ମୁମ୍ବାଇ:ସାଉଥ୍ ସୁପରଷ୍ଟାର ଜୁନିଅର ଏନଟିଆର ତାଙ୍କ ଫ୍ୟାନ୍ସଙ୍କ ମଧ୍ୟରେ ବହୁତ କ୍ରେଜ୍ ଦେଖିବାକୁ ମିଳିଥାଏ। ନିକଟରେ ଅଭିନେତା ତାଙ୍କର ୪୦ତମ ଜନ୍ମଦିନ ପାଳନ କରିଛନ୍ତି। ଏହି ସମୟରେ ତାଙ୍କ ଫ୍ୟାନ୍ସ ମଧ୍ୟ ଜନ୍ମଦିନକୁ ବିଭିନ୍ନ ଉପାୟରେ ଧୁମ୍ଧାମ୍ରେ ସେଲିବ୍ରେଟ୍ କରିଛନ୍ତି। କିନ୍ତୁ ଏନିଟିଆରଙ୍କ ଜନ୍ମଦିନ ପାଳନ କରିଥିବା ୯ ଜଣ ଫ୍ୟାନ୍ସଙ୍କୁ ପୋଲିସ ଗିରଫ କରିଛି। ଫ୍ୟାନମାନ୍ସେ ପଶୁ ବଳି ଦେଇଥିବାରୁ ପୋଲିସ ତାଙ୍କୁ ଗିରଫ କରିଛି।
ଏନଟିଆରଙ୍କ ବାର୍ଥ ଡେ ସେଲିବ୍ରେଶନରେ ଏହି ୯ ଜଣ ଫ୍ୟାନ୍ସ ୨ ଛେଳି ମାରି ଅଭିନେତାଙ୍କ ଫ୍ଲେକ୍ସ୍ ବ୍ୟାନରରେ ରକ୍ତ ଲଗାଇଥିଲେ। ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ସେମାନଙ୍କୁ ଗିରଫ କରିଛି।
ସୂଚନା ମୁତାବକ, ଏନଟିଆରଙ୍କ ଜନ୍ମଦିନ ପାଳନ କରିବାକୁ ୯ ଅଭିଯୁକ୍ତ ଫିଲ୍ମ ହଲ୍ରେ ପହଞ୍ଚିଥିଲେ। ସେଠାରେ ୨ ଛେଳିକୁ ମାରି ଏନଟିଆରଙ୍କ ବ୍ୟାନରରେ ସେହି ରକ୍ତ ଲଗାଇଥିଲେ। ବଳି ଦେବା ପାଇଁ ବ୍ୟବହୃତ ହୋଇଥିବା ରକ୍ତ ଜୁଡୁବୁଡୁ ତୀକ୍ଷ୍ଣ ଅସ୍ତ୍ରଶସ୍ତ୍ର ସହିତ ଛେଳି ମୃତଦେହକୁ ନେଇ ସେଠାରୁ ପଳାଇଥିଲେ। ପରେ ଅଭିଯୁକ୍ତଙ୍କୁ ବିଜୟୱାଡାର ରୋବର୍ସନପେଟ ପୋଲିସ ଗିରଫ କରିଥିଲା।
ସେହିପରି ଏନଟିଆରଙ୍କ ଜନ୍ମଦିନରେ ଆଉ ଏକ ଘଟଣା ସାମ୍ନାକୁ ଆସିଥିଲା। ତାଙ୍କର ୨୦ ବର୍ଷ ପୁରୁଣା ବ୍ଲକବଷ୍ଟର ଫିଲ୍ମ ‘ସିମହ୍ରାଦି’ ପ୍ରେକ୍ଷାଳୟରେ ବାର୍ଥଡେରେ ମୁକ୍ତିଲାଭ କରିଥିଲା। ଅଭିନେତାଙ୍କ ଫ୍ୟାନ୍ସ ବହୁ ସଂଖ୍ୟାରେ ହଲ୍ରେ ଭିଡ଼ ଜମାଇଥିଲେ। ଫିଲ୍ମ ଦେଖିବାବେଳେ ଫ୍ୟାନ୍ସ ହଲ୍ରେ ଚିଲ୍ଲେଇବା ସହ ହଲ୍ ଭିତରେ ବାଣ ଫୁଟାଇଥିଲେ। ତେବେ ଏହା ଯୋଗୁ ହଲ୍ରେ ନିଆଁ ଲାଗି ଯାଇଥିଲା।
