ଚେନ୍ନାଇ,୧୬।୨: ଭାରତ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍ରେ ୩୧୭ରନ୍ ବ୍ୟବଧାନରେ ହାରିଛି ଇଂଲଣ୍ଡ ଟିମ୍। ଫଳରେ ସିରିଜ୍ ୧-୧ ସମାନ ସ୍ଥିତିରେ ପହଞ୍ଚିଛି। ଏହି ଜିତ୍ ପରେ ଭାରତୀୟ ଅଧିନାୟକ ବିରାଟ କୋହଲି ବେଶ୍ ଉତ୍ସାହିତ ଥିବା ବେଳେ ଇଂଲଣ୍ଡ ଅଧିନାୟକ ଜୋ ରୁଟ୍ ନିରାଶ ହୋଇଛନ୍ତି। ମ୍ୟାଚ୍ ନେଇ ପ୍ରତିକ୍ରିୟା ରଖି ସେ କହିଛନ୍ତି, ଟିମ୍ ଚୟନକୁ ଦୋଷ ଦେବାକୁ ଚାହୁଁନାହିଁ। କାରଣ ଆମ ପାଖରେ ସକ୍ଷମ ଖେଳାଳିଙ୍କ ଦଳ ରହିଛି। ଅଧିନାୟକ ଭାବେ ଦାୟିତ୍ୱ ନିର୍ବାହ କରିବାକୁ ଚେଷ୍ଟା କରୁଛି। ଦଳ ପକ୍ଷରୁ ସର୍ବଶ୍ରେଷ୍ଠ ପ୍ରଦର୍ଶନ କରି ମ୍ୟାଚ୍ ଜିତିବାକୁ ହୋଇଥାଏ। ଏବେର ସମୟ ଆମପାଇଁ କଷ୍ଟକର ଏବଂ ସଂଘର୍ଷପୂର୍ଣ୍ଣ। କୋଭିଡ ସମୟରେ ଯେତେ ମ୍ୟାଚ୍ ଖେଳାଯାଉଛି ସେଥିପାଇଁ ସମସ୍ତ ପ୍ରସ୍ତୁତି କରିବାକୁ ପଡ଼ୁଛି ବୋଲି ସେ କହିଛନ୍ତି। ଆଗାମୀ ମ୍ୟାଚ୍ରେ ଦଳ ଭଲ ପ୍ରଦର୍ଶନ କରିବ ବୋଲି ସେ ମଧ୍ୟ କହିଛନ୍ତି।
