ପୁଣେ,୨୬।୩: ଭାରତ-ଇଂଲଣ୍ଡ ମଧ୍ୟରେ ପୁଣେର ଏମ୍ସିଏ ଷ୍ଟାଡିୟମରେ ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ଶନିବାର ଖେଳାଯାଉଛି। ଏଥିରେ ଉଲ୍ଲେଖନୀୟ ପ୍ରଦର୍ଶନ କରି ସମାଲୋଚନା ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି ଭାରତୀୟ ବ୍ୟାଟ୍ସମ୍ୟାନ୍ କେଏଲ୍ ରାହୁଲ। ଦୀର୍ଘ ଏକ ବର୍ଷ ପରେ ସେ କ୍ୟାରିୟରର ପଞ୍ଚମ ଶତକ ମାରିବାରେ ସଫଳ ହୋଇଛନ୍ତି।
ଇଂଲଣ୍ଡ ଟିମ୍ ଟସ୍ ଜିତି ପ୍ରଥମେ ବୋଲିଂ କରିବା ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିଲା ଭାରତ। ଓପନର୍ ଶିଖର ଧଓ୍ବନ ୪ ରନ୍ କରି ଆଉଟ୍ ହେବା ପରେ ରୋହିତ ଶର୍ମା ୨୫ ରନ୍ କରି ପ୍ୟାଭିଲିୟନ ଫେରିଥିଲେ। ପରେ ବିରାଟ କୋହଲି ଏବଂ କେଏଲ୍ ରାହୁଲ ବ୍ୟାଟିଂ ସମ୍ଭାଳିଥିଲେ। କୋହଲି ୬୬ରନ୍ କରି ଆଉଟ୍ ହୋଇଥିଲେ। ଉଭୟ ସେତେବେଳକୁ ୧୨୧ରନ୍ର ଭାଗିଦାରି କରିଥିଲେ।
ତେବେ ୨୦୨୦ ଫେବୃୟାରୀ ୧୧ରେ ରାହୁଲ ନିଜର ଶେଷ ଶତକ ମାରିଥିଲେ। ଏବେ ସେ ଏକ ବର୍ଷ ପରେ ପୁଣି ଏକ ଶତକ ମାରିଛନ୍ତି। ୧୦୮ ବଲ୍ରେ ସେ ଏପରି କରିଛନ୍ତି। ଦୀର୍ଘଦିନ ଧରି ସେ ଖରାପ ଫର୍ମରେ ଚାଲୁଥିବାକୁ ନେଇ ସମାଲୋଚନାର ଶିକାର ହୋଇ ଆସୁଥିଲେ। ଏଣୁ ଏବେ କେଏଲ୍ଙ୍କ ଏଭଳି ବ୍ୟାଟିଂ ପ୍ରଶଂସକଙ୍କୁ ଖୁସି ଆଣି ଦେଇଛି।
