Posted inଜାତୀୟ

କର୍ନାଟକ ବିଧାନସଭା ନିର୍ବାଚନ: କିଙ୍ଗମେକର୍‌ ସାଜିବ କି ଜେଡିଏସ? ଏମିତି ହୋଇପାରେ ସମୀକରଣ

ବେଙ୍ଗାଲୁରୁ,୧୦।୫: କର୍ନାଟକରେ ବିଧାନସଭା ନିର୍ବାଚନ ପାଇଁ ବୁଧବାର ମତଦାନ ଜାରି ରହିିଛି। ସବୁ ଦଳ ଗତ ୨ ମାସ ଧରି ରାଜ୍ୟରେ କ୍ଷମତାକୁ ଆସିବା ପାଇଁ ପ୍ରଚାରରେ ସବୁ ପ୍ରକାର ରଣ କୌଶଳ ଲଗାଇ ଦେଇଛନ୍ତି। ବିଭିନ୍ନ ପାର୍ଟି ନିଜ ନିଜ ଅନ୍ଦାଜରେ ଭୋଟରଙ୍କ ମନ ଜିଣିିବାକୁ ଚେଷ୍ଟା କରିଛନ୍ତି। ତେବେ ଏହି ନିର୍ବାଚନରେ ଜେଡିଏସର ଭୂମିକା ଉପରେ ସମସ୍ତଙ୍କର ନଜର ରହିଛି। କାହିଁକି ନା ଯଦି ଭାଜପା ଓ କଂଗ୍ରେସ ମ୍ୟାଜିକ୍‌ ସଂଖ୍ୟା ଛୁଇଁ ନ ପାରନ୍ତି ତେବେ ଜେଡିଏସ କିଙ୍ଗମେକର୍‌ ଭୂମିକାରେ ଆସିବ।

କର୍ନାଟକର ୨୨୪ଟି ବିଧାନସଭା ଆସନ ପାଇଁ ମୋଟ ୨୬୧୫ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବାକୁ ଯାଉଛି। ପ୍ରାର୍ଥୀଙ୍କ ମଧ୍ୟରେ ୨,୪୩୦ଜଣ ପୁରୁଷ ଏବଂ ୧୮୪ଜଣ ମହିଳା ଏବଂ ଜଣେ ପ୍ରାର୍ଥୀ ତୃତୀୟ ଲିଙ୍ଗର ଅଛନ୍ତି।
କର୍ନାଟକରେ ୫୮,୫୪୫ଟି ମତଦାନ କେନ୍ଦ୍ର ଅଛି। ଯେଉଁଥିରେ ସମୁଦାୟ ୫,୩୧,୩୩,୦୫୪ ଭୋଟର ମତଦାନ କରିବେ। କର୍ନାଟକରେ ଏଥର ୨,୬୭,୨୮,୦୫୩ ପୁରୁଷ ଭୋଟର, ୨,୬୪,୦୦,୦୭୪ ମହିଳା ଭୋଟର ଏବଂ ୧୧,୭୧,୫୫୮ ଜଣ ଯୁବବର୍ଗ ଭୋଟର ଥିବାବେଳେ ୫,୭୧,୨୮୧ଜଣ ଭିନ୍ନକ୍ଷମ ଏବଂ ୧୨,୧୫,୯୨୦ ଭୋଟର ୮୦ ବର୍ଷରୁ ଅଧିକ ଥିବା ଜଣାପଡିଛି।

