ୱାଶିଂଟନ,୨୫ ।୪: ଆମେରିକା ରାଷ୍ଟ୍ରପତି ଜୋ ବାଇଡେନ ଆଗାମୀ କିଛି ମାସ ମଧ୍ୟରେ ଇସ୍ରାଏଲ ଗସ୍ତ ପରିପାରନ୍ତି । ଇସ୍ରାଏଲ ପ୍ରଧାନମନ୍ତ୍ରୀ ନଫ୍ତାଲି ବେନେଟ ଇସ୍ରାଏଲ ଆସିବାକୁ ବାଇଡେନଙ୍କୁ ନିମନ୍ତ୍ରଣ ଦେଇଥିଲେ । ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ ବୟାନ ଜରିଆରେ ସୂଚନା ଦିଆଯାଇଛି କି, ରାଷ୍ଟ୍ରପତି(ଜୋ ବାଇଡେନ) ଇସ୍ରାଏଲ ଯାତ୍ରା କରିବାକୁ ପ୍ରଧାନମନ୍ତ୍ରୀ ନଫତାଲି ବେନେଟଙ୍କ ନିମନ୍ତ୍ରଣକୁ ସ୍ୱୀକାର କରି ନେଇଛନ୍ତି । ଆସନ୍ତା ମାସରେ ସେ ଇସ୍ରାଏଲ ଗସ୍ତ କରିପାରନ୍ତି ।
ସୂଚନାଯୋଗ୍ୟ, ରବିବାର ଦୁଇ ନେତାଙ୍କ ମଧ୍ୟରେ କଥାବାର୍ତ୍ତା ହେବା ପରେ ରାଷ୍ଟ୍ରପତି ବାଇଡେନ ଇସ୍ରାଏଲ ଯାତ୍ରା କରିବା କଥା ସାମ୍ନାକୁ ଆସିଛି । ଉଭୟଙ୍କ ମଧ୍ୟରେ ହୋଇଥିବା କଥାବାର୍ତ୍ତା ମଧ୍ୟରେ ଇସ୍ରାଏଲ ପ୍ରଧାନମନ୍ତ୍ରୀ ବେନେଟ ରାଷ୍ଟ୍ରପତି ବାଇଡେନଙ୍କୁ ଇଷ୍ଟରର ଶୁଭେଚ୍ଛା ଜଣାଇଥିଲେ । ଉଭୟ ନେତା ଇରାନ ସମସ୍ୟାକୁ ନେଇ କଥା ହୋଇଥିବା ସୂଚନା ମିଳିଛି । ଦୁଇ ନେତାଙ୍କ ମଧ୍ୟରେ ବିଶେଷ ଭାବେ ଆଇଆରଜିସି(ଇସଲାମିକ ରିଭୋଲୁ୍ୟସନାରୀ ଗାର୍ଡସ୍ କପସି)କୁ ୟୁଏସ୍ ଫରେନ ଟେରର ଅର୍ଗାନାଇଜେଶନ(ଏଫଟିଓ) ସୂଚୀରୁ ହଟାଇବାର ଦାବି ଉପରେ କଥା ବାର୍ତ୍ତା ହୋଇଛି ।
