ୱାଶିଂଟନ,୨୩ ।୨: କରୋନା ମହାମାରୀରେ ପ୍ରାୟ ଗୋଟିଏ ବର୍ଷ ମଧ୍ୟରେ ଆମେରିକାରେ ପାଖାପାଖି ୫ ଲକ୍ଷରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ଏହା ଆମେରିକାବାସୀଙ୍କ ପାଇଁ ସବୁଠାରୁ ବଡ ଦୁଃଖଦ ସମୟ ବୋଲି କହିଛନ୍ତି ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍ । ସୋମବାର କରୋନା ସଂକ୍ରମଣରେ ମୃତ ପ୍ରାୟ ୫ ଲକ୍ଷ ଲୋକଙ୍କୁ ବାଇଡେନ୍ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ପ୍ରଥମ ବିଶ୍ୱଯୁଦ୍ଧ, ଦ୍ୱିତୀୟ ବିଶ୍ୱଯୁଦ୍ଧରେ ଯେତିକି ଲୋକଙ୍କ ମୃତ୍ୟୁ ହୋଇ ନ ଥିଲା ତା’ଠାରୁ ଅଧିକ କରୋନା ମହାମାରୀରେ ହୋଇଛି ବୋଲି ବାଇଡେନ୍ କହିଛନ୍ତି । ଏହା ଆମେରିକା ପାଇଁ ସବୁଠାରୁ ବଡ କ୍ଷତି । ପ୍ରିୟଜନଙ୍କୁ ହରାଇବାର ନିଜର ବ୍ୟକ୍ତିଗତ ଯେଉଁମାନଙ୍କ ନିକଟରେ ରହିଛି ତାହା ଅତ୍ୟନ୍ତ ଦୁଃଖଦାୟକ । ତେବେ ଯେଉଁମାନଙ୍କ ଜୀବନ ଯାଇଛି ସେମାନେ ପ୍ରକୃତରେ କୁଆଡେ ଯାଇନାହାନ୍ତି ବରଂ ଆମ ହୃଦୟରେ ଅଛନ୍ତି ବୋଲି ରାଷ୍ଟ୍ରପତି ବାଇଡେନ୍ କହିଛନ୍ତି । ସୂଚନାଯୋଗ୍ୟ, ୧୯୭୨ରେ ଯେତେବେଳେ ବାଇଡେନ୍ ତାଙ୍କ ପତ୍ନୀ ଓ ଝିଅଙ୍କୁ ଏକ କାର୍ ଦୁର୍ଘଟଣାରେ ହରାଇଥିଲେ ଓ ୨୦୧୫ରେ କ୍ୟାନସରରେ ପୀଡ଼ିତ ପୁଅଙ୍କୁ ହରାଇଥିଲେ ସେତେବେଳେର ସେହି ଦୁଃଖ ଆଜିବି ତାଙ୍କ ପାଇଁ ଅଭୁଲା ହୋଇ ରହିଛି ।
