ମୁମ୍ବାଇ,୧୫।୯: ବଲିଉଡ ଅଭିନେତ୍ରୀ କଟ୍ରିନା କୈଫ୍ ଓ ଅଭିନେତା ଭିକି କୌଶଲ ସେମାନଙ୍କ ପ୍ରଥମ ସନ୍ତାନକୁ ଆଗମନ କରିବାକୁ ଅପେକ୍ଷା କରିଛନ୍ତି। ଦମ୍ପତି ଏ ନେଇ କୌଣସି ଘୋଷଣା କରିନାହାନ୍ତି, କିନ୍ତୁ ରିପୋର୍ଟ ଅନୁଯାୟୀ କଟ୍ରିନାଙ୍କ ପ୍ରଥମ ସନ୍ତାନ ଅକ୍ଟୋବର-ନଭେମ୍ବରରେ ଜନ୍ମ ନେବ।
କଟ୍ରିନାଙ୍କ ଗର୍ଭଧାରଣ ନେଇ ମାସକେ ଧରି ଚର୍ଚ୍ଚା ଜୋର ଧରିଛି, କିନ୍ତୁ ଦମ୍ପତି ଏ ବିଷୟରେ ମୌନ ରହିଛନ୍ତି। କଟ୍ରିନା ଏବେ ଲୋକଦୃଷ୍ଟିରୁ ଦୂରେଇ ରହୁଛନ୍ତି ଏବଂ ସୂଚନା ଅନୁଯାୟୀ, ସନ୍ତାନ ଜନ୍ମ ପରେ ସେ ଦୀର୍ଘ ମାତୃତ୍ୱ ଛୁଟି ନେବେ ଓ ଜଣେ ସକ୍ରିୟ ମା’ ହେବାକୁ ଚାହୁଁଛନ୍ତି।
ପୂର୍ବରୁ ଭିକି କୌଶଲ ତାଙ୍କ ଚଳଚ୍ଚିତ୍ର ‘ବ୍ୟାଡ୍ ନ୍ୟୁଜ୍’ର ଟ୍ରେଲର ଲଞ୍ଚ ସମୟରେ ଗର୍ଭଧାରଣ ଗୁଜବକୁ ଖଣ୍ଡନ କରି କହିଥିଲେ, “ଯେତେବେଳେ ଖୁସି ଖବର ଆସିବ, ଆମେ ନିଶ୍ଚିତ ଭାବେ ଆପଣଙ୍କ ସହ ସେୟାର କରିବୁ।”
କଟ୍ରିନା ଓ ଭିକି ୨୦୨୧ରେ ରାଜସ୍ଥାନର ସିକ୍ସ ସେନ୍ସେସ ଫୋର୍ଟ ବରୱାରାରେ ବିବାହ କରିଥିଲେ। ଭିକି ଶେଷ ଥର ପାଇଁ ‘ଛାଓ୍ଵା’ ଚଳଚ୍ଚିତ୍ରରେ ଓ କଟ୍ରିନା ‘ମେରୀ କ୍ରିସ୍ମସ୍’ରେ ଦେଖାଦେଇଥିଲେ।
