Odisha Elections 2024
Posted inଜାତୀୟ

ମାଓବାଦୀ କହି ୧୨ ନିରୀହଙ୍କୁ ହତ୍ୟା

ରାୟପୁର,୧୫ା୫:ଦେଶରେ ଲୋକ ସଭା ଏବଂ ଓଡ଼ିଶା ସମେତ ୪ ରାଜ୍ୟ ବିଧାନସଭା ନିର୍ବାଚନ ଚାଲିଥିବାବେଳେ ଭାଜପା ଶାସିତ ଛତିଶଗଡ଼ ସରକାରର ବଡ଼ ଚାଲବାଜି ଧରାପଡ଼ିଛି। ଓଡ଼ିଶାରେ ସୋମବାର (ମେ’ ୧୩ରେ) କଳାହାଣ୍ଡି, ନବରଙ୍ଗପୁର, ବ୍ରହ୍ମପୁର ଓ କୋରାପୁଟ ସଂସଦୀୟ ଆସନ ସହ ଏହା ଅଧୀନ ୨୮ ବିଧାନସଭା ନିର୍ବାଚନମଣ୍ଡଳୀରେ ଭୋଟ ଗ୍ରହଣ କରାଯାଇଛି। ଏହାର ୩ ଦିନ ପୂର୍ବରୁ ଅର୍ଥାତ୍‌ ଶୁକ୍ରବାର ମାଓବାଦୀମାନେ ଓଡ଼ିଶାର ପ୍ରଥମ ପର୍ଯ୍ୟାୟ ନିର୍ବାଚନକୁ ଭଣ୍ଡୁର ପାଇଁ ଯୋଜନା କରୁଥିବାବେଳେ ସେମାନଙ୍କୁ ଏନ୍‌କାଉଣ୍ଟରରେ ନିପାତ କରାଯାଇଥିବା ଛତିଶଗଡ଼ର ବିଜାପୁର ପୋଲିସ ଦାବି କରିଥିଲା। ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁଦେଓ ସାୟ ଏହାକୁ ଏକ ବଡ଼ ସଫଳତା ଦର୍ଶାଇ ରାଜ୍ୟ ପୋଲିସ ଓ କେନ୍ଦ୍ରୀୟ ସୁରକ୍ଷା ବଳକୁ ପ୍ରଶଂସାରେ ପୋତି ଦେଇଥିଲେ। ଗତବର୍ଷ ଡିସେମ୍ବରରେ ରାଜ୍ୟରେ ଭାଜପା କ୍ଷମତାସୀନ ହେବା ପରଠୁ ଅଦ୍ୟାବଧି ୧୦୪ ମାଓବାଦୀ ନିହତ ହୋଇଥିବା ବିଷ୍ଣୁଦେଓ କହିଥିଲେ। ତେବେ ପୋଲିସ ଗୁଳିରେ ଶୁକ୍ରବାର ପ୍ରାଣ ହରାଇଥିବା ୧୨ ଜଣ ମାଓବାଦୀ ନୁହନ୍ତି, ବରଂ ନିରୀହ କେନ୍ଦୁପତ୍ର ତୋଳାଳି ବୋଲି ବର୍ତ୍ତମାନ ଜଣାପଡ଼ିଛି। କେନ୍ଦ୍ରରେ କ୍ଷମତାସୀନ ଭାଜପା ସରକାରର ‘୪୦୦ ପାର୍‌’ ଲକ୍ଷ୍ୟ ପୂରଣରେ ସହାୟକ ହେବା ପାଇଁ ଛତିଶଗଡ଼ ସରକାର ମିଛ ଏନ୍‌କାଉଣ୍ଟର କରାଇବା ସହ ବଣଜଙ୍ଗଲର ଆଦିବାସୀମାନଙ୍କୁ ମାଓବାଦୀ ଦର୍ଶାଇ ଆମତ୍ସମର୍ପଣ କରାଉଛି ବୋଲି ବିରୋଧୀ ନେତା ଓ ସାମାଜିକ କର୍ମୀମାନେ ଅଭିଯୋଗ ଆଣିଛନ୍ତି। ଏଥିସହ ଏନ୍‌କାଉଣ୍ଟରରେ ନିହତ ୧୦୪ ଜଣଙ୍କ ମଧ୍ୟରୁ କେତେଜଣ ନିରୀହ ଲୋକ ଥିଲେ, ଏହାର ନ୍ୟାୟିକ ତଦନ୍ତ ପାଇଁ ଦାବି କରିଛନ୍ତି।
