ନୂଆପଡ଼ା,୮ା୭ (ମକାରୁ ବେମାଲ):ନୂଆପଡ଼ା ଜିଲା କୋମନା ବ୍ଲକ ଭେଳା ଗାଁର ଶିକ୍ଷାବିତ୍ ତଥା ଖଡିଆଳ ରାଜା ଏଟି ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ ଡ. କପିଳେନ୍ଦ୍ର ଦାସ ଶିକ୍ଷା, ଗବେଷଣା ଏବଂ ସାହିତ୍ୟ କ୍ଷେତ୍ରରେ ଅତୁଳନୀୟ ଅବଦାନ ପାଇଁ ତାଙ୍କୁ ନ୍ୟାଶନାଲ ଏଜୁକେସନ ଫୋରମ କଲିକତା ପକ୍ଷରୁ ଭାରତ ରତ୍ନ ଗୌରବ ସମ୍ମାନ ପ୍ରଦାନ କରାଯାଇଛି। ଅବସର ପରେ ମଧ୍ୟ ସେ ଶିକ୍ଷାଗତ ଗବେଷଣା ଲେଖାଲେଖି ଏବଂ ସାହିତି୍ୟକ କାର୍ଯ୍ୟ ଜାରି ରଖିଛନ୍ତି। ତାଙ୍କର ଗବେଷଣା ପତ୍ର ଭାରତୀୟ ଶିକ୍ଷା ବ୍ୟବସ୍ଥାର ସଂସ୍କାର ପତ୍ରିକାରେ ପ୍ରକାଶିତ ହୋଇଛି। ପୂର୍ବରୁ ଡ. ଦାସ ଆଦର୍ଶ ବିଦ୍ୟାରତ୍ନ ସମ୍ମାନ, ବନ୍ଦେ ଭାରତ ନ୍ୟାଶନାଲ ଆୱାର୍ଡ଼, ସମ୍ବିଧାନ ରକ୍ଷକ ସମ୍ମାନ, ଇଣ୍ଡିଆନ ଲିଟେରଚର୍ ଆୱାର୍ଡ଼, ଶ୍ରେଷ୍ଠ ଲେଖକ ଆୱାର୍ଡ଼ ପାଇସାରିଛନ୍ତି। ଗୁଣାତ୍ମକ ଶିକ୍ଷାର ପ୍ରସାର, ଗବେଷଣାକୁ ଉତ୍ସାହିତ କରିବା ଏବଂ ଭବିଷ୍ୟତ ପିଢ଼ିକୁ ସତ୍ୟନିଷ୍ଠା ଓ ସମର୍ପଣ ସହ ଜ୍ଞାନ ଆହରଣ କରିବାକୁ ପ୍ରେରିତ କରିବା ତାଙ୍କର ଲକ୍ଷ୍ୟ ବୋଲି ସେ କହିଛନ୍ତି।
Dharitri – Odisha’s No.1 Odia Daily
