ନୂଆଦିଲ୍ଲୀ,୩।୬: ପ୍ରସିଦ୍ଧ ଶିକ୍ଷକ ତଥା ୟୁଟ୍ୟୁବର୍ ଖାନ ସାର୍ (Khan Sir) ପୁଣି ଥରେ ଚର୍ଚ୍ଚାକୁ ଆସିଛନ୍ତି। ବିହାରର ରାଜଧାନୀ ପାଟନାରେ ଥିବା ତାଙ୍କ କୋଚିଂ ପ୍ରତିଷ୍ଠାନ ବାହାରେ ପ୍ରବଳ ହଙ୍ଗାମା ହୋଇଛି ଏବଂ ବର୍ତ୍ତମାନ ପାଇଁ ଏହାକୁ ବନ୍ଦ କରି ଦିଆଯାଇଛି। ନିଜର ନିଆରା ପଢ଼ାଇବା ଶୈଳୀ ଏବଂ କମ ଫିସ ପାଇଁ ସେ ଦେଶ ଓ ଦୁନିଆରେ ଏକ ସୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରେ ସେ ବେଶ ଲୋକପ୍ରିୟ। ଖାନ ସାର୍ ଏକ ଶୋ’ରେ ଦାବି କରିଥିଲେ ଯେ ତାଙ୍କୁ ୧୦୭ କୋଟି ଟଙ୍କାର ଅଫର୍ ମିଳିଥିଲା, କିନ୍ତୁ ସେ ଏହାକୁ ପ୍ରତ୍ୟାଖ୍ୟାନ କରିଦେଇଥିଲେ। ଆସନ୍ତୁ ଜାଣିବା ଖାନ ସାର୍ଙ୍କ ନେଟୱର୍ଥ (ମୋଟ ସମ୍ପତ୍ତି) କେତେ?
ରିପୋର୍ଟ ଅନୁଯାୟୀ, ଖାନ ସାରଙ୍କ ପ୍ରକୃତ ନାମ ଫୈସଲ ଖାନ। ସେ ଉତ୍ତରପ୍ରଦେଶର ଗୋରଖପୁରରେ ସେ ଜନ୍ମଗ୍ରହଣ କରିଥିଲେ। ସେ ଦଶମ ଶ୍ରେଣୀ ପର୍ଯ୍ୟନ୍ତ ଇଂରାଜୀ ମାଧ୍ୟମରେ ପଢ଼ିଥିଲେ ଏବଂ ପରେ ଦ୍ୱାଦଶ ଶ୍ରେଣୀ ହିନ୍ଦୀ ମାଧ୍ୟମ ସ୍କୁଲରୁ ପାସ କରିଥିଲେ। ଏହା ପରେ ସେ ଆଲାହାବାଦ କଲେଜରୁ ବି.ଏସସି, ଏମ.ଏସସି ଏବଂ ଭୂଗୋଳ (Geography) ରେ ମାଷ୍ଟର୍ସ କରିଛନ୍ତି। ଆଜି ସେ ‘ଖାନ GS ରିସର୍ଚ୍ଚ ସେଣ୍ଟର’ (Khan GS Research Centre) ନାମରେ ଏକ କୋଚିଂ ସଂସ୍ଥା ଚଳାଉଛନ୍ତି। ଏହା ସହିତ ୨୦୧୯ ମସିହାରେ ସେ ଏକ ୟୁଟ୍ୟୁବ ଚ୍ୟାନେଲ ମଧ୍ୟ ଆରମ୍ଭ କରିଥିଲେ। ଲକଡାଉନ ସମୟରେ ଏହି ଚ୍ୟାନେଲ ଛାତ୍ରଛାତ୍ରୀଙ୍କ ପାଇଁ ବହୁତ ସହାୟକ ସାବ୍ୟସ୍ତ ହୋଇଥିଲା। ଆଜି ତାଙ୍କ ୟୁଟ୍ୟୁବ ଚ୍ୟାନେଲରେ କୋଟି କୋଟି ଭ୍ୟୁଜ ଏବଂ ଲକ୍ଷ ଲକ୍ଷ ସବ୍ସ୍କ୍ରାଇବର୍ସ ଅଛନ୍ତି।