୫ ମାସ ହେଲା ଛତିଶଗଡ଼ ପୋଲିସ ହଠାତ୍‌ ଅତ୍ୟଧିକ ତତ୍ପରତା ଦେଖାଉଛି। କେତେବେଳେ ଦାନ୍ତଓ୍ବୋଡା, ସୁକ୍‌ମା ତ କେବେ ନାରାୟଣପୁର, ପୁଣି କେତେବେଳେ ବିଜାପୁର। ଏହି ଅଞ୍ଚଳଗୁଡ଼ିକର ପୋଲିସ ରାଜ୍ୟବାସୀଙ୍କୁ ସୁରକ୍ଷା ଦେବା ନାମରେ ମାଓବାଦୀଙ୍କୁ ହତ୍ୟା କରୁଥିବା କହୁଛି। ଅନେକ ସମୟରେ ପୋଲିସ ଖବରଦାତା ସମ୍ମିଳନୀ ଡକାଇ ଫଟୋ ଉଠାଇ କାହାଣୀ ଶୁଣାଉଛି। ଏତେ ମାଓବାଦୀଙ୍କୁ ଧରିଲୁ, ଏତେଜଣ ଆତ୍ମସମର୍ପଣ କଲେ। ସେମାନେ ହିଂସା ମାର୍ଗ ପରିତ୍ୟାଗ କରି ସମାଜର ମୁଖ୍ୟସ୍ରୋତକୁ ଫେରିଆସିଲେ। ଛତିଶଗଡ଼ ପୋଲିସ ଦାବି ମୁତାବକ ଏଭଳି ଆତ୍ମସମର୍ପଣକାରୀ ମାଓବାଦୀଙ୍କ ସଂଖ୍ୟା ପ୍ରାୟ ୩୦୦ ହେବ। ନିହତଙ୍କ ସଂଖ୍ୟା ଶତାଧିକ। ଏହିକ୍ରମରେ ଗତ ୧୦ ତାରିଖରେ ବିଜାପୁର ପୋଲିସ କହିଥିଲା, ଏହି ଜିଲା ଅଧୀନ ଗାଙ୍ଗାଲୁର ଥାନା ଅନ୍ତର୍ଗତ ପିଡ଼ିଆ ଅଞ୍ଚଳର ଏକ ଜଙ୍ଗଲରେ ହାର୍ଡକୋର ମାଓବାଦୀ ପାପା ରାଓ ଶତାଧିକ ସମର୍ଥକଙ୍କ ସହ ବୈଠକ କରୁଥିଲେ। ଓଡ଼ିଶାର ପ୍ରଥମ ପର୍ଯ୍ୟାୟ ନିର୍ବାଚନକୁ ମାଓବାଦୀମାନେ ଭଣ୍ଡୁର କରିବା ପାଇଁ ରଣନୀତି ପ୍ରସ୍ତୁତ କରୁଥିବା ଗୋଇନ୍ଦା ସୂଚନା ମିଳିଥିଲା। ଏହାକୁ ଭିତ୍ତିକରି ବିଜାପୁର ଜିଲାର ୩୫୦ରୁ ଊର୍ଦ୍ଧ୍ୱ ସୁରକ୍ଷା କର୍ମୀ ଉକ୍ତ ଅଞ୍ଚଳରେ କୋମ୍ବିଂ ଅପରେଶନ ଆରମ୍ଭ କରିଥିଲେ। ପୋଲିସକୁ ଦେଖି ମାଓବାଦୀମାନେ ଗୁଳି ଚଳାଇଥିଲେ। ପୋଲିସ ଏହାର ପାଲଟା ଜବାବ ଦେଇଥିଲା। ଉଭୟ ପକ୍ଷଙ୍କ ମଧ୍ୟରେ ଦୀର୍ଘ ସମୟ ଧରି ଗୁଳି ବିନିମୟ ଜାରି ରହିଥିଲା। ଶେଷରେ ମାଓବାଦୀମାନେ ଛତ୍ରଭଙ୍ଗ ଦେଇ ଜଙ୍ଗଲ ଭିତରକୁ ଚାଲିଯାଇଥିଲେ। ପରେ ତଲାସି ବେଳେ ପୋଲିସ ୧୨ ଜଣ ମାଓବାଦୀଙ୍କ ମୃତଦେହ ଠାବ କରିଥିଲା। ସମ୍ପୃକ୍ତ ଅଞ୍ଚଳରେ ପୋଲିସ ମାଓବାଦୀ କ୍ୟାମ୍ପକୁ ଘେରି ତଲାସି ଅଭିଯାନ ଜାରି ରଖିଥିବା ବିଜାପୁର ପୋଲିସ ଦାବି କରିଥିଲା।