କର୍ନାଟକ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ସମସ୍ତ ଦଳ ମଧ୍ୟରେ ଭାଜପା ଏବଂ କଂଗ୍ରେସ ମଧ୍ୟରେ ଏଥର ଘମାଘୋଟ ଲଢେଇ ହେବାର ଦେଖାଯାଉଛି। ଏଥି ସହିତ ରାଜ୍ୟର ପ୍ରମୁଖ ଆଞ୍ଚଳିକ ଦଳ ଥିବା ଜେଡିଏସ ମଧ୍ୟ ନିର୍ବାଚନ ପ୍ରଚାରରେ ପୁରା ଦମ୍‌ ଲଗାଇ ଦେଇଛି। ଭାଜପାର ବହୁ ହେଭିଓ୍ବେଟ ନେତା କ୍ଷମତାକୁ ଫେରିବା ପାଇଁ ପ୍ରଚାରରେ ନିଜର ଶକ୍ତି ପ୍ରଦର୍ଶନ କରିଛନ୍ତି।
ଏଥି ସହିତ କଂଗ୍ରେସ ପାର୍ଟି ସଭାପତି ମଲ୍ଲିକାର୍ଜୁନ ଖାର୍ଗେ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରାଙ୍କ କର୍ନାଟକରେ ଧୁଆଁଧାର ପ୍ରଚାର କରିଛନ୍ତି। ୨୦୨୪ ନିର୍ବାଚନ ପୂର୍ବରୁ କର୍ନାଟକ ନିର୍ବାଚନ ଉଭୟ ଦଳ ପାଇଁ ସେମିଫାଇନାଲ ଭାବେ ଦେଖାଯାଉଛି। ନିର୍ବାଚନରେ ଭାଜପା ଏବଂ କଂଗ୍ରେସ ମ୍ୟାଜିକ୍‌ ନମ୍ବର ନ ଛୁଇଁ ପାରିଲେ ଜେଡିଏସ୍‌କୁ କିଙ୍ଗ୍‌ମେକର୍‌ ଭାବେ ଦେଖାଯିବ।

ଜେଡିଏସ ପୁରୁଣା ମହୀଶୂରର କେତେକ ଅଞ୍ଚଳ ଏବଂ କର୍ନାଟକର ବିଭିନ୍ନ ସିଟ୍‌ରୁ ୨୦୦୮ରୁ ନିର୍ବାଚନ ଲଢୁଛି। ପୁରୁଣା ମହୀଶୂର ଅଞ୍ଚଳରେ ଭାଜପାର ସ୍ଥିତି ଦୁର୍ବଳ ରହିଛି। ଏଠାରେ କଂଗ୍ରେସ ଓ ଜେଡିଏସ୍‌ ପରସ୍ପରକୁ ଟକ୍କର ଦେବେ। ପୁରୁଣା ମହୀଶୂର ଅଞ୍ଚଳରେ ଭୋକାଲିଗା ସମ୍ପ୍ରଦାୟ ଦବ୍‌ଦବା ଅଧିକ ରହିଛି। ଏମାନଙ୍କ ଭୋଟର ସ୍ବତନ୍ତ୍ର ଭାବେ ୬୧ଟି ଆସନ ପୁରୁଣା ମହୀଶୂର ଅଞ୍ଚଳର ରହିଆସିଛି। ଭୋକାଲିଗା ସମ୍ପଦ୍ରାୟ ଜେଡିଏସ୍‌ର ପାରମ୍ପାରିକ ଭୋଟର ଭାବେ ଜଣାଶୁଣା। ତେଣୁ ଜେଡିଏସ୍‌ ଏଠାରେ ଭଲ ପ୍ରଦର୍ଶନ କରିବ।

ମୁସଲିମ୍‌ ସିଟ୍‌ରେ ଏଆଇଏମଆଇଏମ୍‌ ଏବଂ ଏସ୍‌ଡିପିଆଇ ଦଳ କର୍ନାଟକ ନିର୍ବାଚନ ମଇଦାନକୁ ଓହ୍ଲାଇଛି। ସେହିପରି କେଆରପିପି ଏବଂ ଏଏପି ପାର୍ଟି ମଧ୍ୟ ନିର୍ବାଚନ ଲଢୁଛନ୍ତି। ଏହାଦ୍ୱାରା ଅତିକମ୍‌ରେ ୫୦ଟି ସିଟ୍‌ ଏହି ଦଳ ମଧ୍ୟରେ ଭାଗ ଭାଗ ହୋଇପାରେ ଯାହା ବିଶେଷ କରି କଂଗ୍ରେସ ଏବଂ ଜେଡିଏସ ପାଇଁ ବିପଦ ଆଣିପାରେ।

