୁରୁବାର ଉଦ୍ଯାପିତ ହୋଇଯାଇଛି।
ଉଦ୍ଯାପନୀ ମ୍ୟାଚ୍ ଆର୍ବିକେ କଲୋନୀ ଏବଂ ଚଣାଲିମା ଦଳ ମଧ୍ୟରେ ହୋଇଥିଲା। ଆରବିକେ ଦଳ ପ୍ରଥମେ ବ୍ୟାଟିଂ କରି ୧୫ ଓଭରରେ ସମସ୍ତ ଉଇକେଟ ହରାଇ ୧୪୧ ରନ୍ କରିଥିଲା। ଜବାବରେ ଚଣାଲିମା ଦଳ ୧୨ ଓଭର ୪ ବଲରେ ୫ ଉଇକେଟ ହରାଇ ୧୪୪ ରନ୍ କରି ବିଜୟୀ ହେବା ସହ ଚାମ୍ପିୟନ ବିବେଚିତ ହୋଇଥିଲା।
ଫାଇନାଲ ମ୍ୟାଚରେ ଜିତେନ ମାଝୀ ଓ ବିଶାଳ ପାଣି ଖେଳ ପରିଚାଳନା କରିଥିବା ବେଳେ ଧାରା ବିବରଣୀ ଦିଲ୍ଲୀପ ମାଝୀ ଓ ଶ୍ରୀମୁଖ ଅଗସ୍ତି କରିଥିଲେ। ସେହିପରି ସ୍କୋର ବୋର୍ଡରେ ବିରଞ୍ଚି ମାଝୀ ସହଯୋଗ କରିଥିଲେ। ଉଦ୍ଯାପନୀ ମ୍ୟାଚ୍ରେ ମୁଖ୍ୟ ଅତିଥି ଭାବେ ଲାଞ୍ଜିଗଡ଼ ବେଦାନ୍ତ ଲିମିଟେଡ଼ ବାହ୍ୟ ବ୍ୟାପାର ବିଭାଗର ମୁଖ୍ୟ ପ୍ରବୀଣ କୁମାର ଦାସ ଯୋଗଦେଇ ଥିବାବେଳେ ସମ୍ମାନୀତ ଅତିଥିଭାବେ ସିଏସ୍ଆର ମୁଖ୍ୟ ଶିଶିର ତରଫଦାର, ଜଗନ୍ନାଥ ପୁର ସମିତି ସଭ୍ୟ ପ୍ରଦୀପ ମାଝୀ, ଲାଞ୍ଜିଗଡ଼ ସିଆରସିସି ଜଳନ୍ଦର ମାଝୀ, ପୁଙ୍ଗରି ମାଝୀ, ଦଶରଥ ମାଝୀ, ଶିକ୍ଷକ ମଧୁସୂଦନ ବାଗ, ତିରନ୍ଦାଜ କୋଚ ଶୀମାଞ୍ଚଳ କାଟ୍ରାକା, ବେଦାନ୍ତ ପକ୍ଷରୁ ଭଗବାନ ହୋତା, ଶ୍ରୀମୁଖ ଅଗସ୍ତି, ସୁଶମ୍ୱିତ ବୁଦ୍ଧିଆ, ଶାନ୍ତନୁ ବିଶି, କୀରଣ ପଟ୍ଟନାୟକ, ଶଙ୍କର ରତ୍ନାଲୁ, ଲାଞ୍ଜିଗଡ ଯୁବକ ସଂଘ ସମ୍ପାଦକ ଭୁପେନ୍ଦ୍ର ମହାରଥା, ସାଇ ଆନ୍ନା, ରଘୁ ପାଣି, ଦଶରଥ ମାଝୀ, ପୁଙ୍ଗରି ମାଝୀ, ପାତ୍ର ମାଝୀ, କ୍ଷମାନିଧି ମହାଖୁଡ ପ୍ରମୁଖ ଉପସ୍ଥିତ ଥିଲେ I
କାର୍ଯ୍ୟକ୍ରମରେ ନିୟମଗିରି ବେଦାନ୍ତ ନଗର ଗୋଲଡେନ ସ୍ପୋଟର୍ସ କ୍ଳବ ପକ୍ଷରୁ ସଭାପତି ପବିତ୍ର ମାଝୀ, ଉପସଭାପତି ସନ୍ତୋଷ ମାଝୀ, ସମ୍ପାଦକ ଶତ୍ରୁଘନ ଚାଲାଣ, ସହ ସମ୍ପାଦକ କପୁର ନାଗ, କୋଷାଧ୍ୟକ୍ଷ ଜିତେନ ମାଝୀ ସମେତ ସ୍ପୋଟର୍ସ କ୍ଳବର ସମସ୍ତ କର୍ମକର୍ତ୍ତା ସହଯୋଗ କରିଥିଲେ। ପ୍ରତିଯୋଗିତା ମେ ୧୧ରେ ଆରମ୍ଭ ହୋଇଥିଲା। ଏଥିରେ ଜିଲା ତଥା ଜିଲା ବାହାରୁ ୧୬ଟି ଦଳ ଅଂଶଗ୍ରହଣ କରିଥିଲେ। ବିଜେତାଙ୍କୁ ଟ୍ରଫି ଓ ମେଡାଲ ସହିତ ୫୫, ୫୫୫ ଟଙ୍କା ଏବଂ ଉପ ବିଜେତାଙ୍କୁ ଟ୍ରଫି ଓ ମେଡାଲ ସହିତ ୩୩,୩୩୩ ଟଙ୍କାର ପୁରସ୍କାର ରାଶି ଚେକ୍ ଆକାରରେ ପ୍ରଦାନ କରାଗଲା
