କେସିଙ୍ଗା,୩୦।୭(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକର ସବୁଠାରୁ ଜଳମଗ୍ନ ଅଞ୍ଚଳ ହେଉଛି ବେଲଖଣ୍ଡି, ହାତୀଖୋଜ, ସିର୍ଜା ପାଳି ଅଞ୍ଚଳରେ ଲଗାଣ ବର୍ଷାରେ ରାସ୍ତା ଘାଟ ଜଳମଗ୍ନ ହୋଇଥିବାରୁ ଗମନାଗମନ କ୍ଷେତ୍ରରେ ଘୋର ସମସ୍ୟା ଦେଖା ଦେଇଛି। ଜୁଲାଇ ମାସର ଶେଷ ସପ୍ତାହରେ ହୋଇଥିବା ଲଘୁଚାପଜନିତ ବର୍ଷାରେ କେସିଙ୍ଗା ବ୍ଲକ ଅନ୍ତର୍ଗତ ବେଲଖଣ୍ଡି-ସିରଜାପାଲି ଏବଂ ହାତୀଖୋଜ ଏହି ତିନିଟି ଗ୍ରାମ ପଞ୍ଚାୟତରେ ପ୍ରାୟ ୫ ଶହ ହେକ୍ଟରରୁ ଅଧିକ ଚାଷ ଜମି ଜଳମଗ୍ନ ହୋଇଥିବା ଦେଖୁବାକୁ ମିଳିଛି।
ଜୁଲାଇ ତୃତୀୟ ସପ୍ତାହରୁ ଚାଷୀ ଧାନ ବିହୁଡା କାର୍ଯ୍ୟ ଆରମ୍ଭ କରିଥିବାବେଳେ ଲଘୁଚାପ ଜନିତ ବର୍ଷାରେ ପ୍ରାୟ ପାଞ୍ଚ ଦିନ ଧରି ଜଳମଗ୍ନ ହୋଇ ବୁଡି ରହିଥିବା ଯୋଗୁ ଧାନ ସବୁ ପଚି ଯାଇଥୁବା ଦେଖୁବାକୁ ମିଳିଛି I ଅତ୍ୟଧିକ ବର୍ଷା ଯୋଗୁ ତେଲ ନଦୀରେ ବିପଦସଂକୁଳ ଚିହ୍ନଠାରୁ ଅତ୍ୟଧିକ ବଢି ଯାଇଥିବାରୁ ବନ୍ୟା ପରିସ୍ଥିତି ଉପୁଜିଥିବାରୁ ଚାଷ ଜମିରେ ଜଳମଗ୍ନ ହୋଇଛି। ାଣିନଦୀ ଭିତରକୁ ଯାଇ ନ ପାରି ପାଣି ଜମା ହୋଇଯାଇଛି। ଯାହା ଫଳରେ ଧାନ ଚାଷ ବ୍ୟାପକ କ୍ଷତି ହୋଇଛି। ଚାଷୀଙ୍କ କଥା କିଏ ବୁଝିବାକୁ ନାହିଁ। କେସିଙ୍ଗା ବ୍ଲକର ୨୬ଟି ଗ୍ରାମ ପଞ୍ଚାୟତ ମଧ୍ୟରୁ ବେଲଖଣ୍ଡି, ତୁର୍ଳାଖମାନ, ହାତୀଖୋଜ, ସିର୍ଜା ପାଲି, ନୁନ ମାଠ,ସମେତ ଅନେକ ଗ୍ରାମରେ ଥିବା ବାହାଲ ଜମିରେ ପାଣି ବଢି ଯାଇଛି। ଧାନ ଗଜା ନଷ୍ଟ ହେବାର ବହୁ ସମ୍ଭାବନା ରହିଛି। କେସିଙ୍ଗାର ରେଲୱେ ବ୍ରିଜରେ ସାଢେ ୬ ଫୁଟ ପାଣି ପ୍ରବାହିତ ହେଉଥିବାରୁ ହଜାର ଗାଡି ମୋଟର ଜାତୀୟ ରାଜପଥ ୨୬ ଉପରେ ଅଟକି ରହିଛି।
ଆଜି ସକାଳେ କଳାହାଣ୍ଡି ଜିଲା ପାଳ ସଚିନ ପାୱାର ପ୍ରକାଶ ବର୍ଷା ପ୍ରଭାବିତ ଅଞ୍ଚଳକୁ ପରିଦର୍ଶନରେ ଯାଉଥିଲାବେଳେ କେସିଙ୍ଗା ରେଲୱେ ଫାଟକରେ ପ୍ରବଳ ଭିଡ ଯୋଗୁ ପ୍ରାୟ ଅଧ ଘଣ୍ଟା ଅଟକି ରହି ବେଲଖଣ୍ଡି ଅଭିମୁଖେ ପରିଦର୍ଶନରେ ଯାଇଛନ୍ତି। କେସିଙ୍ଗା ସହର ୱାର୍ଡ ନ ୩ ଓ ରେଲୱେ ବ୍ରିଜ ପଡାରେ ଜଳମଗ୍ନ ରହିଛି। ଜାତୀୟ ରାଜପଥ ୨୬ରେ ଯାନବାହନ ଓ ଲୋକଙ୍କ ଭିଡ଼ ଜମି ରହିଛି। ଖବର ପାଇ ଜିଲାପାଳଙ୍କ ସମେତ ଅଧିକାରୀମାନେ ବ୍ଲକର ବିଭିନ୍ନ ଗ୍ରାମ ପରିଦର୍ଶନରେ ଯାଇଛନ୍ତି।
Dharitri – Odisha’s No.1 Odia Daily