ଦେଶର ଦକ୍ଷିଣ ଇଲାକାରେ ନିଜର ଦୁର୍ଗ ବଞ୍ଚାଇବା ପାଇଁ ଭାଜପା ପାଇଁ ଏହି ନିର୍ବାଚନ ଚ୍ୟାଲେଞ୍ଜପୂର୍ଣ୍ଣ ରହିବ। ଦକ୍ଷିଣରେ ଥିବା ୬ଟି ରାଜ୍ୟ ମଧ୍ୟରୁ ଭାଜପା ଦୂର୍ବଳ ରହିଛି। ୨୦୧୪ ପରଠାରୁ ଦେଶର ଅଧିକାଂଶ ରାଜ୍ୟରେ ଭାଜପା ଏକାକୀ ସରକାର ଗଠନ କରିଛି କିମ୍ବା ମେଣ୍ଟ ସରକାର ହୋଇଛିି। କିନ୍ତୁ ଏପର୍ଯ୍ୟନ୍ତ ଦକ୍ଷିଣ ଭାରତର ଦୁର୍ଗ ଜିତିବାରେ ଭାଜପା ସଫଳତା ପାଇପାରି ନାହିଁ।

କଂଗ୍ରେସ ପାଇଁ ଦକ୍ଷିଣ ଇଲାକାରେ ସରକାର ଗଠନ କରିବା ଆହ୍ବାନ ରହିବ। ନିର୍ବାଚନ ପାଇଁ କଂଗ୍ରେସ ନିଜର ପ୍ରଚାର ଅଭିଯାନକୁ ଜୋରଦାର କରିଥିଲା। ଏଥିସହ ମୁସଲିମ ସଂରକ୍ଷଣ ଏବଂ ବଜରଙ୍ଗ ଦଳକୁ ନିଷିଦ୍ଧ କରିବା ଭଳି ଅନେକ ପ୍ରତିଶ୍ରୁତି ଦେଇ ଭାଜପାକୁ ପ୍ରତିପକ୍ଷ ଆକ୍ରମଣ କରିବାକୁ ସୁଯୋଗ ଦେଇଥିଲା।

ସଭାପତି ମଲ୍ଲିକାର୍ଜୁନ ଖାର୍ଗେଙ୍କ ଘର ହେଉଛି କର୍ନାଟକ। ତେଣୁ ନିର୍ବାଚନ ପାଇଁ ଦଳକୁ ପରିଚାଳନା କରିବା ନେଇ ତାଙ୍କ ଉପରେ ଅନେକ ଚାପ ରହିଛି। ଖାର୍ଗେଙ୍କୁ ନିଜ ଗୃହରାଜ୍ୟରେ ପାର୍ଟିକୁ ଜିତାଇବା ତାଙ୍କ ସମ୍ମୁଖରେ ଆହ୍ବାନ ରହିଛି। ତାଙ୍କ ଗୃହରାଜ୍ୟରେ କଂଗ୍ରେସ ପରାଜିତ ହେଲେ, ତାଙ୍କ ନେତୃତ୍ୱକୁ ନେଇ ଅନେକ ପ୍ରଶ୍ନ ଉଠିବ।

୧୯୮୫ପରେ କୌଣସି ରାଜନୈତିକ ଦଳ ରାଜ୍ୟରେ କ୍ରମାଗତ ଦ୍ୱିତୀୟ ଥର ପାଇଁ କ୍ଷମତାକୁ ଫେରି ନାହାନ୍ତି। ୧୯୮୫ରେ ରାମକୃଷ୍ଣ ହେଗଡେଙ୍କ ନେତୃତ୍ୱରେ ଜନତା ପାର୍ଟି ଦ୍ୱିତୀୟ ଥର ପାଇଁ କ୍ଷମତାକୁ ଆସିଥିଲା। ତେବେ ୩୮ବର୍ଷ ପୁରୁଣା ଇତିହାସକୁ ପୁର୍ନଜୀବିତ କରିବା ପାଇଁ ଭାଜପା ତାର ପ୍ରୟାସ ଜାରି ରଖିଛି।


Enter your email to get our daily news in your inbox.

