କେସିଙ୍ଗା,୧୭ା୨(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ସିଟିଜେନ ଫୋରମ ପକ୍ଷରୁ ଟିଟିଲାଗଡ଼ ବିଧାୟକ ନବୀନ କୁମାର ଜୈନଙ୍କୁ ୩ଦଫା ଦାବିପତ୍ର ରବିବାର ପ୍ରଦାନ କରାଯାଇଛି । ଏହି ପରିପ୍ରେକ୍ଷୀରେ ସହରସ୍ଥିତ ସରକାରୀ ହାଇସ୍କୁଲ ପରିସରରେ ସିଟିଜେନ୍ ଫୋରମ୍ର ସଭାପତି ଡ.ହେମରାଜ ସାହାଙ୍କ ନେତୃତ୍ୱରେ ଏକ ବୈଠକ କରାଯାଇଥିଲା। ଟିଟିଲାଗଡ଼ ନିର୍ବାଚନ ମଣ୍ଡଳୀର ବିଧାୟକ ନବୀନ କୁମାର ଜୈନଙ୍କୁ ନିମନ୍ତ୍ରଣ କରାଯାଇ ଥିଲା। ବିଧାୟକ ଏହି ସମସ୍ୟା ଉପରେ ଦୃଷ୍ଟି ଦେବା ପାଇଁ ପ୍ରତିଶ୍ରୁତି ଦେଇଛନ୍ତି।
ଏହି ପରିପେକ୍ଷୀରେ ସଙ୍ଗଠନ କେସିଙ୍ଗା-ଟିଟିଲାଗଡ଼ ରାସ୍ତା ସହିତ ଜଡିତ କେତେ ସମସ୍ୟା ସମ୍ପର୍କରେ ଅବଗତ କରାଇବା ସହିତ ତା’ର ସମାଧାନ ପାଇଁ ବିଧାୟକଙ୍କ ଦୃଷ୍ଟି ଆକର୍ଷଣ କରାଯାଇଥିଲା। ତେଲନଦୀ ଉପରେ ବ୍ରିଜ ନିର୍ମାଣ ଫଳରେ କେସିଙ୍ଗା-ଟିଟିଲାଗଡ଼ ରାସ୍ତାର ଗୁରୁତ୍ୱ ବହୁ ପରିମାଣରେ ବୃଦ୍ଧି ପାଇଛି। ଖୁବ୍ କମ ସମୟ ମଧ୍ୟରେ କେସିଙ୍ଗା ଓ ଟିଟିଲାଗଡ଼କୁ ଯାତାୟାତ ପାଇଁ ଏହି ରାସ୍ତା ବିଶେଷ ସହାୟକ ହୋଇପାରିଛି। କିନ୍ତୁ ରାସ୍ତାର କେତେକ ସ୍ଥାନରେ ସଂକୀର୍ଣ୍ଣତା ଓ ଅତ୍ୟଧିକ ବୁଲାଣି ତଥା କତରକେଲା ଥିବା ରେଳ ଫାଟକ ସମସ୍ତ ଯାତ୍ରୀଙ୍କ ପାଇଁ ସମସ୍ୟା ଦୃଷ୍ଟି କରୁଛି। ଏହି ରାସ୍ତା ତଥା କତରକେଲାଠାରେ ଓଭରବ୍ରିଜ୍ ନିର୍ମାଣ ପାଇଁ ଦାବି କରାଯାଇଛି।
କେସିଙ୍ଗା-ଟିଟିଲାଗଡ଼ ରାସ୍ତା ଦୁଇ ସହରର ଦୂରତ୍ୱକୁ ହ୍ରାସ କରିଛି, କିନ୍ତୁ ବର୍ତ୍ତମାନ କତରକେଲାରେ ଥିବା ରେଳ ଫାଟକ ଲୋକଙ୍କ ପାଇଁ ବଡ଼ ସମସ୍ୟା ଭାବରେ ଠିଆହୋଇଛି। ଏହି ଲାଇନରେ ଟ୍ରେନ୍ ଚଳାଚଳ ଅଧିକ ଥିବାରୁ ଅନେକ ସମୟରେ ଫାଟକ ବନ୍ଦ ରହୁଛି। ଫଳରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ମୁଖ୍ୟତଃ ଟିଟିଲାଗଡ଼କୁ ଟ୍ରେନ୍ ଚଢ଼ିବା ପାଇଁ ଯାତ୍ରୀମାନଙ୍କ ଅସୁବିଧା ହେଉଛି। ତେଣୁ ଏହି ସ୍ଥାନରେ ବ୍ରିଜ୍ ନିର୍ମାଣ ନିତାନ୍ତ ଆବଶ୍ୟକ ରହିଛି। ଏହିସ୍ଥାନରେ ଓଭରବ୍ରିଜ ନିର୍ମାଣ ପାଇଁ ସଙ୍ଗଠନର ସଭାପତି ଡ. ହେମ ସାଗର ସାହା କିଛି ଦିନ ତଳେ ମାନ୍ୟନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଗୋଟିଏ ଦାବିପତ୍ର ପ୍ରଦାନ କରିଛନ୍ତି। ତେଣୁ ଏହି କାର୍ଯ୍ୟକୁ ତ୍ୱରାନ୍ବିତ କରିବା ପାଇଁ ସଙ୍ଗଠନ ପକ୍ଷରୁ ଦାବି କରାଯାଇଛି। କେସିଙ୍ଗା-ଟିଟିଲାଗଡ଼ ରାସ୍ତାର ଆବଶ୍ୟକ ପ୍ରଶସ୍ତୀକରଣ ଯଦିଓ ଏହି ରାସ୍ତାର ଦୂରତ୍ୱ କମିଛି ମାତ୍ର କେତେକ ସ୍ଥାନରେ ଭୟଙ୍କର ବୁଲାଣି, ସଂକୀର୍ଣ୍ଣ ରାସ୍ତା ଓ ବିପଦସଂକୁଳ ମୋଡ଼ ଗାଡି ଚାଳନା ପାଇଁ ଅସୁବିଧା ସୃଷ୍ଟି କରୁଛି। ରାସ୍ତାକୁ ଚଉଡ଼ା କରାଯିବା ଆବଶ୍ୟକ।
କେସିଙ୍ଗା-ଟିଟିଲାଗତ ରାସ୍ତା ଲୋକମାନଙ୍କର ଗମନାଗମନ ପାଇଁ ସୁବିଧା ରହିବା ସହ ଚାଷୀ, ଛାତ୍ରୀଛାତ୍ର, ଯାତ୍ରୀ, ବ୍ୟବସାୟୀ ଓ ଚିକିତ୍ସା ପାଇଁ ଯାଉଥିବା ପାଇଁ ଏହି ରାସ୍ତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ। ତେଣୁ ସମସ୍ତ ଜନସାଧାରଣଙ୍କ ଅଗ୍ରାଧିକାର ଦେଇ ଏହି ରାସ୍ତାର ପ୍ରଶସ୍ତିକରଣ, ମରାମତି ଓ କତରକେଲାଠାରେ ବ୍ରିଜ ନିର୍ମାଣକୁ ଅଗ୍ରାଧିକାର ଭିତ୍ତିର କାର୍ଯ୍ୟ ଆରମ୍ଭ ନେଇ ପଦକ୍ଷେପ ନେବାକୁ ସଂଗଠନ ପକ୍ଷରୁ ଅନୁରୋଧ କରାଯାଇଛି। ସଂଗଠନ ସାଧାରଣ ସମ୍ପାଦକ ବି.ଚନ୍ଦ୍ରଶେଖର ଆଚାରୀ ଦାବିପତ୍ର ପଠନ କରି ଥିଲେ। ବିନାୟକ ପ୍ରକାଶ ନାୟକ ଧନ୍ୟବାଦ ଦେଇଥିଲେ। ଏଥିରେ ସଂଗଠନର ସମସ୍ତ କର୍ମକର୍ତ୍ତା ଯୋଗଦାନ କରିଥିଲେ।
