କର୍ଲାମୁଣ୍ଡା,୩।୧୦(ପ୍ରଦୀପ କୁମାର ସାହୁ): କଳାହାଣ୍ଡି ଜିଲ୍ଲାସ୍ତରୀୟ ବିଦ୍ୟାଳୟ ଖେଳକୁଦ ପ୍ରତିଯୋଗିତାରେ କର୍ଲାମୁଣ୍ଡା ବ୍ଲକକୁ ମିଳିଛି ବଡ଼ ସଫଳତା। ୧୭ ବର୍ଷରୁ କମ ବର୍ଗର ଫୁଟବଲ ପ୍ରତିଯୋଗିତାରେ କର୍ଲାମୁଣ୍ଡା ବ୍ଲକ ଟିମ ଚମ୍ପିୟାନ ହୋଇଛି। ଫାଇନାଲ ମ୍ୟାଚ୍ରେ କର୍ଲାମୁଣ୍ଡା ବ୍ଲକ ଟିମ୍ର ମୁକାବିଲା ଭବାନୀପାଟଣା ବ୍ଲକ ଟିମ ସହ ହୋଇଥିଲା। ରୋମାଞ୍ଚକର ମୁକାବିଲାରେ କର୍ଲାମୁଣ୍ଡା ଟିମ ବିଜୟୀ ହୋଇ ଚମ୍ପିୟାନ ଟ୍ରଫି ହାସଲ କରିଛି।
ବିଜୟୀ ଦଳକୁ କଳାହାଣ୍ଡି ତହସିଲଦାର କ୍ଷୀରୋଦ ବିହାରୀ ଭାରତ ନାଗଙ୍କ ସମେତ ଅନ୍ୟ ଅଧିକାରୀମାନେ ଉପସ୍ଥିତ ରହି ଟ୍ରଫି ପ୍ରଦାନ କରିଥିଲେ। କର୍ଲାମୁଣ୍ଡା ବ୍ଲକ ଫୁଟବଲ ଟିମ୍ର ଏହି ସଫଳତା ପାଇଁ ମ୍ୟାନେଜର ରାଜ କିଶୋର ରଣା, କୋଚ ସୁନୀଲ ବେହେରା, ବ୍ଲକ କ୍ରୀଡ଼ା ସମ୍ପାଦକ ପ୍ରଶାନ୍ତ ସାହୁ, ଲଳିତ ଗୌଡ଼ ପ୍ରମୁଖ ଖେଳାଳିମାନଙ୍କୁ ଅଭିନନ୍ଦନ ଜଣାଇଛନ୍ତି।
ସେହିପରି ଆଥଲେଟିକ୍ସରେ ମଧ୍ୟ କର୍ଲାମୁଣ୍ଡା ବ୍ଲକକୁ ସଫଳତା ମିଳିଛି। ରିସିଡାସ୍ଥିତ ଜେକେ ଉଚ୍ଚ ମାଧ୍ୟମିକ ବିଦ୍ୟାଳୟର ମାନସ ମାଝୀ, ପୀୟୁଷ କୁମାର ସା ଏବଂ ହରିପ୍ରିୟା ରଣା ଉତ୍ତମ ପ୍ରଦର୍ଶନ କରିଛନ୍ତି। ନିଜ ନିଜ ବର୍ଗରେ ଉଲ୍ଲେଖନୀୟ ପ୍ରଦର୍ଶନ କରିଥିବା ଏହି ତିନି ଖେଳାଳି ରାଜ୍ୟସ୍ତରୀୟ ପ୍ରତିଯୋଗିତା ପାଇଁ ମନୋନୀତ ହୋଇଥିବା ଜଣାପଡ଼ିଛି। ଏହି ସଫଳତା ପରେ କର୍ଲାମୁଣ୍ଡା ବ୍ଲକର କ୍ରୀଡ଼ାପ୍ରେମୀ ଓ ବିଦ୍ୟାଳୟ ମହଲରେ ଖୁସିର ମାହୋଲ ସୃଷ୍ଟି ହୋଇଛି।
Dharitri – Odisha’s No.1 Odia Daily
