ଚଣ୍ଡିଗଡ଼,୩।୧: ପଞ୍ଜାବରେ ଖଲିସ୍ତାନ ସମର୍ଥନରେ ପୁଣି ଥରେ ସ୍ବର ଉଠିଛି। ସହରର କାନ୍ଥରେ ଖଲିସ୍ତାନଙ୍କ ସମର୍ଥନରେ ଏକ ସ୍ଲୋଗାନ୍ ଲେଖାହୋଇଛି। ମୁକ୍ତସର ସାହିବର ଏସ୍ଏସ୍ପି କାର୍ଯ୍ୟାଳୟର କାନ୍ଥରେ ଏହି ସ୍ଲୋଗାନ୍ ଲେଖାଯାଇଥିବା ଦେଖିବାକୁ ମିଳିଛି। ଲଗାତର ପଞ୍ଜାବର ମାହୋଲକୁ ଖରାପ୍ କରିବାକୁ ଉଦ୍ୟମ କରାଯାଉଛି। ଇତିମଧ୍ୟରେ ମଙ୍ଗଳବାର ଶିଖ୍ ଫର୍ ଜଷ୍ଟିସ୍ (ଏସ୍ଏଫ୍ଜେ) ପକ୍ଷରୁ ଏକ ଭିଡିଓ ଜାରି କରାଯାଇଛି। ଉକ୍ତ ଭିଡିଓରେ କୁହାଯାଇଛି ଯେ, ଘରେ ଘରେ ଆତଙ୍କ ଜିନିଷ ପହଞ୍ଚିସାରିଛି। ଏଥିସହ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ମଧ୍ୟ ଧମକ ଦିଆଯାଇଛି। ଏଥିରେ ଭାରତ ଯୋଡୋ ଯାତ୍ରାକୁ ବନ୍ଦ କରିଦେବା ପାଇଁ କୁହାଯାଇଛି। ସୂଚନାଯୋଗ୍ୟ, ଜାନୁଆରୀର ଦ୍ୱିତୀୟ ସପ୍ତାହ ଅର୍ଥାତ୍ ୧୧ ତାରିଖରେ ପଞ୍ଜାବରେ ରାହୁଲ ଗାନ୍ଧୀଙ୍କ ଯାତ୍ରା ଆରମ୍ଭ ହେବାକୁ ଯାଉଛି। ତେବେ ଏହା ଦ୍ୱିତୀୟ ଥର ଯେଉଁଠାରେ ରାହୁଲଙ୍କୁ ଧମକ ମିଳିଛି। ରାହୁଲଙ୍କୁ ଚେତାବନୀ ଦିଆଯାଇଛି ଯେ, ପଞ୍ଜାବ ରାସ୍ତାରେ ଚାଲିକି ଦେଖାଅ। ଯେଉଁ ବମ୍ ମୁଖ୍ୟମନ୍ତ୍ରୀ ଭଗଓ୍ବାନ୍ତ ମାନଙ୍କ ବାସଭବନ ନିକଟ ପାର୍କରେ ମିଳିଥିଲା, ତାହା ହ୍ୟାଲିପ୍ୟାଡରେ ମଧ୍ୟ ମିଳିପାରେ ବୋଲି ଉକ୍ତ ଭିଡିଓରେ କୁହାଯାଇଛି। ଏହାପୂର୍ବରୁ ମଧ୍ୟ ସମର୍ଥକମାନେ କାନ୍ଥରେ କିଛି ଏଭଳି ସ୍ଲୋଗାନ୍ମାନ ଲେଖିଥିବା ଘଟଣା ସାମ୍ନାକୁ ଆସିସାରିଛି।
