ଆଉ କେଇଟା ସେକେଣ୍ଡରେ ପଡିଥାନ୍ତା ହାତଗଣ୍ଠି। ଝିଅରୁ ହୋଇଯାଇଥାନ୍ତେ ସ୍ତ୍ରୀ, ହେଲେ ବିବାହ ବେଦୀରେ ଝିଅଙ୍କ ଏମିତି କାଣ୍ଡକାରନାମା, ଶୁଣିକି ସମସ୍ତଙ୍କ ମଥା ଗୋଲ। ବରଙ୍କୁ ହେବାକୁ ପଡ଼ିଶା ଶିଶୁପାଳ।
ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି କର୍ଣ୍ଣାଟକ ହାସନ ଜିଲାରେ। ଜଣେ କନ୍ୟା ବିବାହ ମଣ୍ଡପରେ ପହଞ୍ଚିବା ପରେ ଶେଷ ମୁହୂର୍ତ୍ତରେ ଏପରି ନିଷ୍ପତ୍ତି ନେଲେ ଯେ ସମସ୍ତେ ଆଶ୍ଚର୍ଯ୍ୟ । ଏହା ଫିଲ୍ମ କାହାଣୀ ପରି ମନେହେଉଥିଲେ ମଧ୍ୟ ସମ୍ପୂର୍ଣ୍ଣ ବାସ୍ତବ। ହାସନର ବୁୱନହଲ୍ଲୀ ଗାଁର ପଲ୍ଲବୀ ଏବଂ ଆଲୁର ଅଞ୍ଚଳର ବେଣୁଗୋପାଳଙ୍କ ବିବାହ ଚାଲିଥିଲା। ବିବାହର ରୀତିନୀତି ଚାଲିଥିବା ବେଳେ, ଯେତେବେଳେ ବରା କନ୍ୟାଙ୍କୁ ମଙ୍ଗଳସୂତ୍ର ପିନ୍ଧାଇବାକୁ ପ୍ରସ୍ତୁତ ହେଲେ, ଝିଅ ତାଙ୍କୁ ବିବାହ କରିବାକୁ ସିଧାସଳଖ ମନା କରିଦେଲେ।
ସମସ୍ତେ କିଛି ବୁଝିବା ପୂର୍ବରୁ, କନ୍ୟା ଅନ୍ୟ କାହାକୁ ଭଲ ପାଆନ୍ତି ବୋଲି କହିଦେଲେ। ପରେ ନିଷ୍ପତ୍ତିରେ ଅଟଳ ରହିଲେ। ସେ ଏହା ମଧ୍ୟ କହିଲେ ସେ ସେହି ପୁଅ ସହିତ ତାଙ୍କ ଜୀବନ ବିତାଇବାକୁ ଚାହାଁନ୍ତି। ଝିଅଙ୍କ ପରିବାର ତାକୁ ବୁଝାଇବାକୁ ଚେଷ୍ଟା କରିଥିଲେ କିନ୍ତୁ ଝିଅ ତାଙ୍କ ନିଷ୍ପତ୍ତିରେ ଅଟଳ ରହିଲେ।
ମାମଲା ବଢ଼ିବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଝିଅଟି ସହିତ କଥା ହେବା ପରେ, ପୋଲିସ ତାଙ୍କ ପ୍ରେମିକଙ୍କୁ ଘଟଣାସ୍ଥଳକୁ ଡାକିଲା। ପରେ ଏ ନେଇ ଆଲୋଚନା ହେଲା।