All Right Reserved By Dharitri.Com

୨୦୦୪ରେ ଭାଜପାର ଏହି ହେଭିଓ୍ବେଟ୍‌ ନେତାଙ୍କୁ ହରାଇ ହଇଚଇ ସୃଷ୍ଟି କରିଥିଲେ ଗୋବିନ୍ଦା, କିଛି ଏଭଳି ଥିଲା…

ନୂଆଦିଲ୍ଲୀ,୨୯।୩: ୧୪ ବର୍ଷର ବଡ଼ ବ୍ୟବଧାନ ପରେ ଅଭିନେତା ଗୋବିନ୍ଦା ପୁଣିଥରେ ରାଜନୀତିକୁ ଫେରିଛନ୍ତି। ଲୋକ ସଭା ନିର୍ବାଚନ ୨୦୨୪ର ଠିକ୍‌ ପୂର୍ବରୁ ସେ ଦ୍ୱିତୀୟ...

ରିଲ୍‌ ଲାଇଫର ‘ରାମ’ଙ୍କ ପରି ପୂର୍ବରୁ ‘ରାବଣ’ଙ୍କୁ ମଧ୍ୟ ଟିକେଟ୍‌ ଦେଇଛି ଭାଜପା, ଜାଣନ୍ତୁ ‘ଲଙ୍କେଶ’ଙ୍କ କିପରି ଥିଲା ରାଜନୈତିକ କ୍ୟାରିୟର

ମୁମ୍ବାଇ: ଚାରି ଦଶକ ପୂର୍ବରୁ ଟିଭି ସିରିଆଲରେ ଲୋକପ୍ରିୟ ହୋଇଥିଲା ରାମାୟଣ। ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ହିନ୍ଦୁଙ୍କ ରିଅଲ ଲାଇଫର...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

କଂଗ୍ରେସ ଏହି ଖୁସିକୁ ସହି ପାରିଲା ନାହିଁ, କାହିଁକି ଏମିତି କହିଲେ କଙ୍ଗନା

ଶିମଲା,୨୯।୩: ହିମାଚଳ ପ୍ରଦେଶର ମଣ୍ଡି ଲୋକ ସଭା ଆସନରୁ ଭାଜପା ପ୍ରାର୍ଥୀ ତଥା ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କୁ ନେଇ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେତ...

କଂଗ୍ରେସ ପରେ ବଢିଲା ଏହି ଦଳର ମୁଣ୍ଡବ୍ୟଥା, ଆୟକର ବିଭାଗରୁ ମିଳିଲା ନୋଟିସ

ନୂଆଦିଲ୍ଲୀ,୨୯।୩: କଂଗ୍ରେସ ପରେ ଏବେ ଅନ୍ୟ ଏକ ଦଳର ସମସ୍ୟା ବଢିଥିବା ସୂଚନା ମିଳିଛି। ଏହି ପାର୍ଟିକୁ ଆୟକର ବିଭାଗ ପକ୍ଷରୁ ଏକ ନୋଟିସ ମଧ୍ୟ...

ଆସିଲା ମୁଖତାର ଅନସାରୀଙ୍କ ପୋଷ୍ଟ ମର୍ଟମ ରିପୋର୍ଟ, ଏହି କାରଣ ପାଇଁ ହୋଇଛି ମୃତ୍ୟୁ

ବାନ୍ଦା,୨୯।୩: ମାଫିଆ ମୁଖତାର୍‌ ଅନସାରୀଙ୍କ ଶବ ବ୍ୟବଚ୍ଛେଦ ପରେ ହୃଦ୍‌ଘାତ ହେତୁ ତାଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି। ପୋଷ୍ଟମର୍ଟମ ଘରୁ ବାହାରକୁ ଆସିଥିବା ଡାକ୍ତରମାନେ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ଏହି ରାଜ୍ୟରେ ଭାଜପାକୁ ହେଲା ପ୍ରାର୍ଥୀଙ୍କ ଅଭାବ, କଂଗ୍ରେସ ନେତାଙ୍କୁ ବାଣ୍ଟିଦେଲା ୬୦ଭାଗ ଟିକେଟ୍‌!

ନୂଆଦିଲ୍ଲୀ,୨୯।୩: ମୁଣ୍ଡ ଉପରେ ନିର୍ବାଚନ। ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ପାର୍ଟିର ନେତାଙ୍କ ମଧ୍ୟରେ ଦଳବଦଳ କାର୍ଯ୍ୟକ୍ରମ ଖୁବ୍‌ ଜୋର୍‌ରେ ଜାରି ରହିଛି। ତେବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri