ମୁମ୍ବାଇ: ବଲିଉଡ୍ ବାଦଶାହା ଶାହାରୁଖ ଖାନ୍ ଙ୍କ ୬୦ ତମ ଜନ୍ମଦିନ ଅବସରରେ ତାଙ୍କର ବହୁ ପ୍ରତୀକ୍ଷିତ ଫିଲ୍ମ ‘କିଙ୍ଗ୍’ ର ଟାଇଟଲ୍ ଉନ୍ମୋଚନ ଭିଡିଓ ଜାରି କରାଯାଇଛି। ଏହି ଭିଡିଓରେ SRK ଙ୍କର ଅତ୍ୟନ୍ତ ଉଗ୍ର ଓ ନିର୍ଦ୍ଦୟ ଅବତାର ଦେଖିବାକୁ ମିଳିଛି, ଯାହା ପ୍ରଶଂସକଙ୍କୁ ଉତ୍ସାହିତ କରିଛି। ଶାହାରୁଖ ଖାନ୍ ଏଥିରେ ରୂପେଲି କେଶ (silver-haired look), ଷ୍ଟାଇଲିସ୍ କାନଫୁଲ୍ (ear accessories) ଏବଂ ଜବରଦସ୍ତ ବ୍ୟକ୍ତିତ୍ୱ ସହିତ ଏକ ଭିନ୍ନ ରୂପରେ ନଜର ଆସିଛନ୍ତି।
ରେଡ୍ ଚିଲିଜ୍ ଏଣ୍ଟରଟେନମେଣ୍ଟ ଓ ମାରଫ୍ଲିକ୍ସ ପିକ୍ଚର୍ସ ଦ୍ୱାରା ନିର୍ମିତ ଏହି ଫିଲ୍ମ ଏକ ସ୍ଲିକ୍, ହାଇ-ଅକ୍ଟେନ୍ ଆକ୍ସନ୍ ଏଣ୍ଟରଟେନର୍ ହେବାକୁ ଯାଉଛି। ଏହି ଫିଲ୍ମରେ ‘ପଠାନ୍’ ପରେ ଶାହାରୁଖ ପୁଣି ଥରେ ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ଙ୍କ ସହ କାମ କରୁଛନ୍ତି। ଏହା ସିଦ୍ଧାର୍ଥଙ୍କର ଏପର୍ଯ୍ୟନ୍ତର ସବୁଠାରୁ ‘ମାସି’ ଫିଲ୍ମ ହେବ ବୋଲି କୁହାଯାଉଛି।
ଟାଇଟଲ୍ ରିଭିଲ୍ ଭିଡିଓରେ SRK ଙ୍କ ଡାଇଲଗ୍ – “ସୌ ଦେଶୋଁ ମେଁ ବଦନାମ୍, ଦୁନିୟା ନେ ଦିୟା ସିର୍ଫ ଏକ୍ ହି ନାମ୍ – ‘କିଙ୍ଗ୍’ ” ଫ୍ୟାନ୍ମାନଙ୍କୁ ଖୁବ୍ ପସନ୍ଦ ଆସିଛି। ‘କିଙ୍ଗ୍’ ଫିଲ୍ମଟି ୨୦୨୬ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
