ଚଣ୍ଡିଗଡ଼,୧୦।୧- କର୍ନାଲଠାରେ ରବିବାର ହେବାକୁ ଥିବା ‘କିଷାନ ମହାପଞ୍ଚାୟତ’ କାର୍ଯ୍ୟକ୍ରମକୁ ବାତିଲ କରିଦେଇଛନ୍ତି ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର। କେନ୍ଦ୍ର ସରକାରଙ୍କ ୩ ନୂଆ କୃଷି ଆଇନକୁ ବିରୋଧ କରୁଥିବା ଚାଷୀମାନେ ତାଙ୍କ କାର୍ଯ୍ୟକ୍ରମ ହେବାକୁ ଥିବା ଭେନ୍ୟୁରେ ବ୍ୟାପକ ଭଙ୍ଗାରୁଜା କରିଛନ୍ତି। କାଇମଲା ଗ୍ରାମରେ ଖଟରଙ୍କ ପାଇଁ ପ୍ରସ୍ତୁତ ହୋଇଥିବା ହେଲିପ୍ୟାଡ୍ ନିକଟରେ ଶହ ଶହ ଚାଷୀ ଏକତ୍ରିତ ହୋଇଥିଲେ। ସ୍ଥିତି ଅଣାୟତ ହେବାରୁ ପୋଲିସ ଲାଠି ଚାର୍ଜ ଓ ଲୁହ ଗ୍ୟାସ ବ୍ୟବହାର କରାଯାଇଥିଲା।
ଏ ସମ୍ପର୍କରେ ଖଟ୍ଟର କହିଛନ୍ତି, ‘ ଏଭଳି ବ୍ୟବହାର ଦ୍ୱାରା ଆନ୍ଦୋଳନକାରୀମାନେ ଚାଷୀଙ୍କୁ ବଦନାମ କରୁଛନ୍ତି। ଏହି ଘଟଣାରେ କଂଗ୍ରେସ ଓ କମ୍ୟୁନିଷ୍ଟ ଦଳର ହାତ ରହିଛି। ଆଉ କେନ୍ଦ୍ର ସରକାର ନୂଆ କୃଷି ଆଇନକୁ ପ୍ରତ୍ୟାହାର କରିବେ ନାହିଁ। କିଛି ପଏଣ୍ଟ ଉପରେ ଆଲୋଚନା ହୋଇପାରେ। କିନ୍ତୁ ଆଇନ ଉଚ୍ଛେଦ କରାଯିବ ମୋତେ ଲାଗୁ ନାହିଁ ।’
ଉଲ୍ଲେଖଥାଉ କି, କାର୍ଯ୍ୟକ୍ରମ ସ୍ଥଳରେ ୧୫୦୦ ପୋଲିସକର୍ମୀ ମୁତୟତ କରାଯିବା ସହ ନିର୍ମାଣ ହୋଇଥିଲା ୭ଟି ଚେକ୍ ପଏଣ୍ଟ। ହେଲେ ଆନ୍ଦୋଳନକାରୀ କୃଷକ ୬ଟି ଚେକ୍ ପଏଣ୍ଟ ଭାଙ୍ଗି ବୈଠକ ସ୍ଥଳରେ ପହଞ୍ଚି ବ୍ୟାପକ ଭଙ୍ଗାରୁଜା କରିଥିଲେ।