ଏହାର ୩ ଦିନ ପରେ ଉକ୍ତ ଏନ୍‌କାଉଣ୍ଟରର ସତ ପଦାକୁ ଆସିଛି। ବସ୍ତର ଅଧୀନ ବିଜାପୁର ଅଞ୍ଚଳର ବହୁସଂଖ୍ୟକ ଲୋକ (ଅଧିକାଂଶ ମହିଳା) ୪୦ କି.ମି. ପର୍ଯ୍ୟନ୍ତ ଚାଲି ଚାଲି ଜିଲା ସଦର ମହକୁମାକୁ ଯାଇ ଜିଲାପାଳ ଏବଂ ଏସ୍‌ପି ଅଫିସ ଘେରାଉ କରିଛନ୍ତି। ମୃତକଙ୍କୁ ନ୍ୟାୟ ପ୍ରଦାନ ଦାବିରେ ଶନିବାରଠାରୁ ସେଠାରେ ଧାରଣା ଦେଇଛନ୍ତି। ସେମାନେ ଅଭିଯୋଗ ଆଣିଛନ୍ତି ଯେ, ଜଙ୍ଗଲରେ କେନ୍ଦୁପତ୍ର ତୋଳୁଥିବା ପିଡ଼ିଆ ଓ ଇଟାଓ୍ବର ଗ୍ରାମର ୧୨ ଜଣ ନିରୀହ ଶ୍ରମିକଙ୍କୁ ପୋଲିସ ଗୁଳିକରି ହତ୍ୟା କରିଛି। ବିକ୍ଷୋଭକାରୀଙ୍କ ମଧ୍ୟରୁ ଜଣେ ଅଭଲାମ୍‌ ବୁଦ୍ରି କହିଛନ୍ତି, ଏନ୍‌କାଉଣ୍ଟର ଦିନ ତାଙ୍କ ସ୍ବାମୀ କେନ୍ଦୁପତ୍ର ତୋଳୁଥିବାବେଳେ ପୋଲିସ ତାଙ୍କୁ ଉଠାଇନେଇଛି। ପୋଲିସ ଗୁଳିମାଡ଼ରେ ଆଉ କେତେଜଣ ତୋଳାଳି ଆହତ ହୋଇଥିବା ଗ୍ରାମବାସୀ ଅଭିଯୋଗ ଆଣିଛନ୍ତି। ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ଭୂପେଶ ବଘେଲ ସାମାଜିକ ଗଣମାଧ୍ୟମ ଏକ୍ସ’ରେ କହିଛନ୍ତି, ସୁରକ୍ଷା ବଳ ସମ୍ବିଧାନ ପ୍ରତି ନିଜ ପ୍ରତିଶ୍ରୁତିବଦ୍ଧତା ପାଇଁ କାର୍ଯ୍ୟ କରିବା କଥା। କିନ୍ତୁ ସେମାନେ ଏକ ନିର୍ଦ୍ଦିଷ୍ଟ ରାଜନୈତିକ ଦଳ ପାଇଁ କାମ କଲେ ମାଓବାଦୀ ସମସ୍ୟାର ସମାଧାନ ହୋଇପାରିବ ନାହିଁ। ଏପରି କି ମାଓବାଦୀଙ୍କ ବସ୍ତର ଡିଭିଜନ୍‌ କମିଟି ମଧ୍ୟ ମୃତକମାନେ ମାଓବାଦୀ ନ ଥିଲେ ବୋଲି ସ୍ପଷ୍ଟ କରିଛି। ଏହି ଗଣହତ୍ୟାରେ ୧,୨୦୦ ସୁରକ୍ଷା ବଳ ନିୟୋଜିତ ହୋଇଥିବା କହି ଏହାର ନ୍ୟାୟିକ ତଦନ୍ତ ଦାବି କରିଛି। ଆଦିବାସୀ ଅଧିକାର କର୍ମୀ ସୋନି ସୋରି ଏଭଳି ସମସ୍ତ ଗଣହତ୍ୟା ବିରୋଧରେ ହାଇକୋର୍ଟଙ୍କ ଆଶ୍ରୟ ନେବାକୁ ବାହାରିଛନ୍ତି।
ଅନ୍ୟପକ୍ଷେ ପୋଲିସ ଡିଆଇଜି (ଦକ୍ଷିଣ ବସ୍ତର) କମଳଲୋଚନ କାସ୍ୟପ କହିଛନ୍ତି, ସମସ୍ତ ମୃତକ ମାଓବାଦୀ ଥିଲେ। ସେମାନଙ୍କୁ ଧରାଇଦେଲେ ପୁରସ୍କାର ଦିଆଯିବ ବୋଲି ପୂର୍ବରୁ ଘୋଷଣା କରାଯାଇଥିଲା। ଘଟଣା ଦିନ ପୋଲିସ ଆସୁଥିବା ଖବର ପାଇ ସେମାନେ ୟୁନିଫର୍ମ ବଦଳାଇ ଗ୍ରାମବାସୀଙ୍କ ବେଶ ଧାରଣ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଟାଇମ ମାଗାଜିନର ୧୦୦ ପ୍ରଭାବଶାଳୀ କମ୍ପାନୀରେ ଭାରତର ଦବଦବା, ସାମିଲ ହେଲେ ରିଲାଏନ୍ସ, ଟାଟା, ସିରମ

