ପାକିସ୍ତାନ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଜାନୁୟାରୀ ୨୬ରୁ ଆରମ୍ଭ ହେବାକୁ ଯାଉଛି। ଏହା ପୂର୍ବରୁ ପାକିସ୍ତାନର ପୂର୍ବତନ ଉଇକେଟ୍ କିପର୍ କମରାନ ଅକମଲ ଏକ ଖୁଲା କରିଛନ୍ତି। ଭାରତର ପୂର୍ବତନ ଓପନର୍୍ ଆକାଶ ଚୋପ୍ରାଙ୍କୁ ଦେଇଥିବା ସାକ୍ଷାତକାରରେ ସେ କହିଛନ୍ତି, ଭାରତଠାରୁ କ୍ରିକେଟ୍ ଖେଳିବା ଶିଖିଛି। ଟର୍ନିଂ ଟ୍ରାକ୍ରେ କେମିତି ଖେଳାଯାଏ ତାହା ଆମେ ଭାରତଠାରୁ ଶିଖିଛୁ। ବିଦେଶୀ ଟିମ୍କୁ କେମିତି ଟର୍ନିଂ ଟ୍ରାକ୍ରେ ଫସାଯିବ ତାହା ଭାରତୀୟ ଦଳ ଭଲ ଭାବେ ଜାଣେ ବୋଲି ସେ କହିଛନ୍ତି। ସୂଚନାଯୋଗ୍ୟ, ଦୀର୍ଘ ୧୩ ବର୍ଷ ପରେ କୌଣସି ଏକ ବଡ ଟିମ୍ ପାକିସ୍ତାନ ଗସ୍ତରେ ଆସିଛି। ଏହାପୂର୍ବରୁ ଜିମ୍ବାଓ୍ବେ ଏବଂ ଶ୍ରୀଲଙ୍କା ପାକିସ୍ତାନ ଗସ୍ତରେ ଆସିଥିଲା। ପାକିସ୍ତାନ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜ୍ର ପ୍ରଥମ ମ୍ୟାଚ୍ ୨୪ରୁ ୩୦ ଜାନୁୟାରୀ ମଧ୍ୟରେ ଖେଳାଯିବ।
