ନୂଆଦିଲ୍ଲୀ,୪।୮: ଭାରତୀୟ କ୍ରିକେଟ ଦଳର ଖେଳାଳି କେ.ଏଲ ରାହୁଲଙ୍କ ବିଷୟରେ ଏକ ଖୁସି ଖବର ଅଛି। ଏକ ରିପୋର୍ଟ ଅନୁଯାୟୀ, ରାହୁଲ ଏସିଆ କପ୍ ୨୦୨୩ ପାଇଁ ସମ୍ପୂର୍ଣ୍ଣ ଫିଟ ହୋଇଛନ୍ତି। ସେ ଶୀଘ୍ର ଟିମ ଇଣ୍ଡିଆକୁ ଫେରି ପାରନ୍ତି। ଆଇପିଏଲ ୨୦୨୩ ସମୟରେ ରାହୁଲ ଆହତ ହୋଇଥିଲେ। ଏହି କାରଣରୁ ସେ ଦୀର୍ଘ ଦିନ ଧରି କ୍ରିକେଟ ଠାରୁ ଦୂରରେ ଥିଲେ। କିନ୍ତୁ ରାହୁଲ ଅଭ୍ୟାସ ଆରମ୍ଭ କରିଛନ୍ତି। ବ୍ୟାଟିଂ ସହିତ ସେ ନେଟ୍ସରେ ଉଇକେଟ୍ କିପିଂ ମଧ୍ୟ କରୁଛନ୍ତି। ରାହୁଲ ନ୍ୟାଶନାଲ କ୍ରିକେଟ ଏକାଡେମୀରେ ଅଛନ୍ତି ଏବଂ ଫେରିବାକୁ ପ୍ରସ୍ତୁତ ହେଉଛନ୍ତି।
ଖବର ଅନୁଯାୟୀ ରାହୁଲ ସମ୍ପୂର୍ଣ୍ଣ ଫିଟ୍ ହୋଇଯାଇଛନ୍ତି। ସେ ଏସିଆ କପ ୨୦୨୩ ରେ ଚୟନ ପାଇଁ ଉପଲବ୍ଧ ରହିବେ। ସେ ଶୀଘ୍ର ଟିମ ଇଣ୍ଡିଆକୁ ଫେରିପାରନ୍ତି। ରାହୁଲ ଗତ କିଛି ଦିନ ହେବ ସୋସିଆଲ ମିଡିଆ ଜରିଆରେ ଫିଟନେସ ଅପଡେଟ ଶେୟାର କରୁଛନ୍ତି। ସେ ଉଭୟ ଉଇକେଟ୍ କିପିଂ ଏବଂ ବ୍ୟାଟିଂ ଉପରେ ଧ୍ୟାନ ଦେଉଛନ୍ତି। ବାଙ୍ଗାଲୋରରେ ଅବସ୍ଥିତ ନ୍ୟାଶନାଲ କ୍ରିକେଟ ଏକାଡେମୀର କର୍ମଚାରୀମାନେ ରାହୁଲଙ୍କ ଯତ୍ନ ନେଉଛନ୍ତି। ତାଙ୍କ ପୁନରୁଦ୍ଧାର ଉପରେ ଅନେକ କାମ କରାଯାଇଛି। ନିକଟରେ ସୋସିଆଲ ମିଡିଆରେ ରାହୁଲଙ୍କ ଅଭ୍ୟାସର ଅନେକ ଭିଡିଓ ସାମ୍ନାକୁ ଆସିଛି।