ଖାନ ସାର୍ କେବେ ବି ନିଜର ସମ୍ପତ୍ତି ସାର୍ୱଜନୀନ କରିନାହାନ୍ତି। କିନ୍ତୁ ଗଣମାଧ୍ୟମର ରିପୋର୍ଟ ଅନୁଯାୟୀ, ତାଙ୍କର ମୋଟ ସମ୍ପତ୍ତି ୫ କୋଟିରୁ ୨୦ କୋଟି ଟଙ୍କା ମଧ୍ୟରେ। କେତେକ ରିପୋର୍ଟରେ ଦାବି କରାଯାଇଛି ଯେ ତାଙ୍କର ମୋଟ ସମ୍ପତ୍ତି ପ୍ରାୟ ୪୧ କୋଟି ଟଙ୍କା। କୁହାଯାଏ ଯେ ସେ ଦିନକୁ ପ୍ରାୟ ୭୦ ହଜାର ଟଙ୍କା ପର୍ଯ୍ୟନ୍ତ ରୋଜଗାର କରନ୍ତି। ଏହାର ଅର୍ଥ ହେଉଛି ତାଙ୍କର ମାସିକ ଆୟ ୧୫ ରୁ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ହୋଇପାରେ। ଏହି ଆୟ ୟୁଟ୍ୟୁବ, ଅନଲାଇନ କୋର୍ସ ଏବଂ କୋଚିଂ ଫିସରୁ ଆସିଥାଏ।
ତାଙ୍କ ଆୟର ସବୁଠାରୁ ବଡ଼ ମାଧ୍ୟମ ହେଉଛି ୟୁଟ୍ୟୁବ ପ୍ଲାଟଫର୍ମ “Khan GS Research Centre”। ଏହାର ପ୍ରାୟ ୨.୫ କୋଟି ସବ୍ସ୍କ୍ରାଇବର୍ସ ଅଛନ୍ତି। ଆଡ ରେଭେନ୍ୟୁ (ବିଜ୍ଞାପନ ଆୟ), ବ୍ରାଣ୍ଡ ପାର୍ଟନରସିପ ଏବଂ ସୁପର ଚାଟ୍ସ ଭଳି ଦର୍ଶକଙ୍କ ସହଯୋଗରୁ ତାଙ୍କର ମାସିକ ଆୟ ୧୦ ରୁ ୨୦ ଲକ୍ଷ ଟଙ୍କା ଅଟେ। ତାଙ୍କ କୋଚିଂରେ UPSC ପ୍ରସ୍ତୁତି କରୁଥିବା ଛାତ୍ରଛାତ୍ରୀଙ୍କ ଠାରୁ ୭୦ ହଜାରରୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଫିସ ନିଆଯାଏ। ଏହା ସହିତ ସେ ଏକାଦଶ, ଦ୍ୱାଦଶ ଏବଂ NEET ପ୍ରସ୍ତୁତି ପାଇଁ ସୱତନ୍ତ୍ର ବ୍ୟାଚ ମଧ୍ୟ ଚଲାନ୍ତି।
ଖାନ ସାର୍ “ଦ ଗ୍ରେଟ ଇଣ୍ଡିଆନ କପିଲ ଶୋ” (The Great Indian Kapil Show) ରେ ପ୍ରକାଶ କରିଥିଲେ ଯେ ତାଙ୍କୁ ୧୦୭ କୋଟି ଟଙ୍କାର ଏକ ଅଫର୍ ମିଳିଥିଲା, ଯାହାକୁ ସେ ପ୍ରତ୍ୟାଖ୍ୟାନ କରିଦେଇଥିଲେ। ଖାନ ସାର୍ କହିଥିଲେ ଯେ ପ୍ରାରମ୍ଭିକ ଦିନରେ ତାଙ୍କୁ ବହୁତ ସଂଘର୍ଷ କରିବାକୁ ପଡ଼ିଥିଲା। ଆଜି ମଧ୍ୟ ହଜାର ହଜାର ଛାତ୍ରଛାତ୍ରୀଙ୍କୁ ଏଭଳି ସ୍ଥିତି ଦେଇ ଗତି କରିବାକୁ ପଡ଼ୁଛି। ଏହି କାରଣରୁ ସେ ନିଜେ ଅଧିକ ପଇସା ରୋଜଗାର କରିବା ପରିବର୍ତ୍ତେ ଅନ୍ୟ ପିଲାମାନଙ୍କୁ କମ୍ ମୂଲ୍ୟରେ ପଢ଼ାଇବାକୁ ନିଷ୍ପତ୍ତି ନେଇଥିଲେ।