ନୂଆଦିଲ୍ଲୀ,୩୦।୫: ଆମେରିକାର ଟାଇମ ମାଗାଜିନ ୨୦୨୪ର ବିଶ୍ୱର ସବୁଠାରୁ ପ୍ରଭାବଶାଳୀ କମ୍ପାନୀଗୁଡିକର ତାଲିକା ପ୍ରକାଶ କରିଛି। ତିନୋଟି ଭାରତୀୟ କମ୍ପାନୀ ମଧ୍ୟ ଏହି ତାଲିକାରେ ସ୍ଥାନ...

ମୋଦି ୪୨୧ଥର ମନ୍ଦିର-ମସଜିଦ, ୨୨୪ ଥର ମୁସଲମାନ-ପାକିସ୍ତାନର ନାମ ନେଇଛନ୍ତି: ଖାର୍ଗେ

ନୂଆଦିଲ୍ଲୀ,୩୦।୫: ଲୋକ ସଭା ନିର୍ବାଚନର ଶେଷ ପର୍ଯ୍ୟାୟ ଭୋଟ ପୂର୍ବରୁ କଂଗ୍ରେସ ଭାଜପାକୁ ଟାର୍ଗେଟ କରିଛି। ସପ୍ତମ ପର୍ଯ୍ୟାୟ ଅଭିଯାନ ଶେଷ ହେବାର କିଛି ଘଣ୍ଟା...

‘କେବଳ ଏକା ପାଣ୍ଡିଆନ୍‌ କାହିଁକି ମାଇକ୍‌ ଧରୁଛନ୍ତି’, ନବୀନଙ୍କ ସାକ୍ଷାତକାର ପରେ ହିମନ୍ତଙ୍କ ବଡ଼ ବୟାନ

ଭୁବନେଶ୍ୱର,୩୦।୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସାକ୍ଷାତକାର ପରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ପ୍ରତିକ୍ରିୟା ରଖିଛନ୍ତି। ହିମନ୍ତ କହିଛନ୍ତି, ନବୀନ ସାକ୍ଷାତକାରରେ ଦେଇଥିବା ଉତ୍ତର ଅଧିକ...

ଲୋକ ସଭା ନିର୍ବାଚନ ଫଳାଫଳ ପୂର୍ବରୁ ୨୫ ଭାଜପା ନେତାଙ୍କୁ ଏକ୍ସ କାଟାଗୋରୀ ସୁରକ୍ଷା

ନୂଆଦିଲ୍ଲୀ,୩୦।୫: ପଶ୍ଚିମବଙ୍ଗରେ କେନ୍ଦ୍ର ଗୃହ ମନ୍ତ୍ରଣାଳୟ ୨୫ ରୁ ଅଧିକ ଭାଜପା ନେତା ଓ କର୍ମୀଙ୍କୁ ସୁରକ୍ଷା ପ୍ରଦାନ କରିଛି। କେନ୍ଦ୍ର ଗୃହ ମନ୍ତ୍ରଣାଳୟ ଏହି...

ଏହି ୪ ରାଜ୍ୟରେ ଚମକାଇବ କଂଗ୍ରେସ, ଶେଷ ପର୍ଯ୍ୟାୟ ନିର୍ବାଚନ ପୂର୍ବରୁ ଏମିତି କହିଲେ ଜୟରାମ

ନୂଆଦିଲ୍ଲୀ,୩୦।୫: କଂଗ୍ରେସ ମହାସଚିବ ଜୟରାମ ରମେଶ ସପ୍ତମ ତଥା ଶେଷ ପର୍ଯ୍ୟାୟ ଭୋଟ ଗ୍ରହଣ ପୂର୍ବରୁ ଏକ ଭବିଷ୍ୟବାଣୀ କରିଛନ୍ତି। ସେ ଦାବି କରିଛନ୍ତି କି...

ଜମ୍ମୁ-କାଶ୍ମୀର ବସ୍‌ ଦୁର୍ଘଟଣା: ମୃତ୍ୟୁ ସଂଖ୍ୟା ୨୧କୁ ବୃଦ୍ଧି, ଅନେକ ଗୁରୁତର

ଶ୍ରୀନଗର,୩୦।୫: ଜମ୍ମୁ-କାଶ୍ମୀରର ଅଖନୁର ବସ୍‌ ଦୁର୍ଘଟଣାରେ ମୃତ୍ୟୁ ସଂଖ୍ୟା ବୃଦ୍ଧି ପାଇଛି। ଏହି ଦୁର୍ଘଟଣାରେ ଏପର୍ଯ୍ୟନ୍ତ ୨୧ଜଣଙ୍କର ମୃତ୍ୟୁ ଘଟିଥିବା ବେଳେ ୪୦ ଜଣ ଆହତ...

ଶେଷ ପର୍ଯ୍ୟାୟ ଭୋଟ ପୂର୍ବରୁ ଆସିଲା ମନମୋହନ ସିଂଙ୍କ ବଡ଼ ବୟାନ, ମୋଦିଙ୍କୁ କହିଲେ…

ନୂଆଦିଲ୍ଲୀ,୩୦।୫: ୨୦୨୪ ଲୋକ ସଭା ନିର୍ବାଚନ ସମୟରେ ମୁସଲିମ ସଂରକ୍ଷଣ ପ୍ରସଙ୍ଗ ଚର୍ଚ୍ଚାରେ ରହିଛି। ବର୍ତ୍ତମାନ ସପ୍ତମ ପର୍ଯ୍ୟାୟ ତଥା ଶେଷ ପର୍ଯ୍ୟାୟ ଭୋଟ ଜୁନ...

କନ୍ୟାକୁମାରୀରେ ପହଞ୍ଚିଲେ ପ୍ରଧାନମନ୍ତ୍ରୀ ମୋଦି, ଆଜିଠୁ ବସିବେ ଧ୍ୟାନରେ

ନୂଆଦିଲ୍ଲୀ,୩୦।୫: ଜୁନ ୧ ତାରିଖରେ ଅନ୍ତିମ ପର୍ଯ୍ୟାୟ ଲୋକ ସଭା ନିର୍ବାଚନ ହେବ। ଏଥିପାଇଁ ଗୁରୁବାର ପ୍ରଚାର ଶେଷ ହୋଇଛି। ପ୍ରଚାର ଶେଷ ହେବା ପରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri