ବମ୍ବେ: ବଲିଉଡର ପ୍ରଫେସନାଲ ଅଭିନେତ୍ରୀମାନଙ୍କ ମଧ୍ୟରୁ ଜଣେ ହେଲେ କରିନା କପୁର ଖାନ। ସେ ସର୍ବଦା ନିଜର ବ୍ୟକ୍ତିଗତ ଏବଂ କର୍ମ ଜୀବନକୁ ଅଲଗା ରଖିଥାନ୍ତି। ତେବେ ବେବୋ ଅନେକ ଫିଲ୍ମରେ ଲିପ୍ଲକ୍କୁ ହଁ କରିଥିବା ବେଳେ ଗୋଟିଏ ଫିଲ୍ମରେ ଅଜୟଙ୍କୁ କିସ୍ କରିବାକୁ ମନା କରିଦେଇଥିଲେ। ଫିଲ୍ମଟି ଥିଲା ‘ସତ୍ୟାଗ୍ରହ’। ୨୦୧୩ ରିଲିଜ ହୋଇଥିବା ଏହି ଫିଲ୍ମରେ ଅଜୟଙ୍କ ବିପକ୍ଷରେ ନାୟିକା ସାଜିଥିଲେ କରିନା। ହେଲେ ରିଲିଜର କିଛି ଦିନ ପୂର୍ବରୁ କରିନା-ସୈଫଙ୍କ ବିବାହ ହୋଇଥିଲା। ଉଭୟ ଶୁଟିଂ ଏବଂ ବିବାହ ପ୍ରସ୍ତୁତି କାମକୁ କରିନା ଏକାସଙ୍ଗେ କରୁଥିଲେ।
ବିବାହ ତାରିଖ ପାଖେଇ ଆସୁଥିବାରୁ କରିନା କୌଣସି ବିବାଦ ଚାହୁଁ ନ ଥିଲେ। ଏଣୁ ଫିଲ୍ମରେ ଅଜୟଙ୍କ ସହ ଲିପ୍ଲକ୍ ସିନ୍ କରିବାକୁ ସେ ମନା କରିଦେଇଥିଲେ। ୨୦୧୭ରେ ଏକ ସାକ୍ଷାତକାର ଦେବା ସମୟରେ କରିନା ଏହା କହିଥିଲେ।
ଏହାଛଡ଼ା ଅଜୟ ବହୁତ ସିଗାରେଟ୍ ଟାଣିଥାନ୍ତି। ଏଣୁ ତାଙ୍କ ପାଖକୁ ଯିବା ପୂର୍ବରୁ ଅନେକ ଥର ଭାବିବାକୁ ପଡେ। ଶୁଟିଂ ସେଟ୍ରେ ଖାଇବା ସମୟରେ ସେ ସିଗାରେଟ୍ ମଧ୍ୟ ଟାଣିଛନ୍ତି। ଏଣୁ ତାଙ୍କଠାରୁ ଦୂରରେ ରହିବାକୁ ସେ ଚାହିଁଥାନ୍ତି ବୋଲି କହିଛନ୍ତି। ହେଲେ ଉଭୟ ଗୋଲମାଲ-୨, ସିଙ୍ଘମ-୨, ଓମ୍କାରା, ସତ୍ୟାଗ୍ରହ ଆଦି ଫିଲ୍ମରେ କାମ କରିଛନ୍ତି।
